রোমীয় 10:15 - Chakma Bible

¹⁵ সিয়েন বাদে কেঅ দি ন-পাধেলে কেধোক্ক্যেন্ গুরিনে প্রচারগ্‌কুনে প্রচার গুরিবাক্? পবিত্র বোইবোত্ লেগা আঘে, “বর্ পেইয়্যে তারার্ টেঙানি যিগুনে ভালেদির্ গম্ হবর্ প্রচার গুরিবাত্তে এজন্।”

রোমীয় 10:15 Iomraidhean Croise

যিশাইয় 40:9

ও সিয়োন, গম্ হবর্ তুই যে আন্যস্, তুই অজল্ মুড়োবোত্ যেইনে উঠ্। ও যিরূশালেম, গম্ হবর্ যে তুই আন্যস্, তুই দাঙর্ দাঙর্ গুরি রঅ ছাড়্, রঅ ছাড়্, ন-দোরেচ্; যিহূদার শঅরানিরে কঅ, “এইদঅ তমার গোজেন!”

যিশাইয় 52:7

যে মানুচ্চো গম্ হবর্ দিবাত্তে এজে, সুগ্-শান্দি ফগদাং গরে, ভালেদির হবর্ আনে, উদ্ধোরান্ ফগদাং গরে আর সিয়োনানরে কয়, তঅ গোজেনে রাজাগিরি গরে, মুড়োমুড়ি উগুরেদি এবার্ অক্তত্ সেই মানুচ্চোর টেঙান কেধোক্ক্যেন দেগায়।

যিশাইয় 57:19

সেক্কে তারা কবাক্, ‘কায়কুরে আর দূরো বেক্কুনোর ভালেদি ওক্।’ মুই লগেপ্রভু কঙত্তে, মুই তারারে গম্ গুরিম।”

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিরমিয় 23:32

ঘেচ্চেকগুরি মুই সেই ভাববাদীগুনো বিরুদ্ধে যিগুনে মিজে স্ববনর্ কধা কন। তারা সিয়েনি কন্ আর তারার বাড়্‌বো গোজ্যে মিজে কধালোই মঅ মানুচ্চুনোরে ভান্ন্যেই পধেদি নেযান। মাত্তর্ মুই তারারে ন-পাদাং বা উগুমঅ ন-দুয়োং। তারা এ মানুচ্চুনোরে এ শোস্যবিজিয়ো উপকার গুরি ন-পারন। মুই লগেপ্রভু এ কধাগান কঙর্।”

নহূম 1:15

যে মানুচ্চো গম্ হবর্ আনে আর শান্তি ফগদাং গরে, উই চাহ্, মুড়ো-মুড়ি উগুরে তা টেঙানি। ও যিহূদা, তর্ পরব্‌‌পুন পালা আর মান্যেগানি বেক্কানি ছিড়ে। পাজিগুনে আর্ তরে আক্রমণ ন-গুরিবাক্; তারারে এক্কুবারে ভস্ত গুরি ফেলা অবঅ।

মথি লেখ্যে গম্ হবর্ 9:38

সেনত্তে খেত্-খেত্তি গিরোজ্‌সো ইধু কোজোলী গরঅ যেন তে তার খেত্-খেত্তিগানি কাবিবাত্তে মানুচ্ পাধেই দে।”

লূকে লেখ্যে গম্ হবর্ 10:1

ইয়েনর্ পরেদি প্রভু যীশু আরঅ সত্তুর্‌জন শিচ্চ্যরে প্রচারত্ পাধেবাত্তে বেঈ নেযেল। তে নিজে যে আদামত্ আর যে জাগাত্ যেবঅ বিলি ঠিগ্ গোজ্যে সেই বেক্ জাগানিত্ যেবার্ আগেদি শিচ্চ্যগুনোরে দ্বিজন্ দ্বিজন্ গুরি পাধেই দিলো।

লূকে লেখ্যে গম্ হবর্ 2:10

স্বর্গদূত্তো তারারে কলঅ, “ন-দোরেয়ো, কিয়া মুই তমাইধু ভারী হুজির্ হবর্ আন্যং। এ হুজিগান্ বেক্ মানুচ্চুনোত্তে।

