ফগদাং পেইয়্যে 6:14 - Chakma Bible

¹⁴ ভাজ্ গুরি থোইয়্যে কাগোজ ধোক্ক্যেন আগাজ্‌চান ভাজ্ ওই গেলঅ; আর পত্তি মোন্‌মুড়ো আর দ্বীপ নিজোর্ নিজোর্ জাগানত্তুন্ সরি গেলাক্।

ফগদাং পেইয়্যে 6:14 Iomraidhean Croise

গীতসংহিতা 102:26

সিয়েনি ভস্ত ওই যেবঅ, মাত্তর্ তুই জিংকানিবর্ থেবে। কাবড় ধোক্ক্যেন সিয়েনি পূরোণ ওই যেবঅ; সিয়েনি তুই কাবড় ধোক্ক্যেন বুদুলি দিবে, আর সিয়নি ফেলেই দিয়্যে পুরিবো।

যিশাইয় 34:4

আগাজর্ বেলান-চানান্-তারাগুন্ ভস্ত ওই যেবাক্ আর আগাজ্‌ছান বুদি থোইয়্যে কাবোজ্ ধোক্ক্যেন বুদি যেবঅ। যেবাবোত্যেগুরি আংগুর লুদি আর ডোমোর্ গাজত্তুন্ শুগুনো পাদানি পড়ি যায় সেধোক্ক্যেন্ গুরি বেক্ তারাগুন্ পড়িবাক্।

যিশাইয় 54:10

যুনিয়ো বা মুড়োমুড়িগুন্ সুরি যান্ আর মুড়োগুন গুলি যান্, তো তত্তে মর্ অমকদ কোচ্‌পানাগান সুরি ন-যেবঅ বা মর্ সুগ্-শান্দির সুদোমান ন-লুরিবো‍‌।” তঅ উগুরে যিবের্ দোয়্যে-মেয়্যে আঘে সেই লগেপ্রভু এ কধাগান কত্তে।

যিরমিয় 3:23

ঘেচ্চেকগুরি মুড়ো-মুড়িগুনো উগুরে পূজোর রঅ রঅ ছঅ ছঅ ছলনা বাদে আর কিচ্চু নয়। ঘেচ্চেকগুরি আমা গোজেন লগেপ্রভুর ভিদিরে আগেদে ইস্রায়েলর উদ্ধোর্।

যিরমিয় 51:25

লগেপ্রভু কোইয়্যেদে, ও ভস্তগুরিয়্যে মুড়ো, তুই বেক্ পিত্‌‌‌থিমীগানর ভস্তগুরিয়্যে; মুই তঅ বিরুদ্ধে। মঅ আঢ্‌তান মুই তঅ বিরুদ্ধে বাবেইনে অজল্ মুড়োত্তুন্ তরে গোজ্যেই দিম আর তরে এক্কো পুড়ি যেইয়্যে মুড়ো বানেম্।

যিহিষ্কেল 38:20

সেক্কে সাগরর্ মাছ, আগাজ পেখ্, ঝার য়েমান, মাদি উগুরে পত্তি বুগেদি-আঢি বেড়েয়্যে প্রাণি আর পিত্‌‌‌‌‌‌থীমির বেক্ মানুচ্চুন মঅ মুজুঙোত্ গির্‌‌‌‌‌‌গিরেবাক্। দাঙর্ দাঙর্ মুড়োগুন উল্যে যেবাক্, অজল্ মুড়োগুন দেঙ্ ভাঙি পড়িবাক্ আর বেক্ দেবালানি মাদিত্ পড়ি যেবাক্।

নহূম 1:5

দাঙর্ দাঙর্ মুড়োগুন তা মুজুঙোত্ গির্‌‌‌‌গিরান আর চিগোন চিগোন মুড়োগুন গলি যান। তে আজিল্ অলে পিত্‌‌‌‌থিমীগান আর সিয়েন ভিদিরে বজত্তিগুরিয়্যেগুন বেক্কুনে গির্‌‌‌‌গিরান।

হবক্‌‌‌‌কূক 3:10

মুড়ো-মুড়িগুন তরে দেগিনে গির্‌গিরে উদিলাক্। অমকদ পানি গঙার্ বেঈ গেলঅ; গভীন্ পানিগানে গুজুরি উদিলো আর তার্ তুবোলুন্ উগুরে তুলিলো।

হবক্‌‌‌‌কূক 3:6

তে থিয়্যেইনে পিত্‌থিমীগানরে লাড়ার্; তে রিনি চেইনে জাদ্‌তুনোরে গির্‌গিরে তুলের্। পুরোণি দিনোর্ মুড়ো-মুড়িগুন কট্টা কট্টা ওই যাদন্ আর পুরোণি যুগোর্ মুড়োগুন ভাঙি পত্তন্। উমর কালত্তুন্ ধুরি তা পথ্‌তানর কনঅ পরিবত্তন্ নেই।

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

ফগদাং পেইয়্যে 16:20

সেক্কে এক এক্কো দ্বীপ ধেই গেলাক্ আর মূড়োগুন আর দেগা ন-গেলঅ।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।

ফগদাং পেইয়্যে 21:1

সে পরেদি মুই এক্কান নুয়ো স্বর্গ আর এক্কান নুয়ো পিত্‌থিমী দেগিলুং। পত্তম স্বর্গগান আর পত্তম পিত্‌থিমীগান থুম্ ওই যেয়্যে আর সাগরান্‌অ আর দেগা ন-গেলঅ।