ফগদাং পেইয়্যে 5:5 - Chakma Bible

⁵ যেরেদি নেতাগুনোত্তুন্ একজনে মরে কলঅ, “ন-কানিচ্। যিহূদা গুট্টির সিংহ, যিবে দায়ূদো গুট্টি, তে জিত্যে। তেয়ই সেই সাত্‌টো সীলমহ্‌র ভাঙিনে বোইবো মেলি পারে।”

ফগদাং পেইয়্যে 5:5 Iomraidhean Croise

১ রাজাবলী 10:20

সে ছগান পোইদ্যের্‌ এক এক্কানর দ্বিকিত্তেন্দি ইক্কো গুরি বেক্কুনে বারবো সিংহমূত্তি এলঅ। অন্য কনঅ রেজ্যত্‌ এবাবোত্যে সিংহাসন কনদিন্‌অ ন-বানান্‌।

২ বংশধর 9:18

সে সিংহাসন সিড়িগানর ছঅগান পোইদ্যে এলঅ আর তা লগে লাগেয়্যে এলদে টেঙ্‌ রাগেবার্‌ এক্কান্‌ সোনার্‌ আসন। বুজিবার্‌ জাগানর্‌ দ্বিকিত্তেন্দি আঢ্‌ থবার্‌ এলঅ আর আঢ্‌তানি থবার্‌ ডাগেন্দি এলদে থিয়্যেই রোইয়্যে সিংহমূত্তি।

ইয়োব 41:15

তার্ পিদ্‌তান আশ্‌ছানি ঢাল সুরো ধোক্ক্যেন; সিয়েনি দরমর গুরি একসমারে আকসোয়ে

যিশাইয় 11:1

যিশয়র গড়াত্তুন্ এক্কো নূয়ো চারা নিগিলিবো; তা শিঙোরর্ সেই চারাবোত্ গুলোগুলি ধুরিবাক্।

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিরমিয় 31:16

তর্ কানাকুদিগান থামা আর চোগো পানিগান পুয্, কিত্তে তঅ কামর্ বক্‌শিজ্‌চান তুই পেবে। তারা শত্রুগুনো দেজত্তুন ফিরি এবাক্।‍‌

দানিয়েল 7:16

যিগুনে সিয়েনত্ থিয়্যেই এলাক্ মুই তারার্ একজন ইধু উজেই যেইনে এ বেক্কানির্ ভেদ্‌‌তান্ পুযোর্ গুরিলুং। সেক্কে তে মরে এ কধাগান কোইনে সেই বেক্কানির ভেদ্‌তান্ বুঝেই দিলো,

গণাণা 24:9

সিংহ আর সিংহী ধোক্ক্যেন তারা বেজা মারিবাক্ আর মাদিত্‌ পড়িবাক্‌, সেক্কে কন্না তারারে জাগেবাত্তে সাহস গুরিবো? যিগুনে তমারে আশিদ্‌বাদ গরন্‌ তারা উগুরেয়ো সেধোক্ক্যেন আশিদ্‌বাদ পোরোক; আর যিগুনে অভিশাব্ দুয়োন, তারা উগুরেয়ো সেধোক্ক্যেন অভিশাব্ পোড়োক।”

লূকে লেখ্যে গম্ হবর্ 23:28

যীশু তারা ইন্দি ফিরিনে কলঅ, “যিরূশালেমর্ মিলেগুন, মত্যে ন-কান্ন্য । তমা নিজোত্যে আর তমা পুয়ো-ছাগুনোত্যে কানঅ,

লূকে লেখ্যে গম্ হবর্ 7:13

সেই রানী মিলেবোরে দেগিনে প্রভু চিত্ পুরিনে কলঅ, “আর ন-কানিচ্।”

লূকে লেখ্যে গম্ হবর্ 8:52

বেক্কুনে মিলেবোত্তে কানাকুদি আর আবিলেচ্ গত্তন্। সেক্কে যীশু কলঅ, “আর ন-কান্ন্য। মিলেবো মুরি ন-যায়, ঘুম্ যাত্তে।”

যোহন 20:13

তারা মরিয়মরে কলাক্, “কিত্ত্যেই কানর্?” মরিয়মে তারারে কলঅ, “মানুচ্চুনে মঅ প্রভুরে নেযেয়োন আর তারে কুধু থোইয়োন্ কোই ন-পারং।”

রোমীয় 1:3

সেই গম্ হবরান্ অলঅ তার্ পুয়োবো পৌইদ্যেনে। সেই পুয়োবো যীশু খ্রীষ্ট, আমার্ গিরোজ্। কিয়্যেগানদি তে রাজা দায়ূদোর গুট্টি এলঅ, আর তার্ পাপ-নেইয়্যে আত্মাগান ইন্দিত্তুন্ তে দাঙর্ খেমতালোই মরণত্তুন্ জেদা ওইনে গোজেনর্ পুয়ো ইজেবে ফগদাং ওইয়্যে।

রোমীয় 15:12

আরঅ যিশাইয় কোইয়্যেদে, যিবে যিশয়র গড়াগান্ তে এবঅ, বেক্ জাদ্‌তুনোরে শাসন গুরিবাত্তে তে থিয়্যেব। তা উগুরে বেক্ জাদর্ মানুচ্চুনোরে আজা রাগেব।

ইব্রীয় 7:14

ইয়েন সাব্ কধা যে, আমা প্রভু যিহূদার বংশত্তুন্ এচ্চ্যে। এই বংশত্তুন্ কনঅ মানুচ্‌ যে ধর্মগুরু অবঅ সে কধাগান মোশি কনদিন্‌অ ন-কয়।

ফগদাং পেইয়্যে 1:1

এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।

ফগদাং পেইয়্যে 22:16

“মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।

ফগদাং পেইয়্যে 4:10

সেক্কে সেই চব্বিচ্‌জন নেতা সিংহাসনর অধিকারী, অত্তাৎ যিবে উমরত্যে জেদা আঘে তারে মাঢা নিগুরিনে সালাম গরন্। এই নেতাগুনে সেক্কে সেই সিংহাসনান মুজুঙোত্ তারার মুকুট্‌তুন খুলি থোইনে কদন্দে,

ফগদাং পেইয়্যে 4:4

সেই সিংহাসনানর চেরোকিত্যেদি আরঅ চব্বিচ্চান সিংহাসন এলঅ, আর সেই সিংহাসনানিত্ চব্বিচ্‌জন নেতা বৈ এলাক্। তারার পোজাগ্‌কানি এলঅ ধুব্ আর তারার মাঢাত্ সনার মুকুট এলঅ।

ফগদাং পেইয়্যে 5:4

সেক্কেনে মুই ভারী কানা ধল্লুং, কিয়া এন্‌ কাররে পাহ্ ন-গেল যে সেই বোইবো মেলিবার বা চেবার যোগ্য।

ফগদাং পেইয়্যে 6:1

ভেড়া-ছবো যেক্কে সেই সাত্‌টো সীলমহ্‌‌রর পত্তম্মো ভাঙের্ সেক্কে মুই রিনি চেলুং; আর মুই সেই চের্‌বো জেদা প্রাণী ভিদিরে এক্কোরে দেবা পেরাগ পড়েদে ধোক্ক্যেন আবাজ রলোই কধা কধে শুনিলুং, “আয়।” সেক্কে মুই এক্কো ধুব্ ঘোড়া দেগিলুং।

ফগদাং পেইয়্যে 7:13

সেক্কে এক্কো নেতা মরে কলঅ, “ধুব্ কাবড় উজ্জ্যে এ মানুচ্চুন কন্না? আর কুত্তুনই বা ইগুনে এচ্চ্যন্?”