ফগদাং পেইয়্যে 3:19 - Chakma Bible

¹⁹ মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।

ফগদাং পেইয়্যে 3:19 Iomraidhean Croise

২ শমূয়েল 7:14

মুই ওম্ তা বাপ্‌ আর তে অবঅ মর্‌ পূঅ। যেক্কে তে অন্যেয় গুরিবো সেক্কে অন্য মান্‌জ্যে যেধোক্ক্যেন্ সাজা পান সেধোক্ক্যেন গুরি মুই তারে সাজা দিম্।

ইয়োব 5:17

বর্‌ পেইয়্যে সেই মানুচ্চো, যিবেরে গোজেনে বুদুলি ফেলায়। সেনত্তেই গোজেনর শাজনানরে ঈচ্ ন-গোজ্য,

গীতসংহিতা 39:11

পাপত্তে তুই যেক্কেনে মান্‌জ্যরে দরমর গুরিনে কধালোই শাজন্ গরচ্, সেক্কেনে পুক্-যুগো ধোক্ক্যেন গুরিনে তারার দোলান্ তুয়ই বর্‌বাদ্ লাগেই দুয়োচ্; মানুচ্ দঅ এক্কো নিজেস ধোক্ক্যেন্।

গীতসংহিতা 6:1

ও লগেপ্রভু, রাগ্ গুরিনে তুই মরে গেইল্ ন-দিচ্; বেজার্ ওইনে মরে শাজন্ ন-গুরিচ্।

গীতসংহিতা 69:9

তঅ ঘরানত্তে মর্ যে গভিন কোচ্‌পানা, সেই কোচ্‌পানাগানে মঅ মনানরে জ্বালেয়্যে। যিগুনে তরে অগমান গরন্ তারার বেক্ অগমানানি মঅ উগুরে পোজ্যে।

গীতসংহিতা 94:10

যিবে বেক জাদ্‌তুনোরে শাজন্ গরে আর মান্‌জ্যরে শিক্ষ্যে দে তে কি সাজা ন-দিইনে থেবঅ?

গম্ উপদেজ্ 15:10

যিগুনে গম্ পথ্‌তান ছাড়দন্ তারাত্তে দরমর সাজাগানে বাজ্জেই আঘে; যে মানুচ্চো সংশোধন কধা ঘিনেই তে মুরিবো।

গম্ উপদেজ্ 15:32

যে মান্‌জ্যে শাজন্ এলাফেলা গরে তে নিজোরে তুচ্চো গরে, মাত্তর্ যে মান্‌জ্যে সংশোধন কধানি শুনে তে বুদ্ধি পায়।

গম্ উপদেজ্ 22:15

ঝি-পুয়োগুনো মনত্ ভুলানি যেন ন-থায়, মাত্তর্ শাজনর্ লাদিবো তাত্তুন্ দূর্ গুরি দে।

যিশাইয় 26:16

ও লগেপ্রভু, দুঘো সময় তারা তরে দেখ্যন্; তত্তুন্ সাজা পেবার সময়োত্ তারা ওলোমোত্য ওইনে ফিস্ ফিস্ গুরি তবনা জানেয়োন্।

যিরমিয় 10:24

ও লগেপ্রভু, বানা ন্যায়বিচেরলোই তুই মরে সংশোধন গর্, মাত্তর্ তর্ রাগে সিয়েন ন-গুরিচ্, গুরিলে তুই মরে এক্কুবারে শূন্য গুরি দিবে।

যিরমিয় 2:30

মুই তমারে অনত্তক্ সাজা দুয়োং; তুমি শাজনান্ এলাফেলা গোজ্য। পেট্ পুরেত্তে সিংহ ধোক্ক্যেন তমা তলোয়ারানিয়ে তমা ভাববাদীগুনোরে গিলি ফেল্যে।

যিরমিয় 30:11

মুই তঅ সমারে সমারে আগং আর মুই তরে উদ্ধোর গুরিম। যিদুক্কুন জাদ ভিদিরে মুই তমারে ছিদি রাগেয়োং মুই তারারে পুরোপুরি গুরিনে ভস্ত গুরিম, মাত্তর্ তমারে মুই পুরোপুরি গুরিনে ভস্ত ন-গুরিম। তো এক্কুবারে সাজা ন-দিলেয়ো মুই তমারে ন-ছাড়িম, মাত্তর্ ন্যায়বিচেরলোই মুই তমারে শাজন্ গুরিম।”

