ফগদাং পেইয়্যে 3:3 - Chakma Bible

³ ইয়েনত্যে যিয়েন তুই পেইয়োচ্ আর শুন্ন্যচ্ সিয়েন ইদোত্ তুল্ আর পালন গর্, আর এ অবস্থাত্তুন্ মনান ফিরা। যুনি তুই জাগি ন-উদোচ্ সালে মুই চুরো ধোক্ক্যেন এইম্, আর মুই কন্‌ অক্‌তদ্ তইধু এইম্ সিয়েন তুই হবর্‌অ ন-পেবে।

ফগদাং পেইয়্যে 3:3 Iomraidhean Croise

যিহিষ্কেল 20:43

সিদু তমার আগ আচার-বেবহারর কধা আর যেদক্কানি কামত্তে তুমি নিজোরে অসিজি গোজ্য সিয়েনি ইদোত্ রাগেবা আর তমা বেক্ ভান্ন্যেই কামানিত্তে নিজোরে নিজে ঈচ্ গুরিবা।

যিহিষ্কেল 36:31

সেক্কে তমার্ ভান্ন্যেই আচার-বেবহার আর বজং কামানির্ কধা তমাত্তুন্ ইদোত্ উদিবো আর নিজোর্ পাপ আর জঘন্য কামানিত্তে নিজে নিজোরে ঈচ্ গুরিবা।

মথি লেখ্যে গম্ হবর্ 25:13

হিত্ত্যবোর্ শেজদি যীশু কলঅ, ইয়েনত্তে সজাক্ থাগঅ, কিয়া সেই দিন্নো বা সেই সময়বোর্ কধা তুমি হবর্ ন-পঅ।

মার্ক 13:33

তুমি জাগন্ থাগঅ, উজিয়ার্ থাগঅ, কিয়া সেই সময়বো কক্কে এবঅ সিয়েন তুমি হবর্ ন-পঅ।

মার্ক 13:36

আদিক্ক্যেগুরি তে এইনে যেন ন-দেগে তুমি ঘুম্ যর্।

১ তীমথিয় 6:20

ও তীমথিয়, যিয়েন রোক্ষ্যে গুরিবাত্যে তরে দিয়্যে ওইয়্যে সিয়েন গমেডালে রোক্ষ্যে গর্। মিজে জ্ঞানর্ ভোক্তি-নেইয়্যে বাজে কধা আর ভুল্ শিক্ষ্যেত্তুন্ দূরোত্ থাগ্।

২ তীমথিয় 1:13

তুই মত্তুন্ যিয়েনি শুন্ন্যচ্ সে সত্য শিক্ষ্যেগানি তর্ আদর্শ ইজেবে ধুরি থঅ; আর খ্রীষ্ট যীশু লগে মিজেনার ফলে আমা মনত্ যে কোচ্‌পানা আর বিশ্বেজ্ ওইয়্যে সিয়েন্অ ধুরি রাগা।

ইব্রীয় 2:1

ইয়েনত্যে আমি যিয়েনি শুন্ন্যেই সিয়েনি পালন গুরিবাত্যেই আমার আরঅ মনযোগ দেনা উচিত, যেন সিয়েনিত্তুন্ আমি দূরোত্ সুরি ন-যেই।

২ পিতর 1:13

মাত্তর্ মুই মনে গরং, যেদক দিন মুই এ তাম্বুলো ধোক্ক্যেন কয়েক দিনোত্যে বাঁজি থেম্ সেদক দিন এ বেপারানি ইদোত্ তুলি দিইনে তমারে জাগেই রাগানা মর্ উচিত্;

২ পিতর 3:1

কোচ্‌পেইয়্যে ভেইয়ুন, তমা ইধু ইয়েনই মর্ দ্বি-লম্বর চিধি। দ্বিয়েন চিধিত মুই তমারে কয়েক্কান পৌইদ্যেনে ইদোত্ তুলি দিইনে তমার দোল্ মনানরে লাড়িবার্ চেষ্টা গোজ্জ্যং।

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

ফগদাং পেইয়্যে 16:15

যীশু কত্তে, “চঅ, মুই চুরো ধোক্ক্যেন এইম্। বর্‌পেইয়্যে সেই মানুচ্চো, যে জাক্ক্যে থায় আর নিজোর্ পোজাগ্‌কানি পিনি থায়, যেন তাত্তুন্ লাংদা ওইনে ঘুরো ন-পরে আর মান্‌জ্যে তার লাজানাগান ন-দেগন্।”

ফগদাং পেইয়্যে 2:25

বানা যিয়েনি তমার আঘে, মুই ন-এজানা সং সিয়েনি দরমর গুরি ধুরি রাগঅ।

ফগদাং পেইয়্যে 2:5

ভাবি চাহ্, তুই কত্তমান অজলত্তুন্ কত্তমান তলেদি লামি যেয়োচ্। এ অবষ্থাগানত্তুন্ তুই মন ফিরে আর পত্তমে যে কামানি গুরিদে সিয়েনত্ ফিরি যাহ্। তুই যুনি মনান ন-ফিরেচ্ সালে মুই তইধু এইনে তর্ চেরাগটগ্‌কো তা জাগানত্তুন্ সোরেই ফেলেম।

ফগদাং পেইয়্যে 22:7

যীশু কত্তে, “চঅ, মুই যাদিমাদি এজঙর্। এ বোইবোর বেক্ কধানি, অত্তাৎ গোজেনর্ কধানি যে পালায় তে বর্‌পেইয়্যে।”

ফগদাং পেইয়্যে 3:11

মুই সবরে এজঙর্। তর্ যিয়েনি আঘে সিয়েনি দরমর গুরি ধুরি থঅ, যেন কেঅ তর্ জিদেনার্ বক্‌শিজ্‌চান কাড়ি ন-লয়।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।

ফগদাং পেইয়্যে 3:2

তুই জাগি উঠ্ আর বাদবাগী যিয়েনি মরেদে ধোক্ক্যেন ওইয়্যে সিয়েনি দরমর গুরি তুল্, কিত্যেই মঅ গোজেন মুজুঙোত্ তর্ কনঅ কাম মুই থুম অদে ন-দেগং।