ফগদাং পেইয়্যে 9:3 - Chakma Bible

³ আর সেই ধূমোগান ভিদিরেত্তুন্ ভালোক্কুন পুগ্-যুগ্ পিত্‌থিমীত নিগিলি এলাক্। সেই পুগ্-যুগ্‌কুনোরে পিত্‌থিমীর কাঙারা বিঝে ধোক্ক্যেন খেমতা দিয়্যে অলঅ।

ফগদাং পেইয়্যে 9:3 Iomraidhean Croise

১ রাজাবলী 12:11

তঅ বাপ্পো তারা উগুরে যে ঘুয়োর্‌ জুঙোলান্‌ চাপি দিয়্যে সিয়েন্‌ তুই আরঅ ঘুয়োর্‌ গুরিবে। তঅ বাপ্পো তারারে মাজ্যেদে চাবুক্‌কোই মাত্তর্‌ তুই তারারে মারিবেদে কাঙারা-বিজেলোই।”

২ বংশধর 10:11

তঅ বাবে তারা উগুরে যে গুয়োর্‌ জুঙোলান্‌ চাপি দিয়্যে সিয়েন্‌ তুই আরঅ গুয়োর্‌ গুরিবে। তঅ বাবে তারারে মাজ্যেদে চাবুক্কোই তুই তারারে মারিবেদে কাঙারা-বিজেলোই।”

২ বংশধর 10:14

তে সে গাবুজ্যেগুনোর্‌ সল্লা মজিম্‌ কোই দিলো, “মঅ বাপ্পো তমা জুঙোলানি গুয়োর্‌ গোজ্যে, মুই সিয়েন্‌ আরঅ গুয়োর্‌ গুরিম্‌। মঅ বাপ্পো চাবুক্কোই তমারে মাজ্যে, মুই তমারে মারিম্‌বে কাঙারা-বিজেলোই।”

যিশাইয় 33:4

পুগ্-যুগ্‌‌কুনে যেবাবোত্যেগুরি শোজ্যগানি বর্‌‌বাত গরন্, সেবাবোত্যেগুরি ও ভস্ত গুরিয়্যেবো, তমা পযাপিরানিয়ো লুদো অবঅ। মানুচ্চুনে এক ঝাক্ পুগ্-যুগ ধোক্ক্যেন সিগুনো উগুরে এইনে পড়িবাক্।

যিহিষ্কেল 2:6

মাত্তর্ ও মান্‌‌‌জ্য পুয়োবো, তুই তারার আর তারা কধানিলোই ন-দোরেচ্। যুনিয়ো তারা হের্ আর কাদাগাজ ধোক্ক্যেন তঅ চেরোকিত্তে থেবাক্ আর বিছেগুনো ভিদিরে তুই বজত্তি গুরিবে তো ন-দোরেচ্। তারারে দেগিনে বা তারা কধানি শুনিনে তুই ন-দোরেচ্; তারা দঅ উল্লোমী জাদ্।

যোয়েল 1:4

কামেড়্যেয়ে পুগ্-যুগে যিয়েনি থোই যেইয়োন সিয়েনি ঝাক্ বান্যে পুগ্-যুগ্‌কুনে হেইয়োন; ঝাক্ বান্যে পুগ্-যুগে যিয়েনি থোই যেইয়োন সিয়েনি ভস্তগুরিয়্যে পুগ্-যুগে হেইয়োন্; ভস্তগুরিয়্যে পুগ্-যুগে যিয়েনি থোই যেইয়োন্ সিয়েনি ফাল্যে ফাল্যে যাইদ্যে পুগ্-যুগে হেইয়োন্।

যোয়েল 2:25

লগেপ্রভু কত্তে, মর্ বিরেট্ সৈন্যদল যিবে মুই তমা ইধু পাধেয়োং তারা, অত্তাৎ ঝাক্-বোত্যে পুগ্-যুগো পাল, ভস্তগুরিয়্যে পুগ্-যুগ্, ফাল্যে-যেইয়্যে পুগ্-যুগো পাল আর কামেড়্যেয়ে পুগ্-যুগো যেদক্ বজর ধুরিনে তমা ফসলানি হেইয়োন সিয়েনি মুই সুজি দিম।

নহূম 3:15

সিয়েনত্ আগুনানে তরে গিলিবো; লাম্বা ছুরিগানে তরে কাবি ফেলেব আর ভস্তগুরিয়্যেবো পুগ্-যুগো ধোক্ক্যেন ভস্ত গুরি ফেলেব। তুই ভস্ত গুরিয়্যে আর ঝাক্ বান্যে পুগ্-যুগো ধোক্ক্যেন সোংখ্যেদি বাড়ি উদ্।

নহূম 3:17

তর্ চুগিদারুন আর কাম্ গুরিয়্যেগুন ঝাক্ বান্যে পুগ্-যুগোর্ ঝাগ ধোক্ক্যেন, যিগুনে যার্‌কালত্ দেবাল উগুরে বৈই থান্ মাত্তর্ বেলান্ উদিলে পরেদি উড়ি যান্, কুদু যান্ কনজনে হবর্ ন-পান।

লূকে লেখ্যে গম্ হবর্ 10:19

চঅ, মুই তমারে সাপ আর বিছে উগুরে আঢি যেবার্ খেমতা দুয়োং আর তমা শত্রু শদানর্ বেক্ বলান উগুরেয়ো খেমতা দুয়োং। কনঅ কিজুয়ে তমারে ক্ষোতি ন-গুরিবো।

দ্বি’লম্বর বিররণ 8:15

তে তমারে এক্কো দাঙর্‌, দর্‌গরেপারা, শুগুনো, পানিনেইয়্যে আর বিষবলা সাপ আর কাঁঙারা-বিজেলোই ভোজ্যে ধূল্যেচর-চাগালার্‌ ভিদিরেন্দি আন্যে। তে দরঅ পাত্তর ভিদিরেত্তুন্‌ তমাত্তে পানি নিগিলেই দিয়্যে।

ফগদাং পেইয়্যে 9:5

এ মানুচ্চুনোরে মারে ফেলেবার কনঅ খেমতা তারারে দিয়্যে ন-অলঅ ঠিগ্, মাত্তর্ পাঁচ মাস সং যন্ত্রণা দিবার খেমতা তারারে দিয়্যে অলঅ। কাঙারা বিছে যেক্কে কনঅ মান্‌জ্যরে লেজ্ ফুদেই দুয়োন সেক্কে যেধোক্ক্যেন গুরি যন্ত্রণা অয় এই পুগ্-যুগ্‌কুনোর্ দিয়্যে যন্ত্রণাগানিয়ো ঠিগ্ সেধোক্ক্যেন।

ফগদাং পেইয়্যে 9:7

সেই পুগ্-যুগ্‌কুন চাদে যুদ্ধো গুরিবাত্যে যুক্কোল্ গোজ্জ্যে ঘোড়া ধোক্ক্যেন। তারার্ মাঢাত্ সনা মুকুটো ধোক্ক্যেন এক বাবোত্যে জিনিস এলঅ, আর তারার্ মুয়ো চেঙারাগান্ এলঅ মান্‌জ্য ধোক্ক্যেন।

বিচের গুরিয়্যেগুন 7:12

মিদিয়নীয়, অমালেকীয় আর পূগঅ দেজর মানুচ্চুনে সেই কিজিঙো ভিদিরে পুগ্‌-যুগঅ ঝাঁগঅ ধোক্কেন্‌ এলাক্‌। তারার উট্‌‌তুন্‌ সাগর পার ধূল্যেচর ধোক্কেন্‌ গুণি ন-ফুরেইয়্যে।