রোমীয় 1:1 - Chakma Bible

¹ 10 মুই খ্রীষ্ট যীশুর্ চাগর্ পৌল রোম শঅরর্ বিশ্বেজিগুনো ইধু এ চিধিগান্ লেগঙর্। তার প্রচারক্ অবাত্যে গোজেনে মরে ডাক্ক্যে আর তার দিয়্যে গম্ হবরান্ প্রচার গুরিবাত্যে বেঈ লোইয়্যে।

রোমীয় 1:1 Iomraidhean Croise

১ বংশধর 23:13

অম্রামর পুয়োগুন অলাক্‌ হারোণ আর মোশি। হারোণ আর তা বংশধরুনোরে উমরত্তে গোজেনর নাঙে ফারক্‌ গরা অলঅ যেনে তারা মহাপবিত্র জিনিসছানির ভারান্‌ নেযেই পারন্‌, লগেপ্রভুর মুজুঙোত্‌ আগুনোত্‌ গোজ্যে উৎসর্ব পরব্‌পো গুরি পারন্‌, তা মুজুঙোত্‌ সেবা-কাম্‌ গুরি পারন্‌ আর তা নাঙে বর্‌ দি পারন্‌।

যিশাইয় 49:1

ও দূর্ দেজর মানুচ্চুন্, মঅ কধাগান শুনো; দূরোর জাদ্‌তুন, কানানি পাদঅ। মর্ জর্মেবার আগেদি লগেপ্রভু মরে ডাক্যে; তে মা পেদত্তুন্ ধুরি মঅ নাঙান কোই কোই এজের্।‌‌‌

যিরমিয় 1:5

“তরে মা পেদত্ বানেবার্ আগেদি মুই তরে বেঈ থোইয়োং। তর্ জর্মর্ আগেদি মুই তরে যুদো গুরি থোইনে জাদ্‌‌তুনো ইধু ধর্মগুরু ইজেবে বেঈ লোইয়োং।”

মার্ক 1:14

যোহনে জেলখানাত্ বন্দী অনার্ পরেদি যীশু গালীল রেজ্যত্ গেলঅ। সিধু তে এ কধাগান্ কোইনে গোজেনর্ দিয়্যে গম্ হবরান্ ফগদাং গরা ধুরিলো,

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 15:15

মুই তমারে আর চাগর্ ন-কং, কিয়া গিরোজে কি গরে চাগরে সিয়েন্ কোই ন-পারে; বরং মুই তমারে সমাজ্যে কোইয়োং, কিয়া মঅ বাবাত্তুন্ যিয়েনি শুন্ন্যং সিয়েনি তমারে কোইয়োং।

যোহন 15:20

মর্ এ কধাগান্ তুমি পুরি ন-ফেল্ল্য, চাগরে তা গিরোজত্তুন্ দাঙর্ নয়। সেনত্তে মানুচ্চুনে যুনি মরে মারে ফেলেবাত্তে চেষ্টা গুরি থান্ সালে তমারেয়ো সিয়েন্ গুরিবাক্; যুনি তারা মঅ কধা শুনি থান্ সালে তমা কধায়ো শুনিবাক্।

প্রেরিত্‌ 13:9

সেক্কে পবিত্র আত্মালোই পুরেইনে শৌলে, যিবেরে পৌল বিলিনেয়ো ডাগা অদঅ, ইলুমার ইন্দি সোজা রিনি চেইনে কলঅ,

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 21:40

আজল্ সেনাপতিবোর্ অনুমতি পেইনে পৌলে সিড়ি উগুরে থিয়্যেল আর আঢ্ তুলিনে মানুচ্চুনোরে জুরো অবাত্তে ইজিরে দিলো। মানুচ্চুনে জুরো অলে পরেদি পৌলে ইব্রীয় কধাদি তারারে কলঅ,

প্রেরিত্‌ 22:21

সেক্কে প্রভু মরে কলঅ, তুই যাহ্, মুই তরে দূরোত্ অযিহূদীগুনো ইধু পাধেম্।

প্রেরিত্‌ 22:7

মুই মাদিত্ পড়ি গেলুং আর শুনিলুং কন্না যেন মরে কত্তে, শৌল, শৌল, কিত্ত্যে তুই মঅ উগুরে অত্যেচার্ গরর্?

