ফগদাং পেইয়্যে 6:17 - Chakma Bible

¹⁷ কারন তারার্ রাগ ফগদাঙর্ সেই দাঙর্ দিন্নো লুম্মেগি, আর কন্না তা মুজুঙোত্ থিয়্যেই থেই পারে?”

ফগদাং পেইয়্যে 6:17 Iomraidhean Croise

গীতসংহিতা 110:5

প্রভু তঅ ডেন্ ডাগেন্দি আঘে; তার্ রাগ উদিলে তে রাজাগুনোরে শেজ্ গুরি ফেলেব।

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 76:7

তুই, তুই অমকদ দর্‌গরেপারা; তঅ রাগ্‌কান উদিলে কন্না তঅ মুজুঙোত্ থিয়্যেই পারে?

যিশাইয় 63:4

ইক্কিনে উদ্ধোর্ গুরিবার অক্ত এচ্চ্যে; সেনত্তে মুই হেনা সুজিবার যে অক্তবো ঠিগ্ গোজ্যং সিবেয়ো এচ্চ্যে।

যিরমিয় 30:7

হায়, সে দিন্নো কি দর্‌গরেপারা! সেবাবোত্যে আর কনদিন্‌অ ন-অবঅ। সেক্কে অবঅ যাকোবর্ দুঘোর্ সময়, মাত্তর্ সিয়োত্তুন তারে উদ্ধোর্ গরা অবঅ।‍‍

যোয়েল 1:15

হায়, কি দর্‌‌‌গরেপারা দিন! কিত্যে লগেপ্রভুর দিন কায়কুরে লুম্মেগি; ভস্তগুরিয়্যে দিন ইজেবে সেই দিন্নো বেগত্তুন্ খেমতাবলা গোজেন ইত্তুন্ এজের্।

যোয়েল 2:1

তুমি সিয়োনত্ তূরী বাজঅ, বাজঅ দযার্-সংকেত মঅ সুদ্ধো-সাংগ মুড়োবোত্। দেজত্ বজত্তি গুরিয়্যে বেক্কুনে গির্‌গিরাদোক্, কিত্যে লগেপ্রভুর্ দিন্নো এজের্; সেদিন্নো কায়কুরে লুম্মেগি।

যোয়েল 2:11

লগেপ্রভু তা সৈন্যদলর্ আগে আগে থেইনে রঅ ছাড়িনে তা মুয়োর্ রবো শুনোই; তা সৈন্যদলর সোংখ্যে গুণো ন-যায় আর যিগুনে তা উগুমান পালান্ তারা খেমতাবলা। লগেপ্রভুর দিন্নো মহৎ আর দর্‌গরেপারা; কন্না সিবে সোজ্য গুরি পারে?

যোয়েল 2:31

লগেপ্রভুর সেই মহৎ আর দর্‌‌গরেপারা দিনুন এবার্ আগেদি বেলান্ আন্ধার্ ওই যেবঅ আর চানান্ লো ধোক্ক্যেন অবঅ।

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

মালাখি 3:2

মাত্তর্ তার এবার্ দিন্নো কনজনে সোজ্য গুরি ন-পারিবাক্; তে আজিল্ অলে কনজনে থিয়্যেই থেই ন-পারিবাক্; কিত্যে তে অবদে রূবো যাচাই গুরিবার আগুন বা ধোপাগুনো সাগোন ধোক্ক্যেন।

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

যিহূদা 1:6

ইয়েনবাদে যে স্বর্গদূত্‌তুনে নিজোর্ অধিকারান রোক্ষ্যে ন-গুরিনে নিজোর্ জাগায়ানি ফেলেই যেইয়োন তারার কধানি ইদোত্ তুলো। সেই দাঙর্ দিন্নোর্ বিচেরর্ আজায় গোজেনে তারারে উমরত্যে আন্ধারত্ বানি থোয়্যে।

ফগদাং পেইয়্যে 11:18

বেক্‌ জাদ্‌তুনে রাগ গোজ্জ্যন্, আর তর্ রাগ ফগদাং গুরিবার সময় ওইয়্যে। মরাগুনোরে বিচের্ গুরিবার সময় এচ্চ্যে, আর তর্ চাগরুনোর্, অত্তাৎ ভাববাদীগুনোর আর তঅ মানুচ্চুনোর আর চিগোন-দাঙর্ যিগুনে তরে ভোক্তি গরন্ তারারে বক্‌শিজ্ দিবার সময় এচ্চ্যে। ইয়েনিবাদে যিগুনে পিত্‌থিমীর ক্ষোতি গোজ্জ্যন্, সিগুনোরে ভস্ত গুরিবার সময় এচ্চ্যে।”

ফগদাং পেইয়্যে 16:14

সেই ভান্ন্যেই আত্মাগুনে আমক্ আমক্ কাম গত্তন্। বেগত্তুন্ খেমতাবলা সেই গোজেনর দাঙর্ দিনোত্ যুদ্ধো গুরিবাত্যে তারা সারা জগদর্ রাজাগুনোরে এগত্তর্ গুরিলাক্।

১ শমূয়েল 6:20

তারা কলাক্, “এই পবিত্র গোজেন লগেপ্রভুর মুজুঙোত্‌ কন্না টিগিই থেই পারিবো? ইয়োত্তুন ইক্কিনে তারে কাইদু পাদা যায়?”