ফগদাং পেইয়্যে 6:8 - Chakma Bible

⁸ সেক্কে মুই এক্কো য়্যেল্ রঙর্ ঘোড়া দেগিলুং। যিবে সেই ঘোড়াবো উগুরে বৈ এলঅ তা নাঙান্ মরণ; আর মরণর্ জাগায়ান ঠিগ্ তা পিজে পিজে আদের্। পিত্‌থিমীর চের্ ভাগর এক ভাগ উগুরে তারারে খেমতা দিয়্যে অলঅ, যেন তারা ছুরি, ভাদরাদ্, মরণ আর পিত্‌থিমীর ঝার্‌বো য়েমান্দোই মানুচ্চুনোরে মারে ফেলান।

ফগদাং পেইয়্যে 6:8 Iomraidhean Croise

গম্ উপদেজ্ 5:5

তা পথ্‌তান মরণ জাগাত্ লাম্মেগোই, সিয়েন উজু গুরি যেইয়্যে মরণ জাগান ইন্দি।

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

যিরমিয় 14:12

তারা যুনিয়ো বা উবোস থান্ তো তারার কানানিগানি মুই ন-শুনিম; পুজ্যে- উৎসর্ব আর শোজ্য-উৎসর্বর অনুষ্ঠান গুরিলেয়ো মুই সিয়েনি গুজি ন-লোম। সিয়েনর বদলে যুদ্ধো, ভাদরাত্ আর পীড়ে ভানালোই মুই তারারে ভস্ত গুরিম।”

যিরমিয় 16:16

“মাত্তর্ ইক্কিনে মুই বোউত্ জাল্যেরে ডাগিনে পাদেম্ আর তারা তারার মাছ ধোক্ক্যেন ধুরিবাক্। সে পরেদি মুই বোউত্ শিগেরিরে ডাগিনে পাদেম্ আর তারা পত্তিজনে দাঙর্ আর চিগোন মুড়ো আর পাত্তর ফাদাত্তুন্ তারা শিগের্ গুরি আনিবাক্।

যিরমিয় 24:10

মুই তারারে আর তারার পুরোণি মানুচ্চুনোরে যে দেজ্‌‌চান দুয়োং সে দেজত্ যেদক্ ভিলোন সং তারা এক্কুবারে ভস্ত ওই ন-যান সেদক্ ভিলোন সং মুই তারা ভিদিরে যুদ্ধো, ভাদরাত আর ভানা পাদেম্।”

যিরমিয় 29:17

মুই বেগত্তুন খেমতাবলা লগেপ্রভু তারা বিরুদ্ধে যুদ্ধো, ভাদরাত্ আর ভানা পাধেই দিম্ আর মুই তারারে এমন বজং ডোমোর ধোক্ক্যেন গুরিম যিগুন পজা বিলিনে হা ন-যায়।

যিরমিয় 43:11

তে এইনে মিসরান আক্রমণ গুরিবো আর যিগুনে মরণত্তে ঠিগ্ ওই আগন তারার মরণ অবঅ, যিগুনে বন্দী অবাত্তে ঠিগ্ ওই আগন্ তারা বন্দী অবাক্ আর যিগুনে তলোয়ারত্তে ঠিগ্ ওই আগন্ তারা যুদ্ধোত্ মুরিবাক্।

যিহিষ্কেল 29:5

মুই তরে আর তর্ গাঙানর্ বেক মাছচুনোরে ধূল্যেচর-চাগালাত্ ফেলেই রাগেম। তুই খুলো মাদত্ পড়ি থেবে আর তরে তুলিনে গোর্ দিয়্যে ন-অবঅ। মুই হানা ইজেবে তরে ঝার্‌‌‌‌‌‌‌‌‌‌‌‌‌‌‌বো য়েমান আর আগাজ পেখ্‌‌‌‌‌‌‌‌‌‌‌‌‌‌‌কুনোরে দিম।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

হবক্‌‌‌‌কূক 2:5

বাড়্‌বো গোজ্যে বাবিলান লগে আংগুর-রস্‌‌‌চানে বেঈমানী গোজ্যে, তারে থির্ নেইয়্যে গুরি তুল্যে। তে মরন জাগান ধোক্ক্যেন লুভী আর মরনান ধোক্ক্যেন কনদিন্‌অ ঈল্ ন-অয়; তে বেক্ জাদরে নিজো ইধু এগত্তর্ গরে আর তারারে বন্দী গুরিনে নেযায়।

সখরিয় 6:3

তিন লম্বর্ রথ্‌তানত্ এলাক্ বেক্ ধুব্ রঙর্ ঘোড়াগুন আর চের্ লম্বরত্ এলাক্ বেক্ চিদিরে-বদরা রঙর্ ঘোড়াগুন; বেক্ ঘোড়াগুন বোলী এলাক্।

মথি লেখ্যে গম্ হবর্ 11:23

আর তুই কফরনাহূম! তুই নাকি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ। যেদক্কানি আমক্ অবার্ কাম্ তঅ ভিদিরে গরা ওইয়্যে সিয়েনি যুনি সদোম শঅরত্ গরা অদঅ সালে সদোমান্ এজঅ ঠিগি থেদঅ।

মথি লেখ্যে গম্ হবর্ 24:7

এক জাদে অন্য জাদর্ বিরুদ্ধে আর এক রেজ্য অন্য রেজ্যর্ বিরুদ্ধে যুদ্ধো গুরিবো। পত্তি জাগাত্ ভাদরাত্ আর ভূজোল্ অবঅ।

১ করিন্হীয় 15:55

“মরণান্, তর্ জিদেনা কুদু? মরণান্, তর্ কামাড়ানাগান্ কুদু?”

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

ফগদাং পেইয়্যে 12:4

তা লেজ্‌চান্দোই তে আগাজর্ তিন ভাগর্ এক ভাগ তারা টানি আনিনে পিত্‌থিমীত্ লুঙি মারি দিলো। যে মিলেবোর পুয়ো অদ যার্ দানপ্পো তা মুজুঙোত্ থিয়্যেই এলঅ যেন পুয়োবোর জর্ম অলে তে হেই ফেলেই পারে।

ফগদাং পেইয়্যে 9:15

সেক্কে সেই চেরজন দূতোরে ইরি দিয়্যে অলঅ। এই বজরর্ এই মাস, এই দিন্নোত্ আর এ ঘন্টাবোত্যে সেই দুত্‌তুনোরে যুক্কোল্ গুরি থুয়ো ওইয়্যে যেন তারা তিন ভাগর এক ভাগ মান্‌জ্যরে মারে ফেলান।

ফগদাং পেইয়্যে 9:18

আগুন, ধূমো আর গন্ধক-এই তিনেন্ আঘাত্‌তোই তিন ভাগর্ এক ভাগ মান্‌জ্যরে মারে ফেলা অলঅ।