ফগদাং পেইয়্যে 7:16 - Chakma Bible

¹⁶ ইগুনোর্ আর পেট্ ন-পুরিবো, তিরেচ্অ ন-পেবঅ; বেলানর্ তেজ্‌‌চান ইগুনো কিয়্যেত্ আর ন-লাগিবো,

ফগদাং পেইয়্যে 7:16 Iomraidhean Croise

গীতসংহিতা 121:5

লগেপ্রভু তর্ রোক্ক্যেগুরিয়্যে; লগেপ্রভু তর্ ছাবা, তে তঅ ডেনেদি আঘে।

গীতসংহিতা 121:6

দিনোত্ বেলান্ আর রেদোত্ চানানে তরে খেতি ন-গুরিবাক্।

গীতসংহিতা 143:6

মুই তন্দি মঅ আঢ্‌তান বাবেই দুয়োং; শুগুনো ভুইয়ো ধোক্ক্যেন্ মঅ পরাণানে তত্তে ধারস্ গরের্।

গীতসংহিতা 42:2

গোজেনত্তে, জেদা গোজেনত্তেই মর্ পরাণানত্ তিরেচ্ লাগের্; কক্কেনে মুই যেইনে তা মুজুঙোত্ থিয়্যেই পারিম্?

গীতসংহিতা 63:1

ও গোজেন, তুই মর্ গোজেন, মুই আওজ্ গুরিনে তরে ডাগঙর্; এ শুগুনো পানিনেইয়্যে দেজত্, যিবের খেত-খেত্তি দিবার বলঅ ফুরেই যেইয়্যে, সিয়েনত তত্তেই মর্ পরাণান আওজ্ গরের্, তত্তেই মর্ কিয়্যেগান থিদেবর্ নেইয়্যে ওইয়্যে।

পরমগীত 1:6

মুই কালা বিলিনে মন্দি এবাবোত্যেগুরি চেই ন-থেচ্, কিত্তে বেলানে মঅ রঙান্ কালা গোজ্যে। মঅ ভেইয়ুনে মঅ উগুরে রাগ্ গরন্ আংগুর খেদ্‌তান রিনি চেবার্ ভারান্ মরে দুয়োন্, সেনত্তে মঅ নিজো আংগুর খেত্ চানাগান্ মুই ন-গরং।

যিশাইয় 25:4

তুই দঅ নাঢা মানুচ্চুনোর ঘর্, অভাবীগুনোর দুঘ্ সময়োত্ ঘর, ঝড়ত্তুন্ রোক্ক্যে পেবার জাগা আর রোদো গরমত্তুন্ রোক্ক্যে পেবার ছাবা। দেবালত্ আঘাত গোজ্যে ঝড় আর ধূল্যেচর গরম ধোক্ক্যেন চিৎনপুজ্যেগুনোর নিজেসত্তুন্ তুই রোক্ক্যে গুরি থাচ্। তুই বিদেশীগুনোর কিজিক্ কাজাক্কানি থামেই দিবে। মেঘ ছাবাগানে যেবাবোত্যেগুরি গরমান কোমেই দে সেবাবোত্যেগুরি তুই চিৎনপুজ্যেগুনোর গানুন্ থামেই দিবে।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিশাইয় 41:17

“দুঘি আর অভাবীগুনে পানি তগান্, মাত্তর্ পানি নেই; পানি তিরেজে তারার্ জিলানি শুগেই যেইয়্যে। মাত্তর্ মুই লগেপ্রভু তারারে জোব্ দিম; মুই ইস্রায়েলর গোজেন তারারে ছাড়ি ন-যেম্।

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

যিশাইয় 65:13

সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

যোনা 4:8

যেক্কে বেলান্ উদিলো সেক্কে গোজেনে গরম পূগো বোইয়্যের্ বেঈ দিলো; সেক্কে যোনা মাঢাবোত্ এমন রোদ বাঁজিলো যে, তে পেরায়্ অজ্ঞান অইদ্যে ধোক্ক্যেন অলঅ। সেক্কে তে মুরিবাত্তে চেইনে কলঅ, “মর্ বাঁজি থানাত্তুন মুরি যানা গম্।”

মথি লেখ্যে গম্ হবর্ 13:21

মাত্তর্ তারা ভিদিরে শিঙোরান্ গমে ডালে ন-বজে বিলি তারা কানক্কনত্তে থির্ থান্। যেক্কে সে কধানিত্তে দুঘ্ আর অত্যেচার্ এজে সেক্কে তারা পিজেদি যান্।

মথি লেখ্যে গম্ হবর্ 13:6

মাত্তর্ বেলান্ উদোনার পরেদি সিগুন রোদে পুড়ি গেলাক্ আর শিঙোরানি গমেডালে ন-বজে বিলি শুগেই গেলাক্।

মথি লেখ্যে গম্ হবর্ 5:6

যিগুনে মনে-পরাণে গোজেনর্ আওজ্ মজিম চলিবাত্তে চান্ তারা বর্‍‍‍‍‍পেইয়্যে, কিয়া তারার্ সেই আওজ্‌চান পূরোণ্ অবঅ।

মার্ক 4:17

মাত্তর্ তারা ইধু শিঙোরানি গমেডালে ন-বজে বিলিনে বানা কয়েক দিনোত্তে তারা থির্ থান্। যেরেদি কধানত্তে যেক্কে দুঘ্ আর অত্যেচার্ এজে সেক্কে তারা পিজেদি যান্।

মার্ক 4:6

বেলান্ উদোনার পরেদি সিগুন্ পুড়ি গেলাক্ আর শিঙোরানি গমেডালে ন-বজে বিলি শুগেই গেলঅ।

লূকে লেখ্যে গম্ হবর্ 1:53

যিগুনোর্ অভাব আঘে, গম্ গম্ জিনিচ্চোই তে তারার্ অভাব্‌পানি পূরোণ গোজ্যে, মাত্তর্ তাগোয়্যেগুনোরে সুদো আঢে বিদেয় গোজ্যে।

লূকে লেখ্যে গম্ হবর্ 6:21

বর্‌পেইয়্যে তুমি, যিগুনোর্ ইক্কিনে পেট্ পুরের্, কিয়া তমার্ ঈল্ অবঅ। যিগুনে ইক্কিনে কানদন্, তুমি বর্‌পেইয়্যে, কারন তুমি আজিবা।

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যাকোব 1:11

বেলানে যেক্কে জ্বোল্‌‌জোল্ল্যে গরমে উদে সেক্কে সেই ঘাস্‌‌চানি শুগেই যায়, ফুলুন্ ঝুরি যান্ আর সিগুনোর্ দোলান্ বর্‌‌বাদ্ ওই যায়। তাগোয়্যে মানুচ্চোয়ো ঠিগ্ সেবাবোত্যে গুরি তা জিংকানিগান কাম্ গত্তে গত্তে থুম্ ওই যেবঅ।

ফগদাং পেইয়্যে 21:4

তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”