ফগদাং পেইয়্যে 8:3 - Chakma Bible

³ ইয়েনর্ পরেদি আর এক্কো স্বর্গদূত এইনে ডালি পূজোবো মুজুঙোত্ থিয়্যেল। তা আঢত্ এক্কো সনার ধূব্ টগ্ এলঅ। তারে বেশ্ গুরিনে ধূব্ দিয়্যে অলঅ যেনে তে সিংহাসন মুজুঙোত্ সনার ডালি পূজোবো উগুরে গোজেনর্ বেক্‌ মানুচ্চুনোর তবনার সমারে সেই ধূব্‌‌পুন্ উৎসর্ব গরে।

ফগদাং পেইয়্যে 8:3 Iomraidhean Croise

১ রাজাবলী 7:50

খাটি সনার গলস, বুদ্দিবো কাজেবার চিম্‌টিগান, চেরাগ, মেজাং আর আগুন্‌ রাগেবার পিলেবো; ভিদিরে গুদিবো, অত্তাৎ দাঙর্ পবিত্র জাগানর দোরানত্তে আর তবনা-ঘরর আজল্‌ গুদিবো দোরানত্তে সনার কব্‌জা।

গীতসংহিতা 141:2

মঅ তবনাগান্ যেন তুম্বাজ্ আগর্‌বাট্টি ধোক্ক্যেন্, মঅ আঢ্‌তান তুলোনা যেন সাজোন্যে উৎসর্ব ধোক্ক্যেন্ তঅ মুজুঙোত্ আজিল্ অন্।

যাত্রা 40:26

পর্দাগানর মুজুঙেন্দি সেই মিলন-তাম্বুল ভিদিরেই তে সনার্‌ ডালিপূজোবো রাগেল আর লগেপ্রভুর্‌ উগুম মজিম্‌ সিবে উগুরে তুম্বাজ্ ধূপ জ্বালেল।

যিশাইয় 6:6

সেক্কে এক্কো সরাফ আঢত্ এক্কো জোল্‌জোল্যে আঙারালোই মইদু উড়ি এলঅ; আঙারাবো তে পূজোবো উগুরেত্তুন্ চিম্‌টিলোই নেযেল।‌

যিহিষ্কেল 41:22

আজল্ গুদিবোত্ তিন আত্ অজল, দ্বিআত্ লাম্বা আর দ্বিআত্ পাদাজ্যে গাজর্ এক্কো পূজো এলঅ; ইবের্ চের্‌কোণা, গড়া আর চেরোকিত্তেদি এলঅ গাজ্‌চোই বানেয়্যে। তে মরে কলঅ, “ইয়েন অত্তে সেই টেবিলান যিয়েন লগেপ্রভুর মুজুঙোত্ আঘে।”

আমোষ 9:1

মুই প্রভুরে পূজোবো কায়-কুরে থিয়্যেই থাগদে দেগিলুং। তে কলদে, “খুদোগুনো মাঢাত্ আঘাত্ গরঅ যেনে সিগুন গির্‌‌‌গিরে উদিনে সিদুগো বেক মানুচ্চুনোর মাঢা উগুরে ভাঙি পড়ন্। যিগুনে বাঁজি থেবাক্ যুদ্ধোত্ মুই তারারে মারে ফেলেম। কনজনে যেই বা ধেই ন-পারিবাক্।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

গণাণা 4:11

সনার্‌ পূজোবো উগুরে এক্কান্‌ য়েল্‌ কাবড়্‌ বিজেইনে তারা সিয়েন্‌ শুশুকোর্‌ চামান্‌দোই নাঢি দিবাক আর পূজোবোর্‌ লাগাড়াগুন জাগা মজিম ভোরেই দিবাক।

গণাণা 7:62

পৌইরেক্কোই ভোজ্যে একশত গ্রাম ওজনর্‌ এক্কো সনার্‌ চিগোন বাজোন্;

লূকে লেখ্যে গম্ হবর্ 1:10

পৌইরেক্ জ্বালেবার্ অক্তত্ বারেদি বোউত্ মানুচ্ তবনা গত্তন্।

রোমীয় 8:34

কন্না তারারে দুষি বিলিনে ঠিগ্ গুরিবো? যিবে মুরি যেয়্যে আর যিবেরে মরণত্তুন্ জেদা গরায়ো ওইয়্যে সেই খ্রীষ্ট যীশু ইক্কিনে গোজেনর্ ডেন্ ঢাগদি আঘে আর আমাত্যে কোজোলী গরের্।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

