ফগদাং পেইয়্যে 6:11 - Chakma Bible

¹¹ সেক্কে তারারে পত্তিজনরে এক্কান গুরি ধূব্ পোজাক্ দিয়্যে অলঅ আর কুয়ো অলঅ, তারার সমাজ্জ্যে আর ভেইয়ুনোরে, যিগুনোরে তারা ধোক্ক্যেন গুরি মারে ফেলা অবঅ তারা জনেদি ন-পুরোনা সং তারা যেন আরঅ কিজু কাল বাজ্জ্যেই থান্।

ফগদাং পেইয়্যে 6:11 Iomraidhean Croise

দানিয়েল 12:13

“মাত্তর্ তুই ইক্কিনে যেবাবোত্যে আগচ্ মরণ সং সেবাবোত্যে থাগ্। সে পরেদি তুই জিরেন্ পেবে আর শেজ্‌কালত্ তুই তঅ বক্‌‌‌‌‌‌‌‌শিজচান পেবাত্তে বাঁজি উদিবে।”

মথি লেখ্যে গম্ হবর্ 10:21

ভেই ভেইয়োরে আর বাবে পুয়োরে মারে ফেলেবাত্তে ধুরি দিবো। পুয়ো-ছাগুনে মা-বাব বিরুদ্ধে থিয়্যেইনে তারারে খুন্ গোরেবাক্।

লূকে লেখ্যে গম্ হবর্ 15:22

মাত্তর্ তা বাবে তা চাগরুনোরে কলঅ, যাদিমাদি গুরি বেগত্তুন্ গম্ সুলুম্মো আনিনে তারে উরে দো। তা আঢত্ আন্দিক্ আর ঠেঙত্ জদা পিনেই দুয়ো,

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

২ থিষলনীকীয় 1:7

আর তুমি যিগুনে দুঘ্ পর্ তে আমা সমারে তমারেয়ো রেহাই দিবো। যেক্কে প্রভু যীশু তার্ খেমতাবলা স্বর্গদূত্‌তুনোরে নিইনে জ্বোল্‌জোল্যে আগুনো ভিদিরে স্বর্গত্তুন ফগদাং অবঅ সেক্কেনে ইয়েনি বেক্কানি অবঅ। যিগুনে গোজেনরে ন-জানন্ আর যিগুনে প্রভু যীশু পৌইদ্যেনে গম হবরর্ কধানি ন-মানন্ তারারে তে সেক্কে সাজা দিবো।

২ তীমথিয় 4:7

খ্রীষ্টর্ পক্ষে মুই মনে-পরাণে যুদ্ধ গোজ্জ্যং, মত্যে ঠিগ্ গোজ্জ্যে পধ্‌তানর্ থুম্ সং ধাবা দুয়োং আর খ্রীষ্টীয় ধর্ম-বিশ্বেজ্‌চানরে ধুরি রাগেয়োং।

ইব্রীয় 11:40

কিয়া গোজেনে আমাত্যে আরঅ গম্ কিজু ঠিগ্ গুরি থোইয়্যে। তে ঠিগ্ গোজ্জ্যেদে যে, আমারে বাদ্ দিইনে তারারে পূর্ণতাগান দান গরা ন-অবঅ।

ইব্রীয় 12:23

পত্তম পুয়োর্ অধিকার পেইয়্যে মানুচ্‌ ইজেবে যিগুনোর্ নাঙানি স্বর্গত্ লেগা আঘে তারারে দিইনে বানেয়্যে মন্ডলী ইধু এচ্চ্য; যিবে বেক্‌ মানুচ্চুনোর্ বিচেরক্ সেই গোজেন ইধু এচ্চ্য; যিদুক্কুন মান্‌জ্যে পরিপূরোণান্ পেইয়োন সেই বেক্ নিদ্দুজি মানুচ্চুনোর্ আত্মার্ ইধু এচ্চ্য;

ইব্রীয় 4:10

কিয়া গোজেনে যেধোক্ক্যেন গুরি তার্ সৃট্টির কামানি থুম্ গুরিনে জিরেয়্যে ঠিগ্ সেধোক্ক্যেন গুরি যে মানুচ্চো গোজেনর দিয়্যে জিরেবার জাগানত্ যায়, তেয়ো তা কামত্তুন্ জিরেন পায়।

ফগদাং পেইয়্যে 10:6

যিবে উমর সং জেদা আঘে আর আগাজ্, পিত্‌থিমী, দোজ্জ্যে সাগর আর সিয়েনি ভিদিরে যিয়েনি আঘে সিয়েনি সৃট্টি গোজ্জ্যে, তা নাঙে শমক্ খেইনে সেই স্বর্গদূত্‌তো কলঅ, “আর দেরি ন-অবঅ।

ফগদাং পেইয়্যে 13:15

সেই মূর্ত্তিবোরে পরাণ দিবার্ খেমতায়ো তারে দিয়্যে অলঅ, যেনে সেই মূত্তিবো কধা কোই পারে আর যিগুনে সেই মূত্তিবোরে গোজেনর্ সর্মান দিইনে সালাম ন-গুরিবাক্ তারারে মারে ফেলেই পারে।

ফগদাং পেইয়্যে 14:13

সে পরেদি মুই একজনরে স্বর্গত্তুন্ কধে শুনিলুং, “এ কধাগান লেগ-ইক্কেত্তুন্ ধুরি যিগুনে প্রভু সমারে মিজেইনে মুরিবাক্ তারা বর্‌পেইয়্যে।” পবিত্র আত্মাগানে এ কধাগান কত্তে, “অয় তারা বর্‌পেইয়্যে। তারার্ কামত্তুন্ তারা জিরেন পেবাক্, কিয়া তারার্ কামর ফল তারা সমারে থেবঅ।”

ফগদাং পেইয়্যে 17:6

মুই দেগিলুং, সেই মিলেবো গোজেন মানুচ্চুনোর্ লো আর যিগুনে যীশুর্ পৌইদ্যেনে সাক্ষ্য দুয়োন সিগুনোর্ লো হেইনে মাত্তল্ ওই আঘে।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।

ফগদাং পেইয়্যে 7:9

ইয়েনর্ পরেদি মুই পত্তি জাত্, গুট্টি, দেশ আর ভাষা ভিদিরেত্তুন্ এদক্ মান্‌জ্যর ভিড় দেগিলুং, তারারে কেঅ গুণি ন-পারিলাক্। ধুব্ কাবড় উরিনে তারা সেই সিংহাসন আর ভেড়া-ছবুয়ো মুজুঙোত্ খাজোর্ পাদা আঢত্ গুরিনে থিয়্যেই এলাক্।