প্রেরিত্‌ 26:1

সেক্কে আগ্রিপ্প পৌলরে কলঅ, “তর্ নিজোর্ পক্ষে কধা কবাত্যে তরে অনুমতি দিয়্যে গেলঅ।” সেক্কে পৌলে আঢ্ বাবেইনে নিজোর্ পক্ষে এ কধাগান্ কলঅ,

প্রেরিত্‌ 26:14

আমি বেক্কুনে মাদিত্ পড়ি গেলং আর মুই শুনিলুং ইব্রীয় ভাষায় কন্না যেন মরে কত্তে, শৌল, শৌল, কিত্ত্যে তুই মঅ উগুরে অত্যেচার্ গরর্? কাদা বোজেয়্যে লুদিগো মুয়োত্ লাদি মারিনে কি তুই নিজোর্ ক্ষতি ন-গরর্?

প্রেরিত্‌ 27:23

মুই যিবের্ মানুচ্‌ আর মুই যিবেরে সেবা গরং সেই গোজেনর্ এক্কো দূত্ গেল্লে রেদোত্ মঅ কায়কুরে থিয়্যেইনে কলঅ,

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

রোমীয় 1:5

তার্ মাধ্যমে তা নাঙানত্তে আমি দোয়্যে আর প্রচারক-পদ পেইয়্যেই, যেন বেক্‌ জাদঅ ভিদিরেত্তুন্ মান্‌জ্যে বিশ্বেজ্ গুরিনে গোজেনর্ বাধ্য ওই পারন্।

রোমীয় 1:9

গোজেন পুয়ো পৌইদ্যেনে গম্ হবর্ প্রচার গুরিনে মর্ বেক্ মনান্দোই মুই গোজেনরে সেবা গরঙর্। মুই যেদক্ বার্ তবনা গরং সেদক্ বার্ যে তমা কধানি ইদোত্ তুলোং, তেয়ই সিয়েনর্ সাক্ষী।

রোমীয় 11:13

অযিহূদীগুন, মুই তমারে কঙর্, অযিহূদীগুনো ইধু প্রচারক্ ইজেবে মুই মর্ কামানরে ভারী সর্মানর্ চোগেদি দেগঙর্।

রোমীয় 15:29

মুই কোই পারং যেক্কে মুই তমা ইধু যেম্ সেক্কে খ্রীষ্টর্ পুরোপুরি আশিদ্‌বাদ লোইনে যেম্।

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

রোমীয় 16:25

যীশু খ্রীষ্ট পৌইদ্যেনে যে গম্ হবরান্ মুই প্রচার গরং সেই গম্ হবরান ভিদিরেদি তমারে থির্ গুরি রাগেবার খেমতা গোজেনর্ আঘে। ভালোক্ যুগ্ ধুরিনে গোজেনে তার্ গুমুরো উদ্দেচ্চ্যগান পৌইদ্যেনে কাররে ন-কয়,

১ করিন্হীয় 1:1

গোজেনর্ আওজে তার্ ভাত্যেনালোই মুই পৌল যীশু খ্রীষ্টর্ এক্কো প্রচারক্ ওইয়োং। মুই আর ভেই সোস্থিনি করিন্থ শঅরর্ গোজেন মন্ডলীর্ মানুচ্চুনো ইধু, অত্তাৎ তমা ইধু লেগঙর্। খ্রীষ্ট যীশু সমারে মিজেনার্ মাধ্যমে গোজেনে তা নিজোর্ নাঙে তমারে যুদো গুরি রাগেয়্যে আর তা নিজো মানুচ্ অবাত্তে ডাক্ক্যে। তমা ইধু আর অন্য বেক্‌ জাগানিত্ যিগুনে আমা প্রভু যীশু খ্রীষ্টরে প্রভু বিলিনে স্বিগের্ গরন্ তারা ইধু আমি এ চিধিগান্ লিগির্। তে তারার্-অ প্রভু, আমার্-অ প্রভু।