ইব্রীয় 9:4

এ ভাগ্‌কানত্ আগর্‌বাট্টি জ্বালেবাত্যে সনার্ ডালিপূজো আর সাক্ষ্য সুন্দুক এলঅ। সিবের্ চেরোকিত্যেদি সনালোই বেড়েয়্যে এলঅ। সিবে ভিদিরে এলঅ সনার্ পিলেত্ থোইয়্যে মান্না, হারোণর যে লুদিক্কোত্ ফুল ফুট্যে সেই লুদিক্কো, আর বেবস্থা-লেগা দ্বিয়েন পাত্তর আরুগ্।

ফগদাং পেইয়্যে 10:1

সে পরেদি মুই আর এক্কো খেমতাবলা স্বর্গদূতোরে স্বর্গত্তুন্ লামি এত্তে দেগিলুং। তা পজাগ্‌কান এলঅ মেঘ, আর তা মাঢাবো উগুরে এলঅ রান্‌জনীগান। তা মুয়োন বেলান ধোক্ক্যেন আর তা টেঙানি এলঅ আগুনো টুনি ধোক্ক্যেন।

ফগদাং পেইয়্যে 14:18

সে পরেদি পূজোবোত্তুন্ আর এক্কো স্বর্গদূত্ নিগিলি এলঅ। আগুনো উগুরে তার্ খেমতা এলঅ। যে স্বর্গদূত্‌তো ইধু ধার্‌বলা চারি এলঅ তারে এ স্বর্গদূত্‌তো জোরে ডাগিনে কলঅ, “তর্ ধার্‌বলা চারিগান্ বাজা আর পিত্‌থিমীর আঙ্গুর গাজত্তুন্ আঙ্গুরো থুপ্পুন্ কাবিনে থুবো, কিয়া আঙ্গুরুন পাগি যেয়োন।”

ফগদাং পেইয়্যে 5:8

বোইবো লনার্ পর সেই চের্‌বো জেদা প্রাণী আর চব্বিচ্‌জন নেতা ভেড়া-ছবোর্ মুজুঙোত্ মাঢা নিগুরিলাক্। তারার পত্তিজনর্ আঢত্ এক্কো গুরিনে বীণা আর এক্কো গুরি আগর্‌বাট্টিলোই ভোরেয়্যে সনার কদরা এলঅ। সেই আগর্‌বাট্টিলোই ভোজ্যে কদরাগুন অলঅ গোজেন মানুচ্চুনোর তবনা।

ফগদাং পেইয়্যে 6:9

যেক্কে তে পাঁচ-লম্বর সীলমহ্‌রবো ভাঙিলো সেক্কে মুই এক্কো ডালিপূজো তলে এমন্‌ বেক্‌ মানুচ্চুনোর আত্মাগানি দেগিলুং যিগুনোরে গোজেনর্ কধানিত্যে আর সাক্ষ্য দিবাত্যে মারে ফেলা ওইয়্যে।

ফগদাং পেইয়্যে 7:2

পরেদি মুই আরঅ এক্কো স্বর্গদূতোরে পূগেন্দিত্তুন্ উদি এত্তে দেগিলুং। তাইধু জেদা গোজেনর্ সীলমহ্‌র এলঅ। যে চেরজন স্বর্গদূতোরে পিত্‌থিমী আর সাগরানরে ক্ষতি গুরিবার খেমতা দিয়্যে ওইয়্যে সেই চেরজন স্বর্গদূতোরে তে রঅ ছাড়িনে কলদে,

ফগদাং পেইয়্যে 8:4

সেই স্বর্গদূত্‌তুনো আঢত্তুন্ ধূবোর্ ধুমো গোজেন মানুচ্চুনোর্ তবনাগানি সমারে উগুরে গোজেন মুজুঙোত্ উদি গেলঅ।

ফগদাং পেইয়্যে 8:5

সেক্কে সেই স্বর্গদূত্‌তো ডালি পূজোবোত্তুন্ আগুন লোইনে সেই ধূব্ কদরাবো ভোরেল আর পিত্‌থিমীত ফেলেই দিলো। সেক্কে আগাজ বাজ্ পড়েদে রঅ আর অন্য বাবোত্যে রঅ অলঅ, আর ঝিমিলেল আর ভূজোল্ বেলঅ।

ফগদাং পেইয়্যে 9:13

সে পরেদি ছ'লম্বর স্বর্গদূত্‌তো তা তূরীবো বাজেল। গোজেন মুজুঙোত্ যে সনার পূজোবো আঘে সেই পূজোবোর্ চের্‌বো শিংঅ কুরেত্তুন্ মুই একজনরে কধা কধে শুনিলুং। যিবে ইধু তূরী এলঅ সেই ছ'লম্বর স্বর্গদুদ্‌তোরে তে কলঅ,