রোমীয় 11:15 - Chakma Bible

¹⁵ গোজেনে যিহূদীগুনোরে এলাফেলা গোজ্জ্যে বিলি যুনি গোজেন সমারে জগদর্ অন্য মানুচ্চুনোর্ মিলেমিলি অলঅ মাত্তর্ তে যেক্কে যিহূদীগুনোরে মানি লবঅ সেক্কে অবস্থাগান্ কি অবঅ? সিয়েন কি মরা মান্‌জ্যর্ জিংকানি পাইদ্যে ধোক্ক্যেন্ অবস্থা ন-অবঅ?

রোমীয় 11:15 Iomraidhean Croise

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

লূকে লেখ্যে গম্ হবর্ 15:24

কিয়া মর্ এ পুয়োবো মুরি যেয়্যে মাত্তর্ আরঅ জেদা ওইয়্যে; আঝি যেইনে পাহ্ যেইয়্যে। সে পরেদি তারা ফুত্তি গরা ধল্ল্যাক্।

লূকে লেখ্যে গম্ হবর্ 15:32

হুজি ওইনে আমার্ ফুত্তি গরানা উচিত, কিয়া তর্ এ ভেইবো‌ মুরি যেয়্যে আরঅ জেঈ উত্ত্যে; আঝি যেয়্যে আরঅ তারে পাহ্-যেয়্যে।’ ”

রোমীয় 14:1

বিশ্বাজে যে মন্‌মরা তারে আপন গুরি নেয; তা কধাগান্দোই তা সমারে তর্কাতর্কি ন-গোজ্য।

রোমীয় 14:3

চোইদ্দ্যে হেইয়্যেবো যেন শাক্-পাত্ হেইয়্যেবোরে ঈচ্ ন-গরে আর শাক্-পাত্ হেইয়্যেবো যেন চোইদ্দ্যে হেইয়্যেবোরে দুষ্ ন-ধরে, কিয়া গোজেনে দঅ সেই দ্বিজনরে আপন গুরি লোইয়্যে।

ইফিষীয় 1:10

তে ঠিগ্ গুরি থোইয়্যেদে যে, সময় পুরেলে পরেদি সেই উদ্দেচ্চ্যগান্ গুরিবাত্যে তে স্বর্গর্ আর পিত্‌থিমীর্ বেক্কানি এগত্তর্ গুরিনে খ্রীষ্টর্ শাসন অধীনোত্ আনিবো।

ফগদাং পেইয়্যে 11:11

মাত্তর্ এই সাড়ে তিন দিন পরে গোজেনর্ দিয়্যে পরাণ-বৈয়্যেরান তারা ভিদিরে সোমেল। সেক্কে তারা টেঙত্ ভর্ দিইনে থিয়েলাক্। সেক্কে যিগুনে তারারে দেগিলাক্ সিগুনে ভারী দোরেলাক্।