১ করিন্হীয় 9:1

মুই কি স্বাধীন নয়? মুই কি প্রচারক্ নয়? আমা প্রভু যীশুরে কি মুই ন-দেগং? প্রভুত্যে মুই যে কাম্ গোজ্জ্যং তুমি কি সিয়েনর্ ফল নয়?

২ করিন্হীয় 1:1

মুই পৌল গোজেনর্ আওজে খ্রীষ্ট যীশুর এক্কো প্রচারক্ ওইয়োং। মুই আর আমা বিশ্বেজি ভেই তীমথিয় করিন্থ শঅরর্ গোজেন মন্ডলী আর আখায়া রেজ্যর্ গোজেনর্ বেক্‌ মানুচ্চুনো ইধু এ চিধিগান্ লেগঙর্।

২ করিন্হীয় 11:5

মাত্তর্ মত্তুন্ দঅ মনে ন-অয় যে, মুই কন্ কিত্যেদি সেই “বিশেষ” প্রচারগ্‌কুনোত্তুন্ পিজেদি পড়ি আগং।

২ করিন্হীয় 11:7

গোজেনর্ দিয়্যে গম্ হবর্ কধা মুই এনেবাদে তমা ইধু প্রচার গুরিনে নিজোরে তলে ফেল্ল্যং যেন তমারে দাঙর্ গুরি দেগেই পারং। ইয়েনত্ কি মুই পাপ গোজ্জ্যং?

২ করিন্হীয় 12:11

মুই বেদমা ওইয়োং ঠিগ্, মাত্তর্ তুমিই মরে সিয়েন অবাত্যে বাধ্য গোজ্জ্য, কিয়া তমার্ উচিত্ এলঅ মরে নাঙ্ গিনেনা। যুনিয়ো মুই কিচ্চু নয় তো তমার্ সেই বিশেষ প্রচারগ্‌কুনোত্তুন্ কনঅ বাবদে চিগোন নয়।

২ করিন্হীয় 2:12

মুই ত্রোয়া শঅরত্ খ্রীষ্ট পৌইদ্যেনে গম্ হবর্ প্রচার গুরিবাত্যে যেইনে দেগিলুং, সিধু কাম্ গুরিবাত্যে প্রভু মরে এক্কো জু গুরি দিয়্যে।

২ করিন্হীয় 4:5

আমি দঅ নিজো পৌইদ্যেনে প্রচার ন-গুরির্, বরং প্রচার গুরির্, যীশু খ্রীষ্টই প্রভু আর যীশুত্যে আমি তমার্ চাগর্ ওইয়্যেই।

গালাতীয় 1:1

মুই পৌল খ্রীষ্টর্ এক্কো প্রচারক। এ প্রচারক-পদ্‌তান কনঅ মান্‌জ্যত্তুন্ বা কনঅ মান্‌জ্যর্ ভিদিরেত্তুন্ মুই ন-পাং, বরং যীশু খ্রীষ্ট আর বাবা গোজেন, যিবে খ্রীষ্টরে মরণত্তুন্ জেদা গুরিনে তুল্ল্যে, তারার্ মাধ্যমে মুই সিয়েন পেয়োং।

ইফিষীয় 1:1

মুই পৌল গোজেনর্ আওজে খ্রীষ্ট যীশুর্ এক্কো দূত। ইফিষ শঅরত্ যিগুনে গোজেনর্ মানুচ্ আর খ্রীষ্ট যীশু উগুরে বিশ্বেজি তারা ইধু মুই এ চিধিয়ান লেগঙর্।

