ফগদাং পেইয়্যে 7:1 - Chakma Bible

¹ ইয়েনর্ পরেদি মুই চেরজন স্বর্গদূতোরে পিত্‌থিমীর চের্ কোণাত্ থিয়্যেই থাগদে দেগিলুং। তারা পিত্‌থিমীত চের্ কোণাত্ বৈয়্যেরানরে আক্‌সোই রাগেয়োন, যেন পিত্‌থিমী, সাগর বা কনঅ গাজ উগুরে বৈয়্যের্ ন-বায়।

ফগদাং পেইয়্যে 7:1 Iomraidhean Croise

যিশাইয় 11:12

তে জাদ্‌তুনোত্তে এক্কান বাবতা তুলিবো আর বিদেশত্ বানি থোইয়্যে ইস্রায়েলীয়গুনোরে এগত্তর্ গুরিবো; যিহূদার্ ছিদি পড়ি থেইয়্যে মানুচ্চুনোরে তে পিত্‌থিমীর চেরো কিত্তেত্তুন্ এগত্তর্ গুরিবো।‌‌

যিশাইয় 27:3

মুই লগেপ্রভু সিয়েনর্ দেগাশুনো গরং; মুই নিত্য সিয়েনত্ পানি দুয়োং। যেনে কনজনে সিয়েনত্ খেতি গুরি ন-পারন্ সেনত্তে দিনে-রেদে মুই সিয়েনত্ চুগি দুয়োং।

যিশাইয় 27:8

তে বিচের্ গুরিনে তারে নিগিলেই দিয়্যে, মাত্তর্ সিয়েনত্ পাওনাত্তুন্ বেশ্ সাজা দিয়্যে ন-অয়; পুগো বোইয়্যের ধোক্ক্যেন্ গুরি তা অমকদ ঝাবুদোলোই তে তারে ধাবেইনে নিগিলেই দিয়্যে।

যিরমিয় 49:36

মুই আগাজ চেরোকিত্তেত্তুন্ চেরান্ বোইয়্যের্ এলম বিরুদ্ধে আনিম। সে বোইয়্যেরত্ মুই তারারে চেরোকিত্তে ছিদি দিম; এলমর দূর্ গুরি দিয়্যে বন্দীগুনে বেক্ জাদ্‌‌‌তুনো ইধু যেবাক্।

যিহিষ্কেল 37:9

সেক্কে তে মরে কলঅ, “তুই বোইয়্যের নাঙে আগাম্ কধা কঅ; ও মান্‌‌‌‌‌জ্যর পুয়োবো, তুই এ আগাম্ কধানি কঅ, প্রভু লগেপ্রভু কোইয়্যেদে, ‘ও বোইয়্যেরান, তুই চেরোকিত্তেত্তুন্ আয় আর এই বেক্ মোজ্যন্দে মানুচ্চুনো ভিদিরে নিজেস্ দে যেনে তারা জেদা অন্।’”

যিহিষ্কেল 7:2

“ও মান্‌‌জ্যর্ পুয়োবো, ইস্রায়েল দেজ ইধু মুই প্রভু লগেপ্রভু এ কধাগান কঙর্, ‘চাহ্, শেজ্ সময়! দেজ চেরোকিত্তে শেজ্ সময়ান এচ্চ্যে!

দানিয়েল 11:4

তে উদিবার পরেদি তা রেজ্যগান ভাঙিনে চেরোকিত্তেদি চের্‌‌ভাগ ওই যেবঅ। তা রেজ্যগান তা বংশধরুনো আঢত্ ন-যেবঅ; সেই রেজ্যগান যিগুনো আঢত্ যেবঅ আগ রাজাগুনো ধোক্ক্যেন তারার্ খেমতা ন-থেবঅ, কিত্যে তারার্ রেজ্যগান ভস্ত ওইনে অন্যগুনো আঢত্ যেবঅ।

দানিয়েল 8:8

ছাগল্লো অমকদ বোলী ওই উদিলো, মাত্তর্ তে যেক্কেনে বোলী ওই উদিলো সেক্কেনে তার দাঙর্ শিঙো ভাঙি গেলঅ আর তা জাগানত্ চের্ কিত্তেদি চের্‌বো চোগোত্ পড়েদে ধোক্ক্যেন শিং উদিলাক্।

