ফগদাং পেইয়্যে 7:3 - Chakma Bible

³ “আমা গোজেন চাগরুনোর্ কবালত্ সীলমহ্‌র ন-দেনা সং পিত্‌থিমী, সাগর বা গাজ্-পালার ক্ষোতি ন-গোজ্জ্য।”

ফগদাং পেইয়্যে 7:3 Iomraidhean Croise

যাত্রা 12:13

মাত্তর্‌ তমা ঘরত্‌ যে লোগানি লিপ্যে থেবঅ সিয়েনি অবঅ তমার্‌ চিহ্নো। আর মুই সেই লোগানি চেইনে তমারে বাদ দিইনে উজেই যেম্‌। সেক্কে মিসর দেজ উগুরে মর্‌ আঘাদর্‌ দজাত্তুন্ তুমি মাপ্‌ পেই যেবা।

যাত্রা 12:23

মিসরীয়গুনোরে আঘাত্‌ গুরিবার লক্কে লগেপ্রভু যেক্কে মিসর দেজ ভিদিরেদি যেবঅ সেক্কে তমা দোরান তক্তানিত্‌ লো দেগিনে তে তমা দোরান বাদ্‌ দিইনে উজেই যেবঅ। যিবে এ ভস্তর্‌ কামান্‌ গুরিবো তারে তে তমা ঘরত্‌ সোমেইনে তমারে আঘাত গুরিবাত্তে ন-দিবো।

যিশাইয় 27:8

তে বিচের্ গুরিনে তারে নিগিলেই দিয়্যে, মাত্তর্ সিয়েনত্ পাওনাত্তুন্ বেশ্ সাজা দিয়্যে ন-অয়; পুগো বোইয়্যের ধোক্ক্যেন্ গুরি তা অমকদ ঝাবুদোলোই তে তারে ধাবেইনে নিগিলেই দিয়্যে।

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যিশাইয় 6:13

যুনি দেজ ভিদিরে দশভাগর্ একভাগ্ মানুচ্‌‌‌‌‌‌অ থান্, তো তারারে পুড়ি ফেলা অবঅ। মাত্তর্ এলোন গাজ্ কাবি ফেলেলেয়ো যেধোক্ক্যেন্ তা গুড়িগানি থায়, সেধোক্ক্যেন্ গুড়ি ইজেবে দেজত্ পবিত্র বীজ ধোক্ক্যেন্ কয়েক্কো মানুচ্ থেবাক্।”

যিশাইয় 65:8

লগেপ্রভু কোইয়্যেদে, “আংগুরোর্ থুবোত্ রস আঘে দেগিনে মান্‌জ্যে কন্, ‘বর্‌বাত্ ন-গোজ্য, ইক্কিনেয়ো সিবে ভিদিরে গম্ জিনিস কিজু আঘে,’ সেবাবোত্যে মুই মঅ চাগর বেক্কুনোরে ভস্ত ন-গুরিম।‍‍ ‍

যিহিষ্কেল 9:4

তে তারে কলঅ, “তুই যিরূশালেম শঅরান ভিদিরেদি যাহ্ আর সিয়েন ভিদিরে যেদক্কানি জঘন্য কাম গরা ওইয়্যে সেনত্তে যিগুনে ভঅ নিজেস্ ফেলেইনে ফবাদন্ তারা কবালত্ এক্কান গুরি চিহ্নো দুয়ো।”

যিহিষ্কেল 9:6

বুড়ো, গাবুজ্যে, গাবুরী, বুয়ো যেইয়্যে মিলে আর চিগোন্ গুরোগুনোরে মারে ফেলঅ, মাত্তর্ যিগুনো কবালত্ চিহ্নো আঘে তারারে ন-ধোজ্য। উবোসনা-ঘরত্তুন্ সিয়েন গরানা আরাম্ভ গরঅ।” সেক্কে তারা উবোসনা-ঘর মুজুঙোত্ যে বুড়ো নেতাগুনে এলাক্ তারারে দিইনে আরাম্ভ গুরিলাক্।

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

দানিয়েল 3:26

সেক্কে নবূখদ্‌সরে দোগ্‌দোক্যে আগুনো চুলো মুয়োন ইধু উজেই যেইনে রঅ ছাড়িনে কলঅ, “ ও দাঙর্ গোজেনর চাগরুন শদ্রক, মৈশক আর অবেদ্‌-নগো, তুমি নিগিলিনে ইধু এজঅ।”

দানিয়েল 6:16

যেরেদি রাজা উগুম দিলো আর মানুচ্চুনে দানিয়েলরে আনিনে সিংহ গাদত্ ফেলেই দিলাক্। সেক্কে রাজা দানিয়েলরে কলঅ, “তুই নিত্য যিবেরে সেবা গরচ্ সেই গোজেনে যেন তরে রোক্ষ্যে গরে।”

সফনিয় 2:3

ও দেজর্ বেক্ নম্র মানুচ্চুন, তুমি যিগুনে লগেপ্রভুর উগুম মজিম্ কাম গরঅ, তুমি তার্ আওজ্ মজিম্ গমেডালে আর নম্রগুরি চলঅ; সেক্কে লগেপ্রভুর রাগর্ দিন্নোত্ অয়ত তুমি আশ্রয় পেবা।

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

মথি লেখ্যে গম্ হবর্ 24:22

মাত্তর্ সেই দুঘোর্ দিনুন্ যুনি গোজেনে কোমেই ন-দিদো সালে কনজনে ন-বাঁজিদাক্। মাত্তর্ তার্ বেঈ লোইয়্যে মানুচ্চুনোত্তে গোজেনে সেই দিনুন্ কোমেই দিবো।