ইফিষীয় 1:13

আর তুমিয়ো সত্যর্ কধা, অত্তাৎ পাপত্তুন্ উদ্ধোর্ পেবার গম হবর্ শুনিনে খ্রীষ্ট উগুরে বিশ্বেজ্ গোজ্জ্য। খ্রীষ্ট সমারে মিজেয়ো বিলি গোজেনে তার্ এগেম্ গোজ্জ্যে পবিত্র আত্মালোই তমারে সীল্‌মারি রাগেয়্যে।

ইফিষীয় 4:11

তে কুদুক্কুন মান্‌জ্যরে দূত, কুদুক্কুন মান্‌জ্যরে ভাববাদী, কুদুক্কুন মান্‌জ্যরে গম হবর্ প্রচার গুরিয়্যে আর কুদুক্কুন মান্‌জ্যরে পালক আর মাষ্টর ইজেবে নেযেল।

দ্বি’লম্বর বিররণ 10:8

সে অক্তত্‌ লগেপ্রভু তার বেবস্থা-সুন্দুক্কো বুয়োই নেযেবাত্তে আর সেবা কামর্‌ নাঙে তা মুজুঙোত্‌ থিয়্যেবাত্তে আর তা নাঙে আশিদ্‌বাদ্ ফগদাং গুরিবাত্তে লেবীয়গুনোরে বেঈ লোইয়্যে। এ বেক্‌ কামানি তারা এজঅ গত্তন্‌।

ফিলিপীয় 1:1

তীমথিয় আর মুই পৌল-আমি খ্রীষ্ট যীশুর চাগর্। খ্রীষ্ট যীশু লগে এগত্তর্ ওইয়্যে গোজেনর্ যিদুক্কুন মানুচ্ ফিলিপী শঅরত্ আঘন্ আমি তারা ইধু আর তারার্ পরিচালগ্‌‌কুনো ইধু আর সেবা গুরিয়্যেগুনো ইধু লিগির্।

ফিলিপীয় 2:11

আর বাবা গোজেনর্ বাঈনী গুরিবাত্যে স্বিগের্ গরঅ যে, যীশু খ্রীষ্টই প্রভু।

কলসীয় 1:1

মুই পৌল গোজেনর্ আয়োজে খ্রীষ্ট যীশুর্ এক্কো প্রচারক ওইয়োং। কলসী শঅরত্ যিগুনে গোজেনর্ মানুচ্‌ আর খ্রীষ্ট লগে মিজেয়্যে বিশ্বেজি ভেই, সিগুনো ইধু মুই আর ভেই তীমথিয় এ চিধিগান লেগঙর্। আমা বাবা গোজেনে তমারে বর্ দুয়োক আর শান্তি দান গোরোক্।

কলসীয় 1:25

গোজেনে তা কধানি তমা ইধু পুরোপুরি প্রচার গুরিবার ভারান্ মঅ উগুরে দিয়্যে বিলিনে মুই মন্ডলীর এক্কো সেবাগুরিয়্যে ওইয়োং।

১ থিষলনীকীয় 2:2

তুমি এ কধাগান্অ কোই পারঅ, ইয়েন্অ আগে ফিলিপী শঅরত্ আমি অত্যেচার ভুগ্ গোজ্জ্যেই আর অসর্মান্অ ওইয়্যেই। মাত্তর্ এ মানাগানি থেলেয়ো আমা গোজেনত্তুন্ সাহচ্‌ পেইনে তা গম হবরর্ কধানি আমি খুলোমেলা গুরি তমা ইধু কোইয়্যেই।

১ থিষলনীকীয় 2:8

তমা উগুরে গভীন মেয়্যে-মমতা থানায় তমারে বানা গোজেনর্ গম হবর্ দিবাত্যে নয়, তমাত্যে নিজো পরাণান্অ দিবাত্যে আমি রাজী এলং, কিয়া আমা ইধু তুমি ভারী পরাণর্।

