ফগদাং পেইয়্যে 9:2 - Chakma Bible

² তারাবো সেই গভিন্ গাঢ্‌তো খুলিলো; সেক্কে দাঙর্ চুলোবোত্তুন্ যেধোক্ক্যেন গুরি ধূমো নিগিলে, ঠিগ্ সেধোক্ক্যেন গুরি সেই গাঢ্‌তোত্তুন্ ধূমো নিগিলে ধুরিলো। সেই গাঢ্‌তোর্ ধূমোলোই বেলান আর আগাজ্‌চান আন্ধার ওই গেলঅ,

ফগদাং পেইয়্যে 9:2 Iomraidhean Croise

পত্থম 15:17

বেলান্‌ ডুবিনে যেক্কে এক্কুবারে আন্ধার্‌ ওই গেলঅ সেক্কে ধূমোলোই ভোজ্যে এক্কো জোল্‌জোল্যে চুলো আর এক্কো জোল্‌জোল্যে বম্বা দেগা দিলো। সিগুনে সে সাজে রাগেইয়্যে য়েমানুনোর কট্টাগানি উগুরেন্দি গেলগোই।

পত্থম 19:28

তে তলেদি সদোম, ঘমোরা আর বেক্‌ সংজাগায়ান ইন্দি রিনি চেইনে দেগিলোদে, চুলোত্তুন্‌ যেধোক্ক্যেন ধূমো উদে সেধোক্ক্যেন সে চাগালাগানত্তুন ধূমো উদের্‌।

যাত্রা 19:18

সে পরেন্দি সিনাই মুড়োবো ধূমোলোই নাঢি গেলঅ‌, কিত্তে লগেপ্রভু মুড়োবো উগুরে আগুনো ভিদিরেত্তুন্‌ লামি এলঅ‌। চুলোত্তুন্‌ যেধোক্ক্যেনগুরি ধূমো উদে ঠিগ্ সেধোক্ক্যেন গুরি ধূমো উদো ধুরিলো আর পুরো মুড়োবো অমহদ গুরি গির্‌গিরা ধুরিলো।

যিশাইয় 14:31

ও গেদ্‌টো, আবিলেচ্ গর্। ও শঅরান, কান্। ও পলেষ্টীয়া, তর্ বেক্কানি মিলেই যোক্। উত্তোরেত্তুন্ ধূমোর্ মেঘ এজের্, সে সৈন্যদলত্তুন্ এক্কো সৈন্যয়ো পিজেদি ন-যাদন্।‌‌

দানিয়েল 3:6

যে মানুচ্চুনে মাঢা নিগিরি পড়িনে জু জু ন-জানেবাক্ তারে সেক্কে জোল্‌জোল্যে আগুনো চুলোত্ ফেলে দিয়্যে অবঅ।‌‌”

যোয়েল 2:10

তারা মুজুঙোত্ পিত্‌থিমীগান গির্‌গিরেই, আগাজ্‌চানে গির্‌গিরেই, চানানে আর বেলানে আন্ধার্ ওই যায় আর তারাগুনে পহ্‌র দেনা বন্ধ গুরি দুয়োন্।

যোয়েল 2:2

সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

যোয়েল 2:30

মুই আগাজত্ আর পিত্‌‌থিমীত্ আমক্ আমক্ ঘটনা দেগেম, অত্তাৎ লো, আগুন আর অমকদ ধূমো দেগিবা।

প্রেরিত্‌ 2:19

মুই উগুরে আগাজত্ আমক্ আমক্ ঘটনা দেগেম্, আর তলেদি পিত্‌থিমীত নানান্ বাবোত্যে চিহ্নো দেগেম্, অত্তাৎ লো, আগুন আর বোউত্ ধূমো দেগেম্।

ফগদাং পেইয়্যে 14:11

যে আগুনানে এ মানুচ্চুনোরে যন্ত্রণা দিবো সেই আগুনানর্ ধূমোগান উমরত্যে উদোনাত্ থেবঅ। যে মানুচ্চো সেই য়েমান্নো আর তা মূত্তিবোরে পূজো গুরিবো আর তা নাঙানর্ চিহ্নোগানরে লবঅ তে দিনোত্ বা রেদোত্ কনদিনঅ জিরেন্ ন-পেবঅ।”

ফগদাং পেইয়্যে 16:10

যেরেদি পাচ-লম্বর স্বর্গদূত্‌তো সেই য়েমান্নোর্ সিংহাসনান উগুরে তা কদরাবো উবোত্ গুরিলো; সেক্কে সেই য়েমান্নোর্ রেজ্যগান আন্ধার্ ওই গেলঅ। যন্ত্রণায় মান্‌জ্যে তারার জিলানি কামারা ধুরিলাক্ আর তারার এ যন্ত্রণা আর ঘা গানিত্যে তারা স্বর্গর গোজেনরে নিন্দে গরা ধুরিলাক্, মাত্তর্ তো তারা তারার্ ভান্ন্যেই কামানিত্তুন্ মনানি ন-ফিরেলাক্।

ফগদাং পেইয়্যে 8:12

ইয়েনর পরেদি চের্-লম্বর স্বর্গদূত্‌তো তা তুরীবো বাজেল। সেক্কে বেলানর্ তিন ভাগর এক ভাগ, চানানর্ তিন ভাগর এক ভাগ আর তারাগুনোর তিন ভাগর এক ভাগ আন্ধার্ ওই গেলঅ। দিনোর তিন ভাগর এক ভাগত্ আর রেদোর্ তিন ভাগর এক ভাগত্ কনঅ পহ্‌র ন-থেলঅ।

ফগদাং পেইয়্যে 9:1

সে পরেদি পাঁচ-লম্বর স্বর্গদূত্‌তো তুরী বাজেল, আর মুই এক্কো তারা দেগিলুং। তারাবো আগাজত্তুন্ পিত্‌থিমীত পোজ্জ্যে। সেই তারাবোরে গভীন গাঢর্ চাবি দিয়্যে অলঅ।

ফগদাং পেইয়্যে 9:11

গভীন গাঢ্ দুনোবো এলদে এই পুগ্-যুগ্‌কুনোর্ রাজা। ইব্রীয় কধাদি সেই দূত্‌তোর নাঙান এলঅ আবদ্দোন আর গ্রীক কধাদি আপল্লুয়োন, অত্তাৎ ভস্ত গুরিয়্যে।

ফগদাং পেইয়্যে 9:17

জ্ঞানেদি যে ঘোড়াগুন আর সিগুনো উগুরে যিগুনোরে মুই দেগিলুং তারার চেঙারাগানি এবাবোত্যে এলঅ-তারার্ বুক্ রোক্ষ্যে গুরিবার পজাক্ এলঅ আগুনো ধোক্ক্যেন রাঙা, য়্যেল্ আর গন্ধক ধোক্ক্যেন ওলোত্যে রঙর্। ঘোড়াগুনোর মাঢাগুন এলদে সিংহ মাঢা ধোক্ক্যেন আর সিগুনোর্ মুয়োত্তুন্ আগুন, ধূমো আর গন্ধক নিগিলের্।