ফগদাং পেইয়্যে 7:4 - Chakma Bible

⁴ সে পরেদি মুই সেই সীলমহ্‌র গোজ্জ্যে মানুচ্চুনোর সোংখ্যেগুন শুনিলুং। ইস্রায়েলীয়গুনোর বেক্‌ গুট্টিগুনোত্তুন্ বেক্কুনে একশঅ চৌচোল্লিশ্ আজার মান্‌জ্যরে সীলমহ্‌র গরা ওইয়্যে:

ফগদাং পেইয়্যে 7:4 Iomraidhean Croise

পত্থম 15:5

পরেদি লগেপ্রভু অব্রামরে বারেদি নেযেইনে কলঅ,“আগাজন্দি চাহ্‌ আর যুদি পারচ্‌ সে তারাগুন্‌ গুণিনে শেজ্ গর্‌। তঅ বংশর্‌ মানুচ্চুনে সে তারাগুনো ধোক্ক্যেন গুনি ন পুরেইয়্যে অবাক্।”

যাত্রা 28:21

ইস্রায়েলর্‌ বারবো পূঅত্তে বেক্কুনে বারবো পাত্তর্‌ থেবাক্। সিগুনোর্‌ পত্তি বারবো গুট্টির্‌ এক্কান গুরি নাঙ্‌ খোদাই গোজ্যে থেবঅ‌, যেধোক্ক্যেন গুরি সীলমহর্‌ খোদাই গরা অয়।

যিহিষ্কেল 47:13

সে পরেদি প্রভু লগেপ্রভু কোইয়্যেদে, তুমি সোম্বোত্তি ইজেবে ইস্রায়েলর্ বার গুট্টি ভিদিরে দেজ্‌‌‌চান এবাবোত্যেগুরি ভাগ গুরি দিবা। তুমি বেক্কুনে সং সং গুরিনে ভাগ গুরিবা মাত্তর্ যোষেফে দ্বিভাগ পেবঅ। এ দেজ্‌চান মুই তমা পুরোণি মানুচ্চুনোরে দিম্ বিলিনে শমক্ গোজ্যং আর এ দেজ্‌‌‌‌‌চান তমা সোম্বোত্তি অবঅ।‌‌

যিহিষ্কেল 48:19

ইস্রায়েলর্ বেক গুট্টিগুনোত্তুন্ যিগুনে এ শঅরত্ কাম গুরিবাক্ তারা এ ভূইয়ান চাষ গুরিবাক্।

সখরিয় 9:1

হদ্রক আর দামেস্ক বিরুদ্ধে লগেপ্রভু যে কধাগান ফগদাং গোজ্যে সিয়েন পূরোন অবঅ। ইস্রায়েল গুট্টিগুনোর আর অন্য বেক্ মানুচ্চুনোর চোগ্‌কুন লগেপ্রভু উগুরে আঘে।

মথি লেখ্যে গম্ হবর্ 19:28

যীশু তারারে কলঅ, মুই তমারে ঘেচ্চেকগুরি কঙর্, তুমি যিগুনে মঅ শিচ্চ্য ওইয়ো, নুয়ো সিরিষ্টিত্ যেক্কে মান্‌জ্য পুয়োবো তা সর্মানর্ সিংহাসনত্ বুজিবো সেক্কে তুমিয়ো বারগান্ সিংহাসনত্ বুজিবা আর ইস্রায়েলর্ বারবো গুট্টির বিচের্ গুরিবা।

লূকে লেখ্যে গম্ হবর্ 14:22

ইয়েনি বেক্কানি গরানার্ পরেদি সেই চাগর্‌বো কলঅ, ‘প্রভু, তঅ উগুম্ মজিম্ বেক্কানি গরা ওইয়্যে, মাত্তর্ এজঅ বোউত্ জাগা আঘে।’

লূকে লেখ্যে গম্ হবর্ 22:30

সেক্কে মঅ রেজ্যত্ তুমি মঅ সমারে হানা-দানা গুরিবা আর সিংহাসনত্ বৈইনে ইস্রায়েলর্ বারবো গুট্টির বিচের্ গুরিবা।

প্রেরিত্‌ 26:7

আমা বারবো গুট্টির্ মানুচ্চুনে দিনে-রেদে মন্-পরাণ্ দিইনে গোজেনর্ সেবা গুরিনে সেই এগেমান্ দেগিবার্ আজায় আঘন্।

রোমীয় 9:27

ভাববাদী যিশাইয় ইস্রায়েল জাদ পৌইদ্যেনে কোইয়্যে, “ইস্রায়েলীয়গুন্ যুনিয়ো জনেদি সাগর-পার কোরোলি ধোক্ক্যেন্ তো বানা সিগুনোর্ বিশেষ এক্কো ভাগে উদ্ধোর্ পেবাক্।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।

ফগদাং পেইয়্যে 14:1

সে পরেদি মুই রিনি চেলুং, সেই ভেড়া-ছবো সিয়োন মূড়োবো উগুরে থিয়্যেই আঘে। তা সমারে আঘন্ একশ চৌচল্লিচ আজার মানুচ্‌। তারার্ কবালত্ ভেড়া-ছবো আর তা বাব নাঙান্ লেগা আঘে।

ফগদাং পেইয়্যে 14:3

সেই সিংহাসনান্ আর সেই চের্‌বো জেদা প্রাণী আর সেই নেতাগুনো মুজুঙোত্ তারা এক্কো নুয়ো গীদ্ গাদন্। কনজনে সেই গীদ্‌তো শিগি ন-পারিলাক্; বানা সেই একশ চৌচল্লিশ্ আজার মানুচ্‌, যিগুনোরে পিত্‌থিমীর্ মানুচ্চুনো ভিদিরেত্তুন্ কিনি নেযা ওইয়্যে তারা শিগি পারিলাক্।

ফগদাং পেইয়্যে 7:5

যিহূদা গুট্টি ভিদিরেত্তুন্ বার আজার। রূবেণ গুট্টি ভিদিরেত্তুন্ বার আজার। গাদ গুট্টি ভিদিরেত্তুন্ বার আজার।

ফগদাং পেইয়্যে 9:16

যেরেদি মুই শুনিলুং, ঘোড়া উগুরে সৈন্যর সোংখ্যে এলদে কুড়ি কোটি।