রোমীয় 1:18 - Chakma Bible

¹⁸ মান্‌জ্যে গোজেনর্ সত্যগানরে অন্যেয়লোই চাবি থান্, আর সেনত্তে তা উগুরে ভক্তির অভাব আর বেক্‌ অন্যেয় কামানিত্যে স্বর্গত্তুন্ মান্‌জ্য উগুরে গোজেনর্ রাগ্‌কান্ ফগদাং ওই থায়।

রোমীয় 1:18 Iomraidhean Croise

যাত্রা 23:7

সাজেয়্যে মামলাত্তুন্‌ দূরোত্‌ থেবা আর কনঅ‌ দুষ্‌ নেইয়্যে বা গম্‌ মান্‌জ্যরে মরণর সাজা-ন-দিবা। এই অন্যেয়ানি যে গুরিবো তারে মুই রেহাই ন-দিম্‌।

রোমীয় 1:19

গোজেন পৌইদ্যেনে যিয়েন জানি পারে সিয়েন মান্‌জ্য ইধু খুলোমেলা, কিত্যেই গোজেনে নিজেই তারা ইধু সিয়েনি ফগদাং গোজ্যে।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

রোমীয় 1:32

গোজেনর্ এ বিচেরর্ কধানি তারা গমেডালে হবর্ পান্ যে, এবাবোত্যে কাম্ যিগুনে গরন্ তারা মরণর্ সাজা পেবার্ কধা। এ কধাগান্ কোই পারিনেয়ো তারা যে বানা ইয়েনি গুরি থান্ সিয়েন নয়, মাত্তর্ অন্য যিগুনে সিয়েনি গরন্ তারারেয়ো অজেই দুয়োন্।

রোমীয় 2:3

তুই যে কামানত্যে অন্যগুনোরে দুষ্ দুয়োর্ সেই এক্কুই কাম্ যেক্কে তুই নিজেয়ো গরচ্ সেক্কে কি গোজেন আঢত্তুন্ বাঁজিবে বিলি মনে গরচ্?

রোমীয় 3:9

ইক্কিনে আমি কি কবং? যিহূদী ইজেবে আমা অবস্থা কি অযিহূদীগুনোত্তুন্ বেশ্ গম্? কন বাবদে নয়। আমি দঅ আগে কোইয়্যেই, যিহূদী-অযিহূদী বেক্কুনে পাপে ভরা

রোমীয় 4:15

কারন রীদি-সুদোম গোজেনর্ সাজাগানরে ডাগি আনে। আর সত্যগান কধে কি, যিয়েনত্ রীদি-সুদোম নেই সিয়েনত্ রীদি-সুদোম অমান্য গুরিবার প্রশ্নয়ো নেই।

রোমীয় 5:6

যেক্কে আমার্ কনঅ খেমতা ন-এলঅ সেক্কে ঠিগ্ সময়োত্ খ্রীষ্ট গোজেন উগুরে ভোক্তি নেইয়্যে মানুচুনোত্তে, অত্তাৎ আমাত্যে পরাণান্ দিলো। কনঅ গম্ মান্‌জ্যত্তে কনজনে পরাণ্ ন-দুয়োন।

রোমীয় 5:9

সালে খ্রীষ্টর্ লো-গান্দোই যেক্কে আমারে নিদ্দুজি বিলি মানা ওইয়্যে সেক্কে আমি খ্রীষ্টর্ মাধ্যমে গোজেনর্ সাজাত্তুন্ খামাক্কায় রেহাই পেবং।

রোমীয় 6:13

কিয়্যেগানর্ কনঅ জিনিজোরে অন্যেয় কাম্ গুরিবার্ আত্যের্ ইজেবে পাপ আঢত্ তুলি ন-দুয়ো। মরণত্তুন্ জেদা ওইয়্যে মানুচ্ ইজেবে তুমি বরং গোজেন আঢত্ নিজোরে তুলি দুয়ো আর গম্ কাম্ গুরিবার আত্যের্ ইজেবে তমা পুরো কিয়্যেগানরে গোজেনরে দি দুয়ো।

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।

কলসীয় 3:6

যিগুনে গোজেনর্ অবাধ্য তারা উগুরে ইয়েনি বেক্কানির্ কারনে গোজেনর্ সাজা লামি এজের্।

২ থিষলনীকীয় 2:10

আর ভস্তর্ পধেদি উজেই যেইয়্যে মানুচ্চুনোরে থোগেইবার নানান্ বাবোত্যে পাজি ছলনার্ ভিদিরে। এ মানুচ্চুনে ভস্ত অবাক্, কিয়া পাপত্তুন্ উদ্ধোর্ পেবাত্যে তারা সত্যগানরে কোচ্‌ ন-পান্ আর সিয়েন মানিয়ো ন-লন্।

২ থিষলনীকীয় 2:6

সেই অবাধ্যবলা মরদ্‌‌তো যেনে ঠিগ্ সময়োর আগে ফগদাং ওই ন-পারে সেনত্যে যিয়েনে ইক্কিনে তারে মানা গুরি রাগেয়্যে সিয়েন দঅ তুমি কোই পারঅ। তুমি ইয়েনঅ কোই পাজ্জ্যদে যে, অবাধ্যবলা মরদ্‌‌তোর্ গুমুরো কামানি ইক্কিনয়ো চলের্,