ফগদাং পেইয়্যে 9:20 - Chakma Bible20 মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্সোই বানেয়্যে মূত্তিগুনোরে পূজো গরানাত্ থেলাক্। Faic an caibideil |
ফগদাং পেইয়্যে 9:20
43 Iomraidhean Croise
সিয়েনর বদলে তুই নিজোরে স্বর্গর্ প্রভুর বিরুদ্ধে থিয়্যেয়োচ। গোজেন ঘরত্তুন আন্যে পিলেগুন তুই আনিবাত্যে বাজেই দুয়োচ্ আর তুই, তর্ আজল্ মানুচ্চুন, তঅ মোগ্কুনে আর যেরেদি ঘর মোগ্কুনে সিগুন্দোই আংগুর-রস হেইয়োন। তুই রূবো, সনা, পিদোল, লুয়ো, তক্তা আর পাত্তর্লোই বানেয়্যে যে দেবেদাগুনে ন-দেগন, ন-শুনোন্ আর ন-বুঝোন্ তারারে নাঙ্ গিনোদন। মাত্তর্ তুই গোজেনরে বাঈনী ন-গরচ্, যিবে আঢত্ আঘে তঅ জিংকানিগান আর তর্ বেক পথ্তানি।
মুই হবর্ পাংগে যে, মর্ মরাণার পরেন্দি তুমি এক্কুবারে ভান্ন্যেই ওই যেবা আর যে পদেন্দি মুই তমারে চলিবার উগুম দুয়োঙর্ তুমি সিয়েনত্তুন সোরেই যেবা। আগামিদি তমা উগুরে দযা লামি এবঅ, কিত্যে লগেপ্রভুর চোগোত্ যিয়েনি ভান্ন্যেই তুমি সিয়েনি গুরিবা আর তমার নিজোর আঢ্তোই বানেয়্যে মূত্তিলোই তুমি তারে অখুজি গুরিবা।”
Sanasan