লূকে লেখ্যে গম্ হবর্ 2:14

“স্বর্গত্ গোজেনরে বাঈনী গরা ওক্, পিত্‌থিমীত্ যিগুনো উগুরে তে হুজি তারার্ শান্তি ওক্।”

লূকে লেখ্যে গম্ হবর্ 8:1

পরেদি যীশু আদামে আদামে আর শঅরে শঅরে ঘুরিনে গোজেন রেজ্যর্ গম্ হবর্ ফগদাং গরা ধুরিলো। তা সমারে তার্ বারজন শিচ্চ্য আর কয়েক্কো মিলেয়ো এলাক্। এ মিলেগুনে ভান্ন্যেই আত্মার্ আঢত্তুন্ রেহাই পেইয়োন আর পীড়েত্তুন্ গম্ ওইয়োন্। ইগুনে অলাক্ মরিয়ম, যিবেরে মগ্‌দলীনী কুয়ো অদঅ আর যিবে ভিদিরেত্তুন্ সাত্তো আত্মা নিগিলি যেইয়োন্;

যোহন 20:21

যেরেদি যীশু আরঅ তারারে কলঅ, “তমার্ শান্তি ওক্‌। বাবা যেধোক্ক্যেনগুরি মরে পাধেয়্যে মুইয়ো সেধোক্ক্যেনগুরি তমারে পাধাঙর্।”

প্রেরিত্‌ 10:36

গোজেনে ইস্রায়েলীয়গুনো ইধু এ গম্ হবরান্ পাধেয়্যেদে যে, যীশু খ্রীষ্ট, যে বেক্কুনোর প্রভু, তা মাধ্যমে শান্তি পাহ্ যায়।

প্রেরিত্‌ 13:26

ভেইলগ্, অব্রাহাম গুট্টিগুন্ আর গোজেনভক্ত অযিহূদীগুন, পাপত্তুন্ উদ্ধোরর্ এই যে হবরান্ সিয়েন আমা ইধু দিপাদা ওইয়্যে।

প্রেরিত্‌ 22:21

সেক্কে প্রভু মরে কলঅ, তুই যাহ্, মুই তরে দূরোত্ অযিহূদীগুনো ইধু পাধেম্।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

রোমীয় 1:15

সিয়েনত্তে তুমি যিগুনে রোমত্ আঘঅ তমা ইধুয়ো যীশু খ্রীষ্ট পৌইদ্যেনে গম্ হবর্ প্রচার গুরিবাত্তে মুই আওজি।

রোমীয় 15:20

খ্রীষ্ট নাঙান্ যিয়েনত কনদিন্অ কুয়ো ন-অয় সিয়েনত্ গম্ হবর্ ফগদাং গরানা মঅ জিবনর্ আজা, যেন অন্য মান্‌জ্যর্ বানেয়্যে জাগাত্ মত্তুন্ বানা ন-পড়ে।

ইফিষীয় 2:17

তুমি যিগুনে দূরোত্ এলা আর তারা যিগুনে কায়কুরে এলাক্, বেক্কুনো ইধু তে এইনে শান্তির্ গম্ হবর্ ফগদাং গোজ্জ্যে।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

ইফিষীয় 6:15

আর শান্তির্ গম্ হবর্ প্রচারত্যে ঠেঙানি যুক্কোল্ গুরিনে থিয়্যেই থাগঅ।

১ পিতর 1:12

মাত্তর্ গোজেনে তারারে দেগেই দিয়্যেদে যে, তারা যেদক্কানি কধা কোইয়োন সিয়েনিলোই তারা নিজোরে সেবা ন-গুরিনে তমারে সেবা গোজ্জ্যন্। স্বর্গত্তুন্ পাধেইয়্যে পবিত্র আত্মার পরিচালনায় যিগুনে তমা ইধু খ্রীষ্ট পৌইদ্যেনে গম হবর্ ফগদাং গোজ্জ্যন্ তারা ভাববাদীগুনোর্ সেই কধানি তমারে জানেয়োন। এন্‌ কি, স্বর্গদূত্‌তুনেয়ো এ পৌইদ্যেনে জানিবাত্যে আওজি।