ফগদাং পেইয়্যে 9:1 - Chakma Bible

¹ সে পরেদি পাঁচ-লম্বর স্বর্গদূত্‌তো তুরী বাজেল, আর মুই এক্কো তারা দেগিলুং। তারাবো আগাজত্তুন্ পিত্‌থিমীত পোজ্জ্যে। সেই তারাবোরে গভীন গাঢর্ চাবি দিয়্যে অলঅ।

ফগদাং পেইয়্যে 9:1 Iomraidhean Croise

যিশাইয় 14:12

ও শুকতারা, বেন্যেমাদানর্ পুয়োবো, তুই দঅ স্বর্গত্তুন্ পোজ্যস্। তুই একদিন জাদ্‌তুনোরে ওদেই দুয়োচ্ আর তরে ইক্কিনে পিত্‌‌‌থিমীত ফেলেই দিয়্যে ওইয়্যে।

লূকে লেখ্যে গম্ হবর্ 10:18

যীশু তারারে কলঅ, “মুই শদানরে স্বর্গত্তুন্ আগাজ ঝিমিলেনি ধোক্ক্যেন্ গুরি পত্তে দেখ্যং।

লূকে লেখ্যে গম্ হবর্ 8:31

সেক্কে সেই আত্মাগুনে যীশুরে কোজোলী গরা ধুরিলাক্ যেন তে তারারে তলা নেইয়্যে গাঢত্ ন-পাদায়।

রোমীয় 10:7

“অথবা ন-কোইয়ো, ‘কন্না তলেদি মরাগুনোর্ জাগাত্ যেবঅ?’ ” অত্তাৎ মরণত্তুন্ খ্রীষ্টরে তুলি আনিবাত্যে কন্না মরাগুনো জাগানত্ যেবঅ?

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

ফগদাং পেইয়্যে 1:20

যে সাত্‌টো সনার চেরাগ টগ্ আর মঅ ডেন্ আঢেদি যে সাত্‌টো তারা তুই দেগিলে সিয়েনর্ গুমুরো অত্তগান ইয়েন-সেই সাত্‌টো তারা অলঅ সেই সাত্‌টো মন্ডলীর সাতজন দূত আর সাত্‌টো চেরাগ টগ্ অলঅ সেই সাত্‌টো মন্ডলী।

ফগদাং পেইয়্যে 11:7

তারার্ সাক্ষ্য দেনা থুম্ অলে পরেদি সেই গভিন্ গাঢ্‌তোত্তুন্ এক্কো য়েমান উদি এইনে তারা লগে যুদ্ধো গুরিবো আর তারারে অদেই দিইনে মারে ফেলেব।

ফগদাং পেইয়্যে 17:8

যে য়েমান্নোরে তুই দেখ্যচ্ তে আগে এলঅ মাত্তর্ ইক্কুনি নেই। যেরেদি তে সেই সুরুঙো গাঢ্‌তোত্তুন্ উদি এইনে উমর্ সং সাজা ভুগিবো। সেক্কে যিগুনে এই পিত্‌থিমীর, অত্তাৎ জগদ্‌তান সৃট্টির সময়োত্তুন্ ধুরি যিগুনোর্ নাঙানি জিংকানি-বোইয়োত্ লেগা নেই তারা সেই য়েমান্নোরে দেগিনে আমক্ ওই যেবাক্; কিয়া য়েমান্নো আগে এলঅ, ইক্কিনে নেই, অদচ আরঅ দেগা দিবো।

ফগদাং পেইয়্যে 20:1

ইয়েন পরেদি মুই এক্কো স্বর্গদূতোরে স্বর্গত্তুন্ লামি এত্তে দেগিলুং। তা আঢত্ এলদে সেই সুরুঙো গাঢ্‌তোর্ চাবি আর এক্কান দাঙর্ শিগোল।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।

ফগদাং পেইয়্যে 6:13

জোরে বৈয়্যের্ বেলে যেধোক্ক্যেন গুরি ডোমোর গুলোগুন বে-অক্‌তদ্ পড়ন ঠিগ্ সেধোক্ক্যেন গুরি আগাজর্ তারাগুন পিত্‌থিমী উগুরে ঝরি পড়িলাক্।

ফগদাং পেইয়্যে 8:10

যেরেদি তিন-লম্বর স্বর্গদূত্‌তো তা তূরীবো বাজেল। সেক্কে এক্কো দাঙর্ তারা জোল্‌জোল্ল্যে গুরি জ্বলদে জ্বলদে আগাজত্তুন্ পড়িলো।

ফগদাং পেইয়্যে 8:12

ইয়েনর পরেদি চের্-লম্বর স্বর্গদূত্‌তো তা তুরীবো বাজেল। সেক্কে বেলানর্ তিন ভাগর এক ভাগ, চানানর্ তিন ভাগর এক ভাগ আর তারাগুনোর তিন ভাগর এক ভাগ আন্ধার্ ওই গেলঅ। দিনোর তিন ভাগর এক ভাগত্ আর রেদোর্ তিন ভাগর এক ভাগত্ কনঅ পহ্‌র ন-থেলঅ।

ফগদাং পেইয়্যে 8:2

যে সাতজন স্বর্গদূত্ গোজেন মুজুঙোত্ থিয়্যেই থান্ মুই তারারে দেগিলুং। তারা আঢত্ সাত্তো তূরী দিয়্যে অলঅ।

ফগদাং পেইয়্যে 9:2

তারাবো সেই গভিন্ গাঢ্‌তো খুলিলো; সেক্কে দাঙর্ চুলোবোত্তুন্ যেধোক্ক্যেন গুরি ধূমো নিগিলে, ঠিগ্ সেধোক্ক্যেন গুরি সেই গাঢ্‌তোত্তুন্ ধূমো নিগিলে ধুরিলো। সেই গাঢ্‌তোর্ ধূমোলোই বেলান আর আগাজ্‌চান আন্ধার ওই গেলঅ,