ফগদাং পেইয়্যে 4:6 - Chakma Bible

⁶ সেই সিংহাসনান মুজুঙোত্ যেন ফুদিগো ধোক্ক্যেন পোত্‌পোত্যে এক্কান কাচ ধোক্ক্যেন সাগর এলঅ। সেই সিংহাসনান সংমধ্যে সিংহাসনানর চেরোকিত্যেদি চেরজন জেদা পরাণবলা এলাক্। সিগুনোর্ মুজুঙেদি আর পিজেদি চোগ্‌কোই ভরণ এলাক্।

ফগদাং পেইয়্যে 4:6 Iomraidhean Croise

১ রাজাবলী 7:23

সে পরেন্দি হীরামে পিদল গোলেইনে ঢাল্যে পানি রাগেবাত্তে ইক্কো গুল্‌গুরি দাঙর পিলে বানেল। পিলেবোর এক ডাগেত্তুন্‌ সোজাসুজি অন্যডাগন্দি মাপ এলদে দশ আত্, গভীন্‌ পাচ্ আত্‌ আর বেড়েয়্যেগুরি চেরোকিত্তে মাপ্পো তিরিশ আত্।

ইয়োব 28:17

সনা বা মংগা আনা সমারেয়ো সিয়েনর তুলনা ন-অয়, সনার্ পিলের্ বদলেয়ো সিয়েন পাহ্ ন-যায়।

যাত্রা 38:8

পিদোল্লোই এক্কো গাবালা বানা অলঅ‌। যিদুক্কুন্‌ মিলে সেবা-কামত্তেই মিলন-তাম্বুলর্‌ দোরান ইদু এদাক্‌ তারার্‌ পিদোলর্‌ আনালোই সেই গাবালাবো আর তার্‌ আসনান্‌ বানা অলঅ।

যিহিষ্কেল 10:12

তারার্ চের্‌‌বো চাক্কাত্, গোদা কিয়্যেত্, পিদোত্, আঢত্ আর ডুয়োনির চেরোকিত্তে চোগে ভরা এলঅ।

যিহিষ্কেল 10:14

পত্তি করূবোর চেরান্ গুরি মু এলঅ-পৌইল্যাবো করূবোর, দ্বিলম্বরবো মান্‌‌‌জ্যর, তিন লম্বরবো সিংহর আর চের্‌‌‌লম্বরবো ঈগল পেগোর্।

ফগদাং পেইয়্যে 14:3

সেই সিংহাসনান্ আর সেই চের্‌বো জেদা প্রাণী আর সেই নেতাগুনো মুজুঙোত্ তারা এক্কো নুয়ো গীদ্ গাদন্। কনজনে সেই গীদ্‌তো শিগি ন-পারিলাক্; বানা সেই একশ চৌচল্লিশ্ আজার মানুচ্‌, যিগুনোরে পিত্‌থিমীর্ মানুচ্চুনো ভিদিরেত্তুন্ কিনি নেযা ওইয়্যে তারা শিগি পারিলাক্।

ফগদাং পেইয়্যে 15:2

সে পরেদি মুই আগুন মিজেয়্যে ফুদিগোর্ এক্কান সাগর ধোক্ক্যেন দেগিলুং, আর যিগুনে সেই য়েমান্নো আর তা মূত্তিবো আর তা নাঙানর্ লম্বর্‌‌বো উগুরে জিত্যন্ তারারেয়ো দেগিলুং। গোজেনর্ দিয়্যে বীণা আঢত্ গুরিনে তারা সেই ফুদিগোর্ সাগর পারত্ থিয়্যেই এলাক্।

ফগদাং পেইয়্যে 15:7

সেই চের্‌জন জেদা পরাণবলাগুনোর্ একজন সেই সাতজন স্বর্গদূতোরে সাত্‌টো সনার কদরা দিলো। গোজেন, যিবে যুগ যুগ ধুরিনে উমর্ সং জেদা আঘে, সেই কদরাগুন তার রাগে ভরা এলঅ।

ফগদাং পেইয়্যে 19:4

গোজেন, যিবে সিংহাসনত্ বৈ আঘে তারে সেই চব্বিচ্‌জন নেতা আর সেই চের্‌বো জেদা প্রাণী মাঢা নিগুরিনে সালাম গুরিনে কলাক্, “আমেন। হাল্লেলূয়া!”