যোনা 1:4

সেক্কে লগেপ্রভু সাগরত্ এক্কান দাঙর্ বোইয়্যের্ পাধেই দিলো। সেক্কে এমন দর্‌‌‌গরেপারা এক্কান ঝড় অলঅ, জাহাজ্‌‌‌চান ভাঙি যাইদ্যে ধোক্ক্যেন অলঅ।

সখরিয় 6:1

মুই আরঅ রিনি চেইনে চেরান্ রথ দেগিলুং। সিয়েনি দ্বিবে মুড়ো সংমোধ্যেত্তুন্ নিগিলি এজের্। সেই মুড়ো দ্বিবে অলদে পিদোলর্।

সখরিয় 6:5

জোবত্ তে মরে কলঅ, “ইগুন আগাজর্ চেরান্ বোইয়্যের্; পুরো দুনিয়েগানত্ প্রভুর মুজুঙোত্ থিয়্যেই থানার্ পরেদি ইয়েনি নিগিলি এজের্।

মথি লেখ্যে গম্ হবর্ 24:31

দাঙর্ দাঙর্ গুরি তূরী বাঁজি উদিবো আর সমারে সমারে মান্‌জ্য পুয়োবো তা স্বর্গদূত্‌তুনোরে চেরোকিত্তেত্তুন্ পাধেই দিবো। সেই দূত্‌তুনে পিত্‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ তার বেঈ লোইয়্যে মানুচ্চুনোরে এক সমারে থুবেবাক্।

মার্ক 13:27

তে তার দূত্‌‌তুনোরে পাধেইনে পিত্‌‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ গোজেনর্ বেক্ বেঈ লোইয়্যে মানুচ্চুনোরে এক সমারে থুবেবাক্।

ফগদাং পেইয়্যে 20:8

তে সেক্কে যেইনে গোদা পিত্‌থিমীর জাদ্‌তুনোরে, অত্তাৎ গোগ-মাগোগরে ভুল পধেদি নেযেব আর যুদ্ধোত্যে তারারে এক সমারে এগত্তর্ গুরিবো। ইগুনে জনেদি অবাক্ দোজ্জ্যে সাগরর্ ধূল্যেচর ধোক্ক্যেন গুণি ন-পুরেইয়্যে।

ফগদাং পেইয়্যে 6:6

আর মুই সেই চের্‌বো জেদা পরাণবলাগুনোর্ সংমধ্যে কাররে কধে শুনিলুং, “এক্কো কামগুরিয়্যের্ এক দিনোর আয় বানা এক সের্ গম বা তিন সের্ কেচ্‌বিজি পাহ্ যায়। তেল আর আঙ্গুর-রচ্‌‌সান তুই বর্‌বাদ ন-গুরিচ।”

ফগদাং পেইয়্যে 7:3

“আমা গোজেন চাগরুনোর্ কবালত্ সীলমহ্‌র ন-দেনা সং পিত্‌থিমী, সাগর বা গাজ্-পালার ক্ষোতি ন-গোজ্জ্য।”

ফগদাং পেইয়্যে 8:7

পত্তম স্বর্গদূত্‌তো তা তূরীবো বাজেইলে পরেদি লো মিজেইয়্যে শিল আর আগুন পিত্‌থিমীত ফেলা অলঅ। সেক্কে তিন ভাগর এক ভাগ পিত্‌থিমী, তিন ভাগর এক ভাগ গাজ্‌-বাজ্ আর বেক্‌ য়্যেল্‌ ঘাস্‌চানি পুড়ি গেলঅ।

ফগদাং পেইয়্যে 9:14

“যে চেরজন দূত্ বড়্‌গাঙ ইউফ্রেটিস ভিদিরে বান্ন্যে আঘন্ তারারে ইরি দে।”

ফগদাং পেইয়্যে 9:4

সিগুনোরে কুয়ো অলঅ তারা যেন পিত্‌থিমীর কনঅ ঘাস বা য়্যেল্ কনঅ কিজু বা কনঅ গাজর্ ক্ষোতি ন-গরন; বানা যে মানুচ্চুনোর কবালত্ গোজেনর্ সীলমহ্‌র নেই তারারে ক্ষোতি গরন্।