মথি লেখ্যে গম্ হবর্ 24:31

দাঙর্ দাঙর্ গুরি তূরী বাঁজি উদিবো আর সমারে সমারে মান্‌জ্য পুয়োবো তা স্বর্গদূত্‌তুনোরে চেরোকিত্তেত্তুন্ পাধেই দিবো। সেই দূত্‌তুনে পিত্‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ তার বেঈ লোইয়্যে মানুচ্চুনোরে এক সমারে থুবেবাক্।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 3:33

যে তার্ সাক্ষ্য গ্রাজ্য গোজ্যে তে তারে দিইনে প্রমাণ গোজ্যে যে, গোজেনে যিয়েন্ কয় সিয়েন্ সত্য।

রোমীয় 6:22

মাত্তর্ ইক্কিনে তুমি পাপ আঢত্তুন্ ছড়ান্ পেইনে গোজেনর্ চাগর্ ওইয়ো। সিয়েনত্ লাভ্‌পান অলদে ইয়েন, তুমি পবিত্র গুরিনে বাড়ি উদোর্, আর সিয়েনর্ ফল অলঅ উমর জিংকানি।

ফগদাং পেইয়্যে 13:16

তে চিগোন-দাঙর্, থাগোইয়্যে-নাঢা, গিরোজ্ আর চাগর্, বেক্কুনোরে ডেন্ আঢত্ বা কবাল উগুরে এক্কান চিহ্নো মানি লবাত্যে বাধ্য গুরিলো।

ফগদাং পেইয়্যে 13:17

সেনত্যে সেই চিহ্নোগান বাদে কেঅ কিচ্চু কিনি বা বেজি ন-পারিলাক্। সেই চিহ্নোগান অলঅ সেই য়েমান্নোর্ নাঙান্ বা তা নাঙানর্ লম্বর্‌বো।

ফগদাং পেইয়্যে 14:1

সে পরেদি মুই রিনি চেলুং, সেই ভেড়া-ছবো সিয়োন মূড়োবো উগুরে থিয়্যেই আঘে। তা সমারে আঘন্ একশ চৌচল্লিচ আজার মানুচ্‌। তারার্ কবালত্ ভেড়া-ছবো আর তা বাব নাঙান্ লেগা আঘে।

ফগদাং পেইয়্যে 14:9

ইয়েনর্ পরেদি তিন-লম্বর আর এক্কো স্বর্গদূত তারার্ পিজে পিজে এইনে দাঙর্ গুরিনে কলঅ, “যুনি কেঅ সেই য়েমান্নো আর তা মূত্তিবোরে পূজো গরে আর সিবের্ চিহ্নোগান্ কবালত্ বা আঢত্ লয়,

ফগদাং পেইয়্যে 19:2

কিয়া তার্ বিচেরান সত্য আর ন্যায্য। যে তার্ পর্‌পাগোল্যেলোই গোদা পিত্‌থিমীগানরে অসিজি গোজ্জ্যে সেই দাঙর্ বেশ্যেবোরে গোজেনে সাজা দিয়্যে আর তা চাগরুনোর্ লোর্ হেনা সুজোনাগান তে তা উগুরে নেযেয়্যে।”

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।

ফগদাং পেইয়্যে 22:4

তারা তা মুয়োন দেগিবাক্ আর তা নাঙান্ তারার্ কবালত্ লেগা থেবঅ।

ফগদাং পেইয়্যে 6:6

আর মুই সেই চের্‌বো জেদা পরাণবলাগুনোর্ সংমধ্যে কাররে কধে শুনিলুং, “এক্কো কামগুরিয়্যের্ এক দিনোর আয় বানা এক সের্ গম বা তিন সের্ কেচ্‌বিজি পাহ্ যায়। তেল আর আঙ্গুর-রচ্‌‌সান তুই বর্‌বাদ ন-গুরিচ।”

ফগদাং পেইয়্যে 7:1

ইয়েনর্ পরেদি মুই চেরজন স্বর্গদূতোরে পিত্‌থিমীর চের্ কোণাত্ থিয়্যেই থাগদে দেগিলুং। তারা পিত্‌থিমীত চের্ কোণাত্ বৈয়্যেরানরে আক্‌সোই রাগেয়োন, যেন পিত্‌থিমী, সাগর বা কনঅ গাজ উগুরে বৈয়্যের্ ন-বায়।

ফগদাং পেইয়্যে 7:2

পরেদি মুই আরঅ এক্কো স্বর্গদূতোরে পূগেন্দিত্তুন্ উদি এত্তে দেগিলুং। তাইধু জেদা গোজেনর্ সীলমহ্‌র এলঅ। যে চেরজন স্বর্গদূতোরে পিত্‌থিমী আর সাগরানরে ক্ষতি গুরিবার খেমতা দিয়্যে ওইয়্যে সেই চেরজন স্বর্গদূতোরে তে রঅ ছাড়িনে কলদে,

ফগদাং পেইয়্যে 9:4

সিগুনোরে কুয়ো অলঅ তারা যেন পিত্‌থিমীর কনঅ ঘাস বা য়্যেল্ কনঅ কিজু বা কনঅ গাজর্ ক্ষোতি ন-গরন; বানা যে মানুচ্চুনোর কবালত্ গোজেনর্ সীলমহ্‌র নেই তারারে ক্ষোতি গরন্।