রোমীয় 1:29 - Chakma Bible

²⁹ নানান্ বাবোত্যে অন্যেয়, ভান্ন্যেই, লুভ্, নীচুতা, ইংসে, খুন্, মারামারি, ছলনা আর অন্যরে ক্ষতি গুরিবার আয়োজে তারা যুক্কোল্।

রোমীয় 1:29 Iomraidhean Croise

গীতসংহিতা 41:7

যিগুনে মরে ঘিনেন্ তারা মঅ বিরুদ্ধে কানাকুদি গরন্ আর মরে ক্ষোতি গুরিবার চিন্তে গরন্।

গম্ উপদেজ্ 16:28

যে মানুচ্চো কুজুরো তে কোল্-কোজ্যে বাজায়, আর যে মানুচ্চো ইংসে-নিন্দে গরে তে দাংগুত্ব ভাঙি ফেলায়।

গম্ উপদেজ্ 26:20

আগুনোত্ ধার্‌বো ন-দিলে আগুনান্ মুরি যায়; নিন্দে গুরিয়্যে ন-থেলে কোল্-কোজ্যেয়ো থামায়।

মথি লেখ্যে গম্ হবর্ 5:32

মাত্তর্ মুই তমারে কঙর্, যুনি কনজনে বেভিচের দুষ্ বাদে অন্য কনঅ কারনে মোগোরে ছাড়ি দে তে তারে বেভিচারিনি বানায়। আর যিবেরে ছাড়ি দিয়্যে ওইয়্যে সে মিলেবোরে যে লয় তেয়ো বেভিচের্ গরে।

রোমীয় 3:10

পবিত্র বোইবোত্ লেগা আঘে: নিদ্দুজি কেঅ নেই, একজন-অ নেই;

২ করিন্হীয় 12:20

মত্তুন্ দর্ লাগের্, মুই যেক্কে তমা ইধু এম্ সেক্কে মুই তমারে যেধোক্ক্যেন দেগিবাত্যে চাং অয়ত সেধোক্ক্যেন্ ন-দেগিম্, আর তুমিয়ো মরে যেধোক্ক্যেন্ দেগিবাত্যে চঅ সেধোক্ক্যেন ন-দেগিবা। মত্তুন্ দর্ লাগেত্তে, তমা ভিদিরে কোল্-কোজ্যে, ইংসে, মেজাজ দেগানা, দলাদুলি, নিন্দে, পর কধালোই তেম্মাং, বাড়্ গরানা আর ঝাগুলুগ্ থেবঅ।

১ তীমথিয় 3:11

ঠিগ্ সেবাবোত্যেগুরি তারার্ মোগ্‌কুনেয়ো যেন সর্মানর্ যগাজ্জ্যে অন্। তারা যেন অন্যরে বদ্‌নাঙ্ গুরিনে ন-বেড়ান্ আর নিজোরে দোঙেই রাগান্। বেক্কানি পৌইদ্যেনে যেন তারারে বিশ্বেজ্ গরা যায়।

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।