রোমীয় 1:20 - Chakma Bible

²⁰ গোজেনর্ যেদক্কানি গুণ চোগেদি দেগা ন-যায়, অত্তাৎ তার্ উমরর্ খেমতা আর গোজেনর গুণান্ সৃট্টির আরাম্ভত্তুন্ ধুরি গমেডালে ফুদি উঠ্যে। তার্ সৃট্টিত্তুন্ ধুরি মান্‌জ্যে সিয়েন গমেদালে বুঝি পারন্। ইয়েনর্ পরেদি মান্‌জ্যর্ আর কনঅ জোব্ দিবার নেই।

রোমীয় 1:20 Iomraidhean Croise

পত্থম 1:1

পত্তমে গোজেনে দেবাবো আরঅ পিত্‌থিমীগান বানেল।

পত্থম 21:33

অব্রাহাম বের্‌-শেবাত্ লগেপ্রভুরে, অত্তাৎ যিবের আরাম্ভ আর থুম্ নেই সে গোজেনরে তা যগাজ্যে সর্মান্‌ দিলাক্। তে সিয়েনত্‌ এক্কো ঝাউ গাজ্‌ লাগেল।

ইয়োব 12:7

য়েমানুনোরে পুযোর্‌ গর্‌, তারা তরে শিগেবাক্‌; আগাজ পেক্‌কুনোরে কঅ, তারায়ো তরে কোই দিবাক্‌;

গীতসংহিতা 104:31

লগেপ্রভুর বাঈনী পানাগান্ জিংকানিবর থোক্; তে যেনে নিজো কামত্ হুজি অয়।

গীতসংহিতা 104:5

তুই পিত্‌থিমীগানরে তা নিজো গড়াগান উগুরে থিদেবর্ গোজ্যস্; সিয়েন কনদিন্‌অ ন-লুড়িবো।

গীতসংহিতা 119:90

বংশর পর্ বংশ ধুরিনে তর্ বিশ্বেজ্‌ছান চলের্; তুই পিত্‌থিমীগান থিদেবর্ গোজ্যস, আর সিয়েন থির্ আঘে।

গীতসংহিতা 139:13

তুয়ই মঅ মনান্ বানেয়োচ্; মা পেদত্ তুয়ই মঅ কিয়্যেগান একসমারে বানেয়োচ্।

গীতসংহিতা 8:3

মুই যেক্কে তঅ আঢ্‌‌তোই বানেয়্যে আগাজ ইন্দি রিনি চাং আর সিদু তর্ থিদেবর্ গোজ্যে চানান্ আহ্ তারাগুনোরে দেগং,

গীতসংহিতা 90:2

যেক্কেনে মুড়ো-মুড়ির সিরিষ্টি ন-অয়, দুনিয়ে আর পিত্‌থিমীর সিরিষ্টি ন-অয়, সিয়েনির আগেত্তুন্ ধুরি উমর সং তুয়ই গোজেন।

যিশাইয় 26:4

তুমি উমরত্তে লগেপ্রভু উগুরে বিশ্বেজ্ গরঅ, কিত্তে লগেপ্রভু, সেই লগেপ্রভুই উমরত্তে আশ্রয়-মুড়ো।

যিশাইয় 40:26

তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 5:21

ও ভুল্ আর বুদ্ধিনেইয়্যে মানুচ্চুন, তুমি যিগুনে চোগ্ থাগদেয়ো ন-দেগর্, কান থাগদেয়ো ন-শুনোর্, তুমি শুনো।

যিরমিয় 51:15

লগেপ্রভু নিজোর খেমতালোই পিত্‌‌‌‌‌‌থিমীগান বানেয়্যে, তা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌‌‌‌‌‌‌চান বিজেই দিয়্যে।

মথি লেখ্যে গম্ হবর্ 5:45

যেনে মান্‌জ্যে দেগন্ তুমি ঘেচ্চেকগুরি তমা স্বর্গীয় বাবার্ পুয়ো। তে দঅ গম্-বজং বেক্কুনো উগুরে তা বেলান্ দে আর গম্ আর বজং মানুচ্চুনো উগুরে ঝড়্ দে।

মার্ক 10:6

মাত্তর্ ইয়েন্অ লেগা আঘে যে, সৃট্টির আরাম্ভত্ গোজেনে তারারে মরদ্ আর মিলে ইজেবে বানেয়্যে।

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 15:22

মুই যুনি ন-এদুং আর তারা ইধু কধা ন-কদুং সালে তারার্ দুষ্ ন-অদঅ; মাত্তর্ ইক্কিনে পাপত্যে তারার্ কনঅ ছলনা ধুরি ন-পারিবাক্।

প্রেরিত্‌ 17:29

সালে আমি যেক্কে গোজেনর্ পুয়ো সেক্কে গোজেনরে মান্‌জ্য আঢ্‌তোই আর চিন্তেশক্তিলোই বানেয়্যে সনা, রূবো বা পাত্তর মূত্তি মনে গরানা আমার্ উচিত্ নয়।

