ফগদাং পেইয়্যে 9:5 - Chakma Bible

⁵ এ মানুচ্চুনোরে মারে ফেলেবার কনঅ খেমতা তারারে দিয়্যে ন-অলঅ ঠিগ্, মাত্তর্ পাঁচ মাস সং যন্ত্রণা দিবার খেমতা তারারে দিয়্যে অলঅ। কাঙারা বিছে যেক্কে কনঅ মান্‌জ্যরে লেজ্ ফুদেই দুয়োন সেক্কে যেধোক্ক্যেন গুরি যন্ত্রণা অয় এই পুগ্-যুগ্‌কুনোর্ দিয়্যে যন্ত্রণাগানিয়ো ঠিগ্ সেধোক্ক্যেন।

ফগদাং পেইয়্যে 9:5 Iomraidhean Croise

২ বংশধর 10:11

তঅ বাবে তারা উগুরে যে গুয়োর্‌ জুঙোলান্‌ চাপি দিয়্যে সিয়েন্‌ তুই আরঅ গুয়োর্‌ গুরিবে। তঅ বাবে তারারে মাজ্যেদে চাবুক্কোই তুই তারারে মারিবেদে কাঙারা-বিজেলোই।”

২ বংশধর 10:14

তে সে গাবুজ্যেগুনোর্‌ সল্লা মজিম্‌ কোই দিলো, “মঅ বাপ্পো তমা জুঙোলানি গুয়োর্‌ গোজ্যে, মুই সিয়েন্‌ আরঅ গুয়োর্‌ গুরিম্‌। মঅ বাপ্পো চাবুক্কোই তমারে মাজ্যে, মুই তমারে মারিম্‌বে কাঙারা-বিজেলোই।”

ইয়োব 2:6

সেক্কে লগেপ্রভু শদান্‌নোরে কলঅ, “ঠিগ্‌ আঘে; তারে তঅ‌ আঢত্‌ দিলুঙ্‌, মাত্তর্‌ তুই তারে পরাণে ন-মারিবে।”

যিহিষ্কেল 2:6

মাত্তর্ ও মান্‌‌‌জ্য পুয়োবো, তুই তারার আর তারা কধানিলোই ন-দোরেচ্। যুনিয়ো তারা হের্ আর কাদাগাজ ধোক্ক্যেন তঅ চেরোকিত্তে থেবাক্ আর বিছেগুনো ভিদিরে তুই বজত্তি গুরিবে তো ন-দোরেচ্। তারারে দেগিনে বা তারা কধানি শুনিনে তুই ন-দোরেচ্; তারা দঅ উল্লোমী জাদ্।

দানিয়েল 7:6

সে পরেদি মুই রিনি চেইনে আর এক্কো য়েমান দেগিলুং। সিবে রিনি চাদে হোক্যে বাঘ ধোক্ক্যেন্ এলঅ। তা পিদোত্ পেগো ডুয়ো ধোক্ক্যেন চেরান ডুয়ো এলঅ। এ য়েমান্নোর চের্‌‌‌বো মাঢা এলঅ আর তারে কাবিদ্যঙগিরি গুরিবার খেমতা দিয়্যে অলঅ।

যোহন 19:11

যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

ফগদাং পেইয়্যে 11:7

তারার্ সাক্ষ্য দেনা থুম্ অলে পরেদি সেই গভিন্ গাঢ্‌তোত্তুন্ এক্কো য়েমান উদি এইনে তারা লগে যুদ্ধো গুরিবো আর তারারে অদেই দিইনে মারে ফেলেব।

ফগদাং পেইয়্যে 13:5

বাড়্‌বো গুরিবাত্যে আর গোজেনরে অগমান গুরিবাত্যে সেই য়েমান্নোরে কধা কবার্ খেমতা দিয়্যে অলঅ। সেই য়েমান্নো যেন বিয়াল্লিশ মাস ধুরিনে তা অধিকারান্ খাদেই পারে সেনত্যে তারে অনুমতি দিয়্যে অলঅ।

ফগদাং পেইয়্যে 13:7

গোজেন মানুচ্চুনোর বিরুদ্ধে যুদ্ধো গুরিনে তারারে জিদিবার খেমতা তারে দিয়্যে অলঅ আর পত্তি বংশ, দেশ, ভাযা আর জাদ মানুচ্চুনো উগুরে তারে অধিকার দিয়্যে অলঅ।

ফগদাং পেইয়্যে 9:10

তারার্ লেজ্‌চানি আর হুলুন্ কাঙাড়া বিছের্ লেজ্ আর হুল ধোক্ক্যেন এলঅ। পাচ্ মাস সং মানুচ্চুনোরে ক্ষতি গুরিবার খেমতা তারার্ লেজত্ এলঅ।

ফগদাং পেইয়্যে 9:3

আর সেই ধূমোগান ভিদিরেত্তুন্ ভালোক্কুন পুগ্-যুগ্ পিত্‌থিমীত নিগিলি এলাক্। সেই পুগ্-যুগ্‌কুনোরে পিত্‌থিমীর কাঙারা বিঝে ধোক্ক্যেন খেমতা দিয়্যে অলঅ।