ফগদাং পেইয়্যে 5:13 - Chakma Bible

¹³ সে পরেদি স্বর্গত্, পিত্‌থিমীত্, পিত্‌থিমীর মূঢ়োত্ আর সাগরত্ যিদুক্কুন পরাণবলা আঘন, এন্‌ কি, সিগুনো ভিদিরে আর যিগুনে আঘন বেক্কুনোরে মুই এ কধাগান কধে শুনিলুং: “সিংহাসন উগুরে যিবে বৈ আঘে তার্ আর সেই ভেড়া-ছবোরে নাঙ্ গিনেনা, সর্মান, বাঈনী গরানা আর খেমতা উমরত্যে থোক্।”

ফগদাং পেইয়্যে 5:13 Iomraidhean Croise

১ বংশধর 29:11

ও লগেপ্রভু, মহিমা, খেমতা, সয়-সাগোজ্যে, জিদেনা আর বাঈনী পানা তর্‌, কিত্তে স্বর্গর আর পিত্‌থিমীর বেক্কানি তর্‌। ও লগেপ্রভু, তুয়ই বেক্কানি উগুরে রাজাগিরি গরর্‌; তর্‌ জাগায়ান্‌ বেক্কানি উগুরে।

যিশাইয় 24:14

তারা রঅ ছাড়িবাক্ আর হুজিয়ে গান গেবাক্। তারা পোজিমেত্তুন্ দাঙর্ দাঙর্ গুরি লগেপ্রভুর মহিমাগানর্ বাঈনী গুরিবাক্।

যিশাইয় 42:10

ও সাগরত্ আঢাউদো গোজ্যেগুন্, সাগর ভিদিরে বেক্ প্রাণিগুন, ও দূরোর্ দেজ্‌ছানি আর সিয়েন ভিদিরে আদাম্মেগুন্,‌‍‍‍ তুমি বেক্কুনে লগেপ্রভুর্ নাঙে এক্কো নূয়ো গীদ্ গঅ, পিত্‌‌থিমীর শেজ্ ধুজিত্তুন্ তার নাঙ্ গিনেদে গীদ্ গঅ।

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

লূকে লেখ্যে গম্ হবর্ 2:14

“স্বর্গত্ গোজেনরে বাঈনী গরা ওক্, পিত্‌থিমীত্ যিগুনো উগুরে তে হুজি তারার্ শান্তি ওক্।”

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

রোমীয় 11:36

বেক্কানি দঅ তাত্তুন্ আর তা মাধ্যমে এজে আর বেক্কানি তা নাঙে। উমরত্তে তার্ বাঈনী ওক্। আমেন।

রোমীয় 16:27

তে বানা এক্কো গোজেন, তেয়ই জ্ঞানী। যীশু খ্রীষ্টর্ মাধ্যমে উমরত্তে তার্ বাঈনী ওক্। আমেন।

রোমীয় 9:5

গোজেনর্ দাঙর্ ভক্তগুনে তারার্ পুরোণি মানুচ্ এলাক্ আর মানুচ্ ইজেবে মশীহ তারা গুট্টিত্ জোর্মেয়্যে। তেয়ই গোজেন, যিবে বেক্কুনো উগুরে; বেক্ বাঈনীগান্ তার্। আমেন।

ইফিষীয় 3:21

খ্রীষ্ট যীশুর্ মাধ্যমে আর মন্ডলীর্ মাধ্যমে বংশর্ পর বংশ ধুরি উমরত্যে গোজেনর্ বাঈনী ওক্। আমেন।

ফিলিপীয় 2:10

যেন স্বর্গত, পিত্‌থিমীত আর পিত্‌থিমীর মূঢ়োত্ যিগুনে আঘন্ সিগুনে বেক্কুনে যীশুর্ মুজুঙোত্ আঢু পাদিবাক্,

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

১ তীমথিয় 4:16

তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।

১ পিতর 5:11

তার খেমতাগান্ উমরত্যে থোক্। আমেন।

ফগদাং পেইয়্যে 1:6

তে আমারে নিইনে এক্কান রেজ্য বানেয়্যে আর তার বাব আর গোজেনর্ সেবাত্যে ধর্মগুরু বানেয়্যে। উমরত্যে যীশু খ্রীষ্টর নাঙে বাঈনী ওক্‌ আর উমরত্যে তা খেমতাগান থোক্। আমেন।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।

ফগদাং পেইয়্যে 5:1

যিবে সেই সিংহাসনান উগুরে বৈ এলঅ তার্ ডেন্ আঢত্ মুই এক্কো বোই দেগিলুং। বোইবো ভিদিরে আর বারেদি লেগা এলঅ আর সাত্‌টো মহ্‌রলোই সীলমাজ্জ্যে এলঅ।

ফগদাং পেইয়্যে 5:12

তারা জোরে জোরে এ কধাগান কদন্: “যে ভেড়া-ছবোরে মারে ফেলা ওইয়্যে, তেয়ই খেমতা, ধন, জ্ঞান, বল্, সম্মান, বাঈনী আর নাঙ্ গিনে হেবার যোগ্য।”

ফগদাং পেইয়্যে 5:3

মাত্তর্ স্বর্গত বা পিত্‌থিমীত বা পিত্‌থিমীর মূঢ়োত্ কেঅ সেই বোইবো মেলি ন-পারিলাক্, ভিদিরে চেইয়ো ন-পারিলাক্।

ফগদাং পেইয়্যে 5:6

চের্‌বো জেদা প্রাণী আর নেতাগুনো সংমধ্যে যে সিংহাসনান্ এলঅ সিয়েন উগুরে এক্কো ভেড়া-ছরে মুই থিয়্যেই থাগদে দেগিলুং। মর্ মনে অত্তে যেন সেই ভেড়া-ছবোরে মারে ফেলা ওইয়্যে। সেই ভেড়া-ছবোর্ সাত্‌টো শিং আর সাত্‌টো চোগ্ এলাক্। গোজেনর্ যে সাত্‌টান আত্মারে পিত্‌থিমীর বেক্‌ জাগানিত্ দিপাধা অয় এই চোগ্‌কুন এলাক্ সেই সাত্‌টান আত্মা।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।

ফগদাং পেইয়্যে 6:16

তারা মোন্‌মুড়ো আর পাত্তরুনোরে কলাক্, “আমা উগুরে পড় আর যিবে সেই সিংহাসন উগুরে বৈ আঘে তা মুয়ো মুজুঙোত্তুন্ আর ভেড়া-ছবোর্ রাগত্তুন্ আমারে লুগেই থঅ,