ফগদাং পেইয়্যে 7:10 - Chakma Bible

¹⁰ তারা দাঙর্ গুরি রঅ ছাড়িনে কলাক্: “যিবে সিংহাসনত্ বৈ আঘে, আমার সেই গোজেন আর ভেড়া-ছবো আঢত্ পাপত্তুন্ উদ্ধোরান আঘে।”

ফগদাং পেইয়্যে 7:10 Iomraidhean Croise

গীতসংহিতা 115:1

আমার নয়, ও লগেপ্রভু, আমার নয়, মাত্তর্ তরে বাঈনী গরা ওক্; তর্ অমকদ কোচ্‌পানা আর বিশ্বেজত্তেই ওক্।

গীতসংহিতা 3:8

উদ্ধোর্ গরানা লগেপ্রভুর্ কাম। তঅ নিজো মানুচ্চুনো উগুরে তঅ আশিদ্‌বাদ্‌তান লামি এজোক্।

গীতসংহিতা 37:39

গোজেন ভক্তগুনোর্ উদ্ধোর অনাগান লগেপ্রভু ইত্তুন্ এজে; দজার্ সময়োত্ তেয়ই তারার্ আশ্রয়।

যিশাইয় 43:11

মুই, মুয়ই লগেপ্রভু, মুই বাদে আর কনঅ উদ্ধোরগুরিয়্যে নেই।

যিশাইয় 45:15

ও ইস্রায়েলর গোজেন আর উদ্ধোরগুরিয়্যেবো, সত্যিই তুই এমন গোজেন যিবে নিজোরে লুগেই থয়।

যিশাইয় 45:21

এজঅ, তমা তপ্পে যিয়েনি কবার্ আঘে সিয়েনি কঅ; তুমি এক সমারে সল্লা গরঅ। এ ঘটনাগানি যে ঘুদিবো সিয়েনি কন্না আগে কোইয়্যে? সেই বোউত্ আগেদি কন্না সিয়েনি ফগদাং গোজ্যে? মুই লগেপ্রভু কি সিয়েনি ন-গরং? মুই বাদে আর কনঅ গোজেন নেই; মুই ন্যায়বলা গোজেন, মুই উদ্ধোরগুরিয়্যে। মুই বাদে আর কনঅ গোজেন নেই।

যিরমিয় 3:23

ঘেচ্চেকগুরি মুড়ো-মুড়িগুনো উগুরে পূজোর রঅ রঅ ছঅ ছঅ ছলনা বাদে আর কিচ্চু নয়। ঘেচ্চেকগুরি আমা গোজেন লগেপ্রভুর ভিদিরে আগেদে ইস্রায়েলর উদ্ধোর্।

হোশেয় 13:4

লগেপ্রভু কত্তে, মিসরত্তুন্ তরে নিগিলেই আনিবার সময়ত্তুন্ ধুরি মুয়ই তর্ গোজেন লগেপ্রভু। মুই বাদে তর্ আর কনঅ গোজেন নেই; মুই বাদে তর্ আর কনঅ উদ্ধোর্ গুরিয়্যে নেই।

যোনা 2:9

মাত্তর্ মুই ভালেদির্ গীদ্ গেইনে তঅ নাঙে য়েমান উৎসর্ব গুরিম। মুই যে মানত্তান্ গোজ্যং সিয়েন পূরোণ গুরিম। উদ্ধোর গরানা লগেপ্রভুর কাম।”

সখরিয় 4:7

ও দাঙর্ মুড়োবো, কন্না তুই? সরুব্বাবিল মুজুঙোত্ তুই অবেদে সংজাগায়ান। উবোসনা-ঘরর্ শেষ পাত্তর্‌‌‌‌বো লাগেবার সময় মানুচ্চুনে রঅ ছাড়িনে কবাক্ যে, সিবে অমকদ দোল্ ওইয়্যে।’ ”

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

লূকে লেখ্যে গম্ হবর্ 3:6

মান্‌জ্যরে পাপত্তুন্ উদ্ধোর্ গুরিবাত্তে গোজেনে যিয়েনি গোজ্যে, বেক্ মানুচ্চুনে সিয়েনি দেগিবাক্।’ ”

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 1:36

এমন সময়োত্ যীশুরে আঢি যাদে দেগিনে যোহনে কলঅ, “উইয়োবু চঅ, গোজেনর্ ভেড়া ছবুয়ো।”

যোহন 4:22

তুমি যিবেরে ন-চিনো সিবের্ উবোসনা গুরি থাগঅ, মাত্তর্ আমি যিবেরে জানিই তার্ উবোসনা গুরিই, কিয়া পাপত্তুন্ উদ্ধোর্ পেবার্ পথ যিহূদীগুনোর্ মাধ্যমে এচ্চ্যে।

ইফিষীয় 2:8

গোজেনর্ দোয়্যেই বিশ্বেজর্ মাধ্যমে তুমি পাপত্তুন্ উদ্ধোর্ পেয়ো। ইয়েন তমার্ নিজোর্ মাধ্যমে ন-অয়, সিয়েন গোজেনর্ দান।

ফগদাং পেইয়্যে 12:10

সে পরেদি মুই স্বর্গত্তুন্ দাঙর্ দাঙর্ গুরি একজনরে কধে শুনিলুং, ইক্কিনে উদ্ধোর্, খেমতা আর আমার গোজেনর্ রেজ্য আর তার্ মশীহর খেমতা লুম্মেগি, কিয়া যিবে আমা ভেইবোরে দুষ্ দিদো তারে স্বর্গত্তুন্ ফেলেই দিয়্যে ওইয়্যে। আমা গোজেন মুজুঙোত্ তে দিন-রেত্ তারারে দুষ্ দেগেদ।

ফগদাং পেইয়্যে 19:1

ইয়েন পরেদি মুই স্বর্গত্ ভালোক্কুন মান্‌জ্যর ঝাগঅ রঅ শুনিলুং। তারা কধন্দে “হাল্লেলূয়া! উদ্ধোর্, বাঈনী আর খেমতা, বেক্কানি আমা গোজেনর্,

ফগদাং পেইয়্যে 21:5

যিবে সেই সিংহাসনত্ বৈ এলঅ, তে কলঅ, “চঅ, মুই বেক্কানি নুয়ো গুরি বানাঙর্।” যেরেদি তে আরঅ কলঅ, “এ কধাগান লেগ, কিয়া এ কধানি বিশ্বেজ্ গুরিবার আর সত্য।”

ফগদাং পেইয়্যে 22:3

গোজেনর্ আর ভেড়া-ছবোর্ সিংহাসন সেই শঅরত্ থেবঅ আর তার্ চাগরুনে তারে সেবা গুরিবাক্।

ফগদাং পেইয়্যে 4:6

সেই সিংহাসনান মুজুঙোত্ যেন ফুদিগো ধোক্ক্যেন পোত্‌পোত্যে এক্কান কাচ ধোক্ক্যেন সাগর এলঅ। সেই সিংহাসনান সংমধ্যে সিংহাসনানর চেরোকিত্যেদি চেরজন জেদা পরাণবলা এলাক্। সিগুনোর্ মুজুঙেদি আর পিজেদি চোগ্‌কোই ভরণ এলাক্।

ফগদাং পেইয়্যে 5:7

পরেদি সেই ভেড়া-ছবুয়ো এইনে যিবে সিংহাসনানত্ বৈ এলঅ তা ডেন্ আঢত্তুন্ বোইবো ললঅ।