রোমীয় 1:31 - Chakma Bible

³¹ গম্-ভান্ন্যেয়র্ জ্ঞান্ তারাত্তুন্ নেই, আর তারা অবিশ্বেজি। পরিবার ইন্দি তারার্ কোচ্‌পানা নেই আর তারার্ মনত্ দোয়্যে-মেয়্যে নেই।

রোমীয় 1:31 Iomraidhean Croise

গম্ উপদেজ্ 18:2

বিবেচনানেইয়্যে মান্‌জ্যে গম্-ভান্ন্যেই বুঝোনা পৌইদ্যেনে কনঅ হুজি ন-পায়, মাত্তর্ নিজো কধাগান ফগদাং গুরিবাত্তে হজি পায়।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিশাইয় 33:8

রাজপথ্‌তানি খালি, কনঅ মান্‌জ্যে পথ্‌তান ইন্দি ন-যাদন্। চুক্তিবো ভাঙি যেইয়্যে; শঅরানিরে কনঅ দাম দিয়্যে ন-যার্ আর কাররে সর্মান গরা ন-অর্।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

মথি লেখ্যে গম্ হবর্ 15:16

যীশু তারারে কলঅ, “তুমি কি এজঅ অন্যগুনোত্তুন্ অবুঝ্ আগঅ? তুমি কি ন-বুঝো যে, যেদক্কানি মুয়ো ভিদিরে যায় সিয়েনি পেদ ভিদিরে সমে আর যেরেদি নিগিলি যায়?

মার্ক 7:18

যীশু তারারে কলঅ, “তুমি কি অন্যগুনোত্তুন্ এদক্ অবুঝ্? তুমি কি ন-বুঝো যে, বারেত্তুন্ যিয়েনি মান্‌জ্য ভিদিরে চমে সিয়েনি তারে অসিজি গুরি ন-পারে?

রোমীয় 3:11

কেঅ সত্য জ্ঞান্দোই ন-চলে, কেঅ গোজেনর্ আওজ্ মজিম কাম্ ন-গরে।

২ তীমথিয় 3:3

তারা ইধু কোচ্‌পানা জিনিস্‌চান ন-থেবঅ, আর তারা কোল্-কোজ্জ্যে গুরিনে মিলেমিলি ন-অবাক্। তারা পররে বন্নাং গুরিবাক্, নিজোরে দোঙেই ন-পারিবাক্, চিৎ-নপুজ্জ্যে অবাক্, আর যিয়েন গম্ সিয়েন ঘিনেবাক্।