যিরমিয় 31:18

মুই ঘেচ্চেকগুরি ইফ্রয়িমর এই নরম রবো শুন্যং, তুই মরে অবাধ্য গোরু ছঅ ধোক্ক্যেন গুরি শাজন্ গোজ্যস্, আর সিয়েনর ফলে মুই সাজা পেইয়োং। মরে ফিরে, সেক্কে মুই ফিরিম, কিত্তে তুয়ই মর্ গোজেন লগেপ্রভু।

যিরমিয় 7:28

সেনত্তে তুই তারারে কবে, ‘তুমি সেই জাদ্, যে তার গোজেন লগেপ্রভুর আওজ্ মজিম ন-চলে বা তার সংশোধনত্ ন-শুনোন্। সত্যগান ভস্ত ওই যেইয়্যে; কনজনে সে পৌইদ্যেনে মুয়োদিয়ো ন-আনন্।’ ”

সফনিয় 3:2

তে কাররে ন-মানে, শাজন্‌অ গ্রাজ্য ন-গরে। লগেপ্রভু উগুরে তে নির্ভর্ ন-গরে, তা গোজেন ইধু ন-যায়।

মথি লেখ্যে গম্ হবর্ 25:7

সেক্কে সেই মিলেগুন্ উদিনে তারা চেরাগ্‌কুন ঠিগ্ গুরিলাক্।

যোহন 2:17

সেক্কে পবিত্র বোইবোত্ লেগা এ কধাগান্ তা শিচ্চ্যগুনোর্ ইদোত্ উদিলো: তঅ ঘরানত্যে মর্ যে অমকদ কোচ্‌পানা, সে কোচ্‌পানাগানই মঅ মনানরে জ্বালেই তুলিবো।

রোমীয় 12:11

গোজেন উগুরে নিত্য তর্ আওজ্ থোক্। তমা মনানি ভক্তিয়ে ভরা থোক্। তুমি প্রভুর্ কামত্ লাগি থাগঅ।

১ করিন্হীয় 11:32

মাত্তর্ আমা বিচেরান যেক্কে প্রভু গরে সেক্কে তে আমারে শাসন গরে, যাতে জগদর্ বেক্কুনো সমারে আমারে দুষি বিলিনে থির্ গরা ন-অয়।

২ করিন্হীয় 6:9

মান্‌জ্যে আমারে চিনিবাত্যে ন-চান্, মাত্তর্ বেক্কুনে আমারে চিনোন্। আমি মরেদে ধোক্ক্যেন্ ওর্, তো বাঁজি আঘিই। আমারে মার্‌‌ধোর্ গরা অর্, তো মারে ফেলা ন-অর্।

২ করিন্হীয় 7:11

চিন্তে গুরি চঅ, গোজেনে যেক্কে তমারে দুঘ্ দিয়্যে সেক্কে তুমি পিজেদি ন-পড়, সেক্কে নিদ্দুজি বিলিনে নিজোরে প্রমাণ গুরিবাত্যে তমার্ কদক্ আওজ্ ওইয়্যে, কদক্ চিন্তে-ভাবনা ওইয়্যে আর পাপর্ সাজা দিবাত্যে কদক্ আওজ্ ওইয়্যে। এবাবোত্যেগুরি বেক্কানিত্তুন্ তুমি প্রমাণ গুরিলেদে যে, সেই পৌইদ্যেনে তুমি নিদ্দুজি।

গালাতীয় 4:18

খালিক্ গম্ উদ্দেচ্চ্যত্যে আওজ্ থানা গম্। মুই যেক্কে তমা ইধু থাং বানা সেক্কে নয়, মাত্তর্ নিত্য আয়োজি থানা গম্।

দ্বি’লম্বর বিররণ 8:5

এ কধাগান্‌ তমার মনত্‌ বানি রাগেয়ো, বাপ্পো যেধোক্ক্যেন পূঅবোরে শাজন গরে ঠিগ্ সেধোক্ক্যেনগুরি তমার গোজেন লগেপ্রভু তমারে শাজন গুরিবো।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

ফগদাং পেইয়্যে 2:5

ভাবি চাহ্, তুই কত্তমান অজলত্তুন্ কত্তমান তলেদি লামি যেয়োচ্। এ অবষ্থাগানত্তুন্ তুই মন ফিরে আর পত্তমে যে কামানি গুরিদে সিয়েনত্ ফিরি যাহ্। তুই যুনি মনান ন-ফিরেচ্ সালে মুই তইধু এইনে তর্ চেরাগটগ্‌কো তা জাগানত্তুন্ সোরেই ফেলেম।