ফগদাং পেইয়্যে 9:18 - Chakma Bible

¹⁸ আগুন, ধূমো আর গন্ধক-এই তিনেন্ আঘাত্‌তোই তিন ভাগর্ এক ভাগ মান্‌জ্যরে মারে ফেলা অলঅ।

ফগদাং পেইয়্যে 9:18 Iomraidhean Croise

ফগদাং পেইয়্যে 8:10

যেরেদি তিন-লম্বর স্বর্গদূত্‌তো তা তূরীবো বাজেল। সেক্কে এক্কো দাঙর্ তারা জোল্‌জোল্ল্যে গুরি জ্বলদে জ্বলদে আগাজত্তুন্ পড়িলো।

ফগদাং পেইয়্যে 8:11

সে তারাবোর নাঙান্ এলঅ সোমরাজ। তিন ভাগর এক ভাগ গাঙ্ আর পয়নালা উগুরে তারাবো পড়িলো। সেক্কে তিন ভাগর এক ভাগ পানি তিদে ওই গেলঅ আর সেই তিদে পানিত্যে বোউত্ মানুচ্‌ মুরি গেলাক্।

ফগদাং পেইয়্যে 8:12

ইয়েনর পরেদি চের্-লম্বর স্বর্গদূত্‌তো তা তুরীবো বাজেল। সেক্কে বেলানর্ তিন ভাগর এক ভাগ, চানানর্ তিন ভাগর এক ভাগ আর তারাগুনোর তিন ভাগর এক ভাগ আন্ধার্ ওই গেলঅ। দিনোর তিন ভাগর এক ভাগত্ আর রেদোর্ তিন ভাগর এক ভাগত্ কনঅ পহ্‌র ন-থেলঅ।

ফগদাং পেইয়্যে 8:7

পত্তম স্বর্গদূত্‌তো তা তূরীবো বাজেইলে পরেদি লো মিজেইয়্যে শিল আর আগুন পিত্‌থিমীত ফেলা অলঅ। সেক্কে তিন ভাগর এক ভাগ পিত্‌থিমী, তিন ভাগর এক ভাগ গাজ্‌-বাজ্ আর বেক্‌ য়্যেল্‌ ঘাস্‌চানি পুড়ি গেলঅ।

ফগদাং পেইয়্যে 8:8

ইয়েনর পরেদি দ্বি-লম্বর স্বর্গদূত্‌তো তা তুরীবো বাজেল। সেক্কে দাঙর্ জ্বোল্‌জোল্ল্যে মুড়ো ধোক্ক্যেন এক্কো জিনিচ্‌ সাগরত্ ফেলা অলঅ। সেক্কে সাগরর্ তিন ভাগর এক ভাগ পানি লো ওই গেলঅ,

ফগদাং পেইয়্যে 8:9

সাগরর্ তিন ভাগর এক ভাগ জেদা প্রাণী মুরি গেলাক্, আর তিন ভাগর এক ভাগ জাহাজ ভস্ত ওই গেলঅ।

ফগদাং পেইয়্যে 9:15

সেক্কে সেই চেরজন দূতোরে ইরি দিয়্যে অলঅ। এই বজরর্ এই মাস, এই দিন্নোত্ আর এ ঘন্টাবোত্যে সেই দুত্‌তুনোরে যুক্কোল্ গুরি থুয়ো ওইয়্যে যেন তারা তিন ভাগর এক ভাগ মান্‌জ্যরে মারে ফেলান।

ফগদাং পেইয়্যে 9:17

জ্ঞানেদি যে ঘোড়াগুন আর সিগুনো উগুরে যিগুনোরে মুই দেগিলুং তারার চেঙারাগানি এবাবোত্যে এলঅ-তারার্ বুক্ রোক্ষ্যে গুরিবার পজাক্ এলঅ আগুনো ধোক্ক্যেন রাঙা, য়্যেল্ আর গন্ধক ধোক্ক্যেন ওলোত্যে রঙর্। ঘোড়াগুনোর মাঢাগুন এলদে সিংহ মাঢা ধোক্ক্যেন আর সিগুনোর্ মুয়োত্তুন্ আগুন, ধূমো আর গন্ধক নিগিলের্।

ফগদাং পেইয়্যে 9:19

সেই ঘোড়াগুনোর মুয়োনিত্ আর লেজ ভিদিরে তারার বল্ এলঅ, কারন তারার্ লেজ্‌চানি এলদে সাপ ধোক্ক্যেন। সেই লেজ্‌চানির মাঢাগান্দোই তারা মান্‌জ্যরে ক্ষতি গোজ্জ্যন্।