১ থিষলনীকীয় 2:9

ভেইলগ্, আমার কামানি আর দুঘোর্ কধানি খামাক্কায় তমার্ ইদোত আঘে। তমা ইধু গোজেনর্ গম হবরান্ ফগদাং গুরিবার সময় আমি দিন-রেত্ কাম গোজ্জ্যেই, যেনে আমি তমার কারঅ উগুরে কাঙেলেত্যে ন-ওই।

১ তীমথিয় 1:1

আমার উদ্ধোর্ গুরিয়্যে গোজেন আর খ্রীষ্ট যীশুর উগুমে মুই পৌল যীশু খ্রীষ্টর এক্কো দূত ওইয়োং। খ্রীষ্ট যীশু উগুরে আমার বেক্‌ আজাগান।

১ তীমথিয় 2:7

আর এ সাক্ষ্যগান দিবাত্যে গোজেনে মরে প্রচারক, দূত আর অযিহূদীগুনো ইধু বিশ্বেজ্ আর সত্যর্ মাষ্টর ইজেবে বেঈ লোইয়্যে। মুই সত্য কধাগান্ কঙর্, মিজে ন-কঙর্।

২ তীমথিয় 1:11

আর এই গম্ হবরান জানেবাত্যে মরে প্রচারক, মাষ্টর ইজেবে নেযা ওইয়্যে।

তীত 1:1

মুই পৌল গোজেনর্ চাগর আর যীশু খ্রীষ্টর্ এক্কো প্রচারক ওইয়োং, যেন মুই গোজেনর্ বেঈ লোইয়্যে মানুচ্চুনোরে বিশ্বেজর্ পধেদি আনি পারং, আর গোজেন-ভোক্তির্ সমারে যে সত্যগান আঘে সেই সত্যগানরে জানিবাত্যে তারারে সাহায্য গুরি পারং।

ইব্রীয় 5:4

দাঙর্ ধর্মগুরু অবার্ সর্মানান কেঅ নিজে লোই ন-পারে, মাত্তর্ গোজেনে যিবেরে ডাগে তেয়ই সেই সর্মানান পায়, যেধোক্ক্যেন দাঙর্ ধর্মগুরু অবাত্যে গোজেনে হারোণরে ডাক্ক্যে।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।

১ পিতর 4:17

বিচের আরাম্ভ অবার সময় ওইয়্যে আর সিয়েন গোজেন পরিবারর্ মানুচ্চুনোত্তুন্ ধুরি আরাম্ভ গরা অবঅ। আর যুনি সেই বিচেরান আমাত্তুন্ ধুরি আরাম্ভ গরা অয় সালে যিগুনে গোজেনর্ দিয়্যে গম হবরান মানি ন-লন্ তারার অবস্থা কি অবঅ?

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।

ফগদাং পেইয়্যে 1:1

এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।

ফগদাং পেইয়্যে 22:6

যেরেদি সেই স্বর্গদুত্‌তো মরে কলঅ, এই বেক্‌ কধানি বিশ্বেজ্‌গুরিবার আর সত্য। প্রভু গোজেন, যিবে ভাববাদীগুনোরে দিইনে কধা কোইয়্যে তে তার্ দূত্‌তোরে পাধেই দিয়্যে, যেন কয়েক দিনো ভিদিরে যিয়েন খামাক্কায় ঘুদিবাত্যে যার্ সিয়েন সেই স্বর্গদূত্‌‌তো তা চাগরুনোরে দেগেই পারে।

ফগদাং পেইয়্যে 22:9

মাত্তর্ তে মরে কলঅ, “থামা মুই তর্ আর তঅ বিশ্বেজি ভেইয়ুনোর, অত্তাৎ ভাববাদীগুনোর্ আর যিগুনে এ বোইবোর্ বেক কধানি পালান্ তারার্ চাগর সমাজ্যে। গোজেনরে সালাম গর্।”