প্রেরিত্‌ 22:1

“ভেইলগ্ আর বাব্‌‌লগ্, ইক্কিনে মুই মঅ নিজোর্ পক্ষে কধা কোম্, শুনো।”

রোমীয় 1:19

গোজেন পৌইদ্যেনে যিয়েন জানি পারে সিয়েন মান্‌জ্য ইধু খুলোমেলা, কিত্যেই গোজেনে নিজেই তারা ইধু সিয়েনি ফগদাং গোজ্যে।

রোমীয় 16:26

মাত্তর্ ইক্কিনে গম্ হবরানর্ মাধ্যমে সিয়েন ফগদাং ওইয়্যে আর সেবাবোত্যেগুরি মুই প্রচার গরঙর্। উমর গোজেনর্ উগুম মজিম ভাববাদীগুনোর্ লেঘার্ মাধ্যমে বেক্ জাদর্ মানুচ্চুনো ইধু সিয়েন জানা ওইয়্যে, যেন তারা খ্রীষ্ট উগুরে বিশ্বেজ্ গুরিনে গোজেনর্ বাধ্য ওই পারন্।

রোমীয় 2:1

কেঅ যুনি ইয়েন্দোই অন্যগুনোরে দুষ্ দুয়োন সালে মুই তারে কোম্, তর্ নিজো অজুহাত্তান্ কুধু? তুই যেক্কে অন্যগুনোরে দুষ্ দুয়োচ্ সেক্কে কি তুই নিজোরে দুষি বিলিনে প্রমাণ্ ন-গরচ্? তুই অন্যগুনোরে দুষ্ দুয়োচ্ অদচ তুই সেই একই কাম্ গুরি থাচ্।

রোমীয় 2:15

ইয়েনত্ দেগা যায়, রীদি-সুদোম মজিম যিয়েন গরানা উজিত্ সিয়েন তারা মনত্ লেগা আঘে। তারার্ বিবেক্-অ সেই এক্কুই সাক্ষ্য দে। তারার্ চিন্তেগানিয়ে কনঅ কনঅ সময় তারারে দুষী গরে, আরঅ কনঅ কনঅ সময় তারা পক্ষেয়ো থায়।

১ করিন্হীয় 1:20

মাত্তর্ জ্ঞানী মানুচ্‌ কুধু? পন্ডিত্ মানুচ্ বা কুধু? আর যিবের্ তর্ক গুরিবার খেমতা আঘে এ যুগোর্ সেবাবোত্যে মানুচ্ বা কুধু? এ জগদর্ জ্ঞানান্ যে বানা মূর্খতা সিয়েন কি গোজেনে ন-দেগায়?

দ্বি’লম্বর বিররণ 33:27

যিবে আগকালর গোজেন তেয়ই তর্‌ আশ্রয়; তার উমরর্ আদত্‌ তেয়ই তরে ধুরি আঘে। তর্‌ মুজুঙোত্‌ যিদুক্কুন শত্রু আগন্‌ তে তারারে ধাবেই দিবো; তে কবঅ, ‘ইগুনোরে ভস্ত গরঅ।’

দ্বি’লম্বর বিররণ 4:19

আগাজ মোক্কে রিনি চেইনে বেলান্‌, চাঁন্নো আর তারাগুন, এক্কু কধায় আগাজত্‌ সাজেই রাগেয়্যে বেক্‌ পহর্‌ দিয়্যেগুন্‌ যেক্কে তমার চোগোত্‌ পুরিবো সেক্কে পিত্‌থিমীর বেক্‌ জাদ্‌তুনোরে দিয়্যে তমা গোজেন লগেপ্রভুর্‌ এ বেক্‌ জিনিস্‌ছানিরে সালাম আর পূজো গুরিনে তুমি ভান্ন্যেই পদথ্‌ ন-যেয়ো।

কলসীয় 1:15

এ পুয়োবো অলদে দেগা ন-যেইয়্যে গোজেনর্ অদে অদে ফগদাং। বেক্‌ সৃট্টির আগেদি তেয়ই এলঅ আর বেক্‌ সৃট্টির উগুরে তেয়ই আজল্লো,

কলসীয় 2:9

গোজেনর্ বেক্‌ পরিপূরোনান্ খ্রীষ্ট ভিদিরে কিয়্যেলোই বজত্তি গরের্, আর খ্রীষ্ট লগে মিজেইনে তুমিয়ো সেই পরিপূরোণান্ পেইয়ো।

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

ইব্রীয় 11:27

গোজেন উগুরে তার্ বিশ্বেজত্যে তে রাজার্ রাগ্‌কানরে ন-দোরেইনে মিসর দেশ্‌চান ফেলে যেইয়্যে, কিয়া যিবেরে দেগা ন-যায় তারে যেন দেগর্ সেবাবোত্যে গুরি তে ধৈয্য ধোজ্জ্যে।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!