ফগদাং পেইয়্যে 3:18 - Chakma Bible

¹⁸ সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।

ফগদাং পেইয়্যে 3:18 Iomraidhean Croise

গীতসংহিতা 107:11

কিত্তে তারা গোজেন কধার বিরুদ্ধে উল্লোমি গুরিদাক্, গোজেনর সল্লানি তারা তুচ্ছো গুরিদাক্।

গীতসংহিতা 16:7

মুই লগেপ্রভুরে ভালেদি জানাং যিবে মরে গমবুদ্ধি দে; রেদোত্ মঅ মনানে মরে উগুম দে।

গীতসংহিতা 32:8

মুই লগেপ্রভু তরে জ্ঞান দিম্ আর যে পধ্‌থানদি যাহ্ পুরিবো সিয়েন দেগেই দিম; তরে চোগে চোগে রাগেইনে মুই উগুম দিম।

গীতসংহিতা 73:24

তর্ উগুম্মোই তুই মরে চালেবে, আর যেরেন্দি তর্ মহিমালোই মরে মানি লবে।

গম্ উপদেজ্ 1:25

তুমি যেক্কে মর্ বেক উপদেজ্‌ছানি এলাফেলা গুরিলে, দুষ্ দেগেই দিলেয়ো সিয়েনি শুনিবাত্তে ন-চেলা,

গম্ উপদেজ্ 1:30

সেনত্তে মঅ উপদেজ্‌ছান তারা ন-শুনোন্, আর ঠিগ গুরিবাত্তে মুই যিয়েনি কোইয়োং সিয়েনি ঈচ্ গোজ্যন্;

গম্ উপদেজ্ 19:20

উপদেশ শুন্, শাজন্ মানি নেযা; যেরেদি তুই জ্ঞানি ওই পারিবে।

গম্ উপদেজ্ 23:23

যে কনঅ মূল্যে ওক্ সত্য, জ্ঞান, শিক্ষ্যে আর বিচেরবুদ্ধি পাহ্; কনঅ কিজুর্ বদলে সিয়েনি অন্যরে ন-দুয়ো।

উপদেশক 8:2

মঅ উবদেশ্‌ছান ইয়েন্, তুই রাজার্ উগুমান্ পালঅ, কিত্তে গোজেন মুজুঙোত্ তুই সে শমক্তান্ গোজ্যস্।

যিশাইয় 47:3

তর্ লাঙ্‌‌তা অনাগান ফগদাং অবঅ আর তর্ লাজানাগান্ ঢাক্যে ন-থেবঅ। মুই হেনা সুজিম, কারঅ কোজোলিগান্ ন-মানিম‌।”

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

যিরমিয় 13:26

মুই তঅ কাবড়ানি তঅ মুয়ো উগুরে তুলি দিম যেনে তর্ লাজ্‌চান দেগা যায়।

দানিয়েল 12:2

পিত্‌‌‌‌‌থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্‌‌‌‌‌জ্য ধোক্ক্যেন।

মীখা 1:11

ও শাফীরোত্ বজত্তি গুরিয়্যে মানুচ্চুন, তুমি লাংটা আর লাজত্ পড়িনে যগোই। যিগুনে সাননত্ বজত্তি গরন্ তারা নিগিলি এই ন-পারিবাক। বৈৎ-এৎসