রোমীয় 1:12 - Chakma Bible

¹² সিয়েনর্ ভেদ্‌তান্, আমি বেক্কুনে যেন একজন আরেক্ জনর্ বিশ্বেজত্তুন্ উচ্চোমি পেই।

রোমীয় 1:12 Iomraidhean Croise

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

রোমীয় 1:11

তমারে খেমতাবলা গুরিবাত্তে কনঅ আত্মিক দান যেন তুমি মঅ মাধ্যেমে পেই পার সেনত্তে মুই তমা সমারে দেগা গুরিবাত্তে চাং।

রোমীয় 1:13

ভেইলগ্, এ কধাগান্ হবর্ পেইয়ো, মুই ভালোক্ বার্ তমা ইধু যেবাত্তে চেইনেয়ো এজঅ সং মানা গরদন্। অন্য জাগাত্ অযিহূদীগুনো ইধু প্রচার গুরিনে যেবাবোত্যে ফল পেয়োং, ঠিগ্ সেবাবোত্যেগুরি তমাত্তুন্অ কিজু ফল দেগিবার আজায় মুই তমা ইধু যেবাত্তে চেইয়োং।

রোমীয় 15:24

সেনত্তে ইক্কিনে স্পেইন দেজত্ যেবার্ পধত্ মুই তমা ইধু যেবাত্তে চাঙর্। মুই আজা গরং, সেই পধেদি যেবার্ অক্তত্ তমা ইধু যেই পারিম্ আর তমা সমারে খানক্‌কন্ হুজীয়ে কাদানার্ পরেদি তুমি মরে স্পেইন দেজত্ যেবার্ বেবস্থা গুরি দিবা।

রোমীয় 15:32

সেক্কে গোজেন আয়োজে মুই হুজি মনে তমা ইধু যেই পারং আর তমা সমারে থেইনে পরাণান্ জুড়েব।

২ করিন্হীয় 7:13

ইয়েনর্ মাধ্যমে আমি সান্তনা পেইয়্যেই। সেই সান্তনার্ লগে তীতর হুজি দেগিনে আমিয়ো হুজি ওইয়্যেই, কিয়া তমার্ বেক্কুনোত্তুন্ তে মনেদি খুব শান্তি পেইয়্যে।

ইফিষীয় 4:5

বানা একজন প্রভু আঘে, একই বিশ্বেজ্ আঘে, একই বাপ্তিস্ম আঘে,

২ তীমথিয় 1:4

তুই যে কান্ন্যচ্ সে কধাগান মনে গুরিনে তরে ভারী চেবাত্যে আওজ্ অর্, যেন মঅ মনান্ হুজিয়ে ভুরি উদে।

তীত 1:4

খ্রীষ্ট উগুরে বিশ্বেজ্ গুরিনে যে মঅ সমারে এক ওই যেয়্যে, মর্ সেই আজল্ পুয়োবো তীত ইধু মুই এ চিধিগান লেগঙর্। বাবা গোজেন আর আমার্ উদ্ধোর্ গুরিয়্যে খ্রীষ্ট যীশু তরে দোয়্যে গোরোক্ আর শান্তি দান গোরোক্।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

২ যোহন 1:4

বাবা আমারে যে উগুমানি দিয়্যে সেই ধগে তর্ কয়েক্কো পুয়ো-ছা গোজেনর্ সত্যর্ পধেদি চলদন্ দেগিনে মুই ভারী হুজি ওইয়োং।

যিহূদা 1:3

কোচ্‌পেইয়্যে সমাজ্জ্যেগুন, পাপত্তুন্ যে উদ্ধোর্ আমি বেক্কুনে পেইয়্যেই সেই উদ্ধোর পৌইদ্যেনে মুই তমা ইধু লিগিবাত্যে ভারী আওজি এলুং। মাত্তর্ তো খ্রীষ্টীয় ধর্ম-বিশ্বেজ্, যিয়েন গোজেনে তা মানুচ্চুনোরে উমরত্যে দিয়্যে, তার পৌইদ্যেনে যেন তুমি মনে পরাণে যুদ্ধ গরঅ সে উচ্চোমিগান দিবাত্যে মুই তমা ইধু লেগানাগান দরকার মনে গুরিলুং।