ফগদাং পেইয়্যে 5:9 - Chakma Bible9 তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্। Faic an caibideil |
ফগদাং পেইয়্যে 5:9
41 Iomraidhean Croise
তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।
মাত্তর্ ইস্রায়েলীয়গুনো ভিদিরে যেধোক্ক্যেন ফক্কর্ ভাববাদী এলাক্ সেধোক্ক্যেন তমা ভিদিরেয়ো ফক্কর্ মাষ্টর থেবাক্। তারা চুবেচুবে এন্ ভুল শিক্ষ্যে আনিবাক্ যিয়েনি মান্জ্যরে ভস্ত গুরি দিবো; এন্ কি, যিবে তারারে কিন্ন্যে সেই প্রভুরেয়ো তারা অস্বীগের্ গুরিবাক্। এবাবোত্যে গুরি তারা যাদিমাদি নিজো উগুরে ভস্ত অনাগান ডাগি আনিবাক্।
চের্বো জেদা প্রাণী আর নেতাগুনো সংমধ্যে যে সিংহাসনান্ এলঅ সিয়েন উগুরে এক্কো ভেড়া-ছরে মুই থিয়্যেই থাগদে দেগিলুং। মর্ মনে অত্তে যেন সেই ভেড়া-ছবোরে মারে ফেলা ওইয়্যে। সেই ভেড়া-ছবোর্ সাত্টো শিং আর সাত্টো চোগ্ এলাক্। গোজেনর্ যে সাত্টান আত্মারে পিত্থিমীর বেক্ জাগানিত্ দিপাধা অয় এই চোগ্কুন এলাক্ সেই সাত্টান আত্মা।
Sanasan