রোমীয় 1:21 - Chakma Bible

²¹ মান্‌জ্যে তা পৌইদ্যেনে জানিবার্ পরেদিয়ো গোজেন ইজেবে তারে বাঈনীয়ো ন-গরন, আর ভালেদিয়ো ন-জানান্। তারার্ চিন্তেগানি বাজে ওই যেইয়্যে আর তারার্ বুদ্ধি-নেইয়্যে মনানি আন্ধারে ভুরি যেইয়্যে।

রোমীয় 1:21 Iomraidhean Croise

পত্থম 6:5

লগেপ্রভু দেগিলোদে পিতথিমীত্‌ মান্‌জ্যর্ ভান্ন্যেইয়ানি অমকদ বাড়ি যেইয়্যে, আর তারা মনর্ বেক্‌ চিদে-সজ্জানি নিত্য বানা ভান্ন্যেইয়ন্দি লুঙি পোজ্যে।

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

১ রাজাবলী 20:23

এ ভিদিরে অরাম রাজার কামগুরিয়্যেগুনে তারে এ শল্লাগান্‌ দিলাক্‌, “তারার্‌ দেবেদাগুন্‌ মুড়ো-মুড়ির্‌ দেবেদা, সেনত্তে আমাত্তুন্‌ বেশ্‌ তারা বোলী। মাত্তর্‌ আমি যুনি সংজাগাত্‌ তারার্‌ লগে যুদ্ধো গুরিই সালে হামাক্কাই আমি তারাত্তুন্‌ বেশ্‌ বোলী অবং।

২ রাজাবলী 17:15

তারা তার্‌ বেক্‌ সুদোমানি, তারার্‌ পূরোণি মানুচ্চুনোত্তে থিদেবর্ গোজ্যে তার্‌ সুদোমান্‌ আর তারা ইদু তার্‌ দিয়্যে উজিয়ারর্‌ কধানি মানদে অস্বীগের্‌ গোজ্যন্‌। তারা বাজে মূত্তি পূজো গুরিনে নিজেয়ো বাজে ওই পোজ্যন্‌। লগেপ্রভু যিগুনো ধোক্ক্যেন চলিবাত্তে ইস্রায়েলীয়গুনোরে মানা গোজ্যে তারা তারার্‌ চেরোকিত্তে সে জাত্তুনোর্‌ ধোক্ক্যেন চলিদাক্‌।

গীতসংহিতা 50:23

যিবের জিংকানিত্ ভালেদিগানই অলঅ তার উৎসর্ব তেয়ই মরে সর্মান গরে; যে মঅ পধেন্দি আঢে তারে মুই উদ্ধোর গুরিম।”

গীতসংহিতা 81:12

সেনত্তে মুই তারারে একবুচ্ছ্যে মনর্ মান্‌জ্য আদত্ রাগেলুং, যেনে তারা নিজো আওজ্ মজিম চলন্।

গীতসংহিতা 86:9

ও প্রভু, তর্ বানেয়্যে বেক জাদ্‌তুনে এইনে তঅ মুজুঙোত্ জু জু জানেইনে মাঢা নিগিরিবো; তারা তর্ গুনগান গুরিবাক্।

উপদেশক 7:29

বানা ইয়েন্ মুই হবর্ পেলুং, গোজেনে মান্‌জ্যরে গমেডালে বানেয়্যে, মাত্তর্ মানুচ্ নানান্ বাবোত্যে চালাগিগুরি পিজেদি যেয়োন্দোই।

যিশাইয় 60:2

চঅ, পিত্‌থিমীগান আন্ধারে নাঢা যেইয়্যে ‌‌ আর জাদ্‌তুনো উগুরে এচ্চ্যে ঘুর্‌‌‌‌গুজ্যে আন্ধার, ‌ মাত্তর্ লগেপ্রভু তঅ উগুরে পহ্‌‌‌র দিবো আর তার মহিমাগান তঅ উগুরে ফগদাং অবঅ।

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

যিরমিয় 2:5

লগেপ্রভু কোইয়্যেদে, তমা পুরোণি মানুচ্চুনে মর্ কি কনঅ দুষ তোগেইনে পেইয়োন, তারা মত্তুন্ দূরোত্ সুরি যেইয়োন? তারা অকেজোর্ মূত্তির্ পিজেদি যেইনে তারায়ো অকেজো ওই যেইয়োন।

যিরমিয় 9:14

সিয়েনর বদলে তারা তারার মনর্ একঘেয়েমি অনুসারে চলদন; তারার বাপ্‌পুনোর শিক্ষ্যে মজিম তারা বাল দেবেদার পিজেদি চলদন্।

যিহিষ্কেল 14:5

ইস্রায়েলীয়গুনোর মনানি আরঅ জিদিই নিবাত্তে মুই ইয়েন গুরিম, কিত্তে তারা বেক্কুনে তারার্ মূত্তিগুনোত্তে মরে ছাড়ি যেইয়োন।

যিহিষ্কেল 20:25

সেনত্তে যেদক্কানি সুদোম গম্ নয় আর যে রীদি-সুদোমর্ মাধ্যমে তারা জিংকানি ন-পেবাক্ সেই বেক্কুনো আদত্ মুই তারারে ইরি দিলুং।

হোশেয় 2:8

তে স্বীগের্ ন-গুরিদো যে, মুয়ই তারে সেই শোজ্য, নূয়ো আংগুর-রস আর তেল দিদুং, তারে বোউত্ সনা আর রূবো দিদুং, যিয়েনি তে বাল দেবেদাত্তে বেবহার গোজ্যে।

যোহন 3:19

তারে দুষি বিলি ঠিগ্ গরা ওইয়্যে কিয়া জগদত্ পহ্‌র এচ্চ্যে, মাত্তর্ মান্‌জ্যর্ কামানি ভান্ন্যেই বিলি মানুচ্ পহ্‌রত্তুন্ আন্ধাররে বেশ্ কোচ্‌পেইয়োন্।

রোমীয় 1:19

গোজেন পৌইদ্যেনে যিয়েন জানি পারে সিয়েন মান্‌জ্য ইধু খুলোমেলা, কিত্যেই গোজেনে নিজেই তারা ইধু সিয়েনি ফগদাং গোজ্যে।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

রোমীয় 11:10

তারার্ চোগ্‌কুন্ কান্ ওদোক্ যেন তারা চোগেদি ন-দেগন্, আর নিত্য তারার্ কমরুনোত্ বেঙাতেরা ওক্।

দ্বি’লম্বর বিররণ 28:29

কান্‌ মান্‌জ্যে যেধোক্ক্যেনগুরি আন্ধারত্‌ বিজিরে বিজিরে বেড়ায় সেধোক্ক্যেন গুরিনে তুমি দিনোত্ বিজিরে বিজিরে বেড়েবা; তমার্‌ কনঅ কামত্‌ গম্‌ ন-অবঅ। তমা উগুরে আমিঝে অত্যেচার আর লুট চলিবো; সিয়েনত্তুন তমারে উদ্ধোর গুরিবাত্তে কনজনে উজেই ন-এবাক্।

২ তীমথিয় 3:2

মান্‌জ্যে বানা নিজোরে কোচ্‌পেবাক্, টেঙার্ লুভি অবাক্, বাড়্ গুরিবাক্, বেক্কুনোরে থেঝেরা মারিবাক্, বেক্কুনোরে বদ্‌নাঙ্ গুরিবাক্, আর মা-বাবর্ অবাধ্য অবাক্। তারা অকৃতজ্ঞ আর ভোক্তি নেইয়্যে অবাক্,

১ পিতর 1:18

তুমি কোই পারঅ, জিংকানির্ পধত্ চলিবাত্যে তমা পূরোণি মানুচ্চুনোত্তুন্ পেইয়্যে বাজে খাচ্চ্যদত্তুন্ সনা বা রূবো ধোক্ক্যেন ক্ষয় ওই যেইয়্যে কনঅ জিনিস্‌চোই তমারে উদ্ধোর গরা ন-অয়;

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

ফগদাং পেইয়্যে 14:7

তে জোরে জোরে এ কধাগান কত্তে, “গোজেনরে দরঅ আর তারে বাঈনী গরঅ, কিয়া বিচের্ গুরিবার সময়বো লুম্মেগি। যিবে আগাজ্, পিত্‌থিমী, সাগর আর পয়নালাগুন সৃট্টি গোজ্জ্যে সিবের্ উবোসনা গরঅ।”

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”