ফগদাং পেইয়্যে 21:11

সেই শঅরানর্ চোক্‌চোক্ক্যেকান্ ভারী বেশ্ পাত্তরর্ চোক্‌চোক্ক্যে ধোক্ক্যেন, ফুদিগো ধোক্ক্যেন তেল্‌তেল্যে হীরা ধোক্ক্যেন।

ফগদাং পেইয়্যে 21:18

হীরালোই দেবালান্ বানেয়্যে এলঅ আর শঅরান্ এলঅ সাব্‌গোজ্যে ফুদিগো ধোক্ক্যেন খাটি সনালোই বানেয়্যে।

ফগদাং পেইয়্যে 21:21

বারবো গেইট্ এলাক্ বারবো মুক্তো। পত্তি গেইট্ এক্কো এক্কো মুক্তোলোই বানেয়্যে এলঅ। শঅরর্ পধ্‌তান্ সাব্ ফুদিগো ধোক্ক্যেন খাটি সনালোই বানেয়্যে এলঅ।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।

ফগদাং পেইয়্যে 4:4

সেই সিংহাসনানর চেরোকিত্যেদি আরঅ চব্বিচ্চান সিংহাসন এলঅ, আর সেই সিংহাসনানিত্ চব্বিচ্‌জন নেতা বৈ এলাক্। তারার পোজাগ্‌কানি এলঅ ধুব্ আর তারার মাঢাত্ সনার মুকুট এলঅ।

ফগদাং পেইয়্যে 5:11

যেরেদি মুই দেগিলুং; আর মুই সেই সিংহাসন, জেদা প্রাণী আর নেতাগুনোর চেরোকিত্যে ভালোক্কুন স্বর্গদূতোর্ রঅ শুনিলুং। সেই স্বর্গদূত্‌তুনে এলাক্ জনেদি আজার আজার, কোটি কোটি।

ফগদাং পেইয়্যে 5:14

সেই চের্‌‌‌বো জেদা প্রাণীয়ে কলাক্, “আমেন”। সে পরেদি সেই নেতাগুনে মাঢা নিগুরিনে জু জু জানেলাক্।

ফগদাং পেইয়্যে 5:6

চের্‌বো জেদা প্রাণী আর নেতাগুনো সংমধ্যে যে সিংহাসনান্ এলঅ সিয়েন উগুরে এক্কো ভেড়া-ছরে মুই থিয়্যেই থাগদে দেগিলুং। মর্ মনে অত্তে যেন সেই ভেড়া-ছবোরে মারে ফেলা ওইয়্যে। সেই ভেড়া-ছবোর্ সাত্‌টো শিং আর সাত্‌টো চোগ্ এলাক্। গোজেনর্ যে সাত্‌টান আত্মারে পিত্‌থিমীর বেক্‌ জাগানিত্ দিপাধা অয় এই চোগ্‌কুন এলাক্ সেই সাত্‌টান আত্মা।

ফগদাং পেইয়্যে 5:8

বোইবো লনার্ পর সেই চের্‌বো জেদা প্রাণী আর চব্বিচ্‌জন নেতা ভেড়া-ছবোর্ মুজুঙোত্ মাঢা নিগুরিলাক্। তারার পত্তিজনর্ আঢত্ এক্কো গুরিনে বীণা আর এক্কো গুরি আগর্‌বাট্টিলোই ভোরেয়্যে সনার কদরা এলঅ। সেই আগর্‌বাট্টিলোই ভোজ্যে কদরাগুন অলঅ গোজেন মানুচ্চুনোর তবনা।

ফগদাং পেইয়্যে 6:1

ভেড়া-ছবো যেক্কে সেই সাত্‌টো সীলমহ্‌‌রর পত্তম্মো ভাঙের্ সেক্কে মুই রিনি চেলুং; আর মুই সেই চের্‌বো জেদা প্রাণী ভিদিরে এক্কোরে দেবা পেরাগ পড়েদে ধোক্ক্যেন আবাজ রলোই কধা কধে শুনিলুং, “আয়।” সেক্কে মুই এক্কো ধুব্ ঘোড়া দেগিলুং।

ফগদাং পেইয়্যে 6:6

আর মুই সেই চের্‌বো জেদা পরাণবলাগুনোর্ সংমধ্যে কাররে কধে শুনিলুং, “এক্কো কামগুরিয়্যের্ এক দিনোর আয় বানা এক সের্ গম বা তিন সের্ কেচ্‌বিজি পাহ্ যায়। তেল আর আঙ্গুর-রচ্‌‌সান তুই বর্‌বাদ ন-গুরিচ।”

ফগদাং পেইয়্যে 7:11

সে পরেদি স্বর্গদূত্‌তুনে বেক্কুনে সেই সিংহাসনর, নেতাগুনোর আর চের্‌‌বো জেদা প্রাণীর চেরোকিত্যেদি থিয়্যেলাক্। তারা সিংহাসন মুজুঙোত্ মাঢা নিগুরিনে গোজেনরে সালাম গুরিনে কলাক্,

ফগদাং পেইয়্যে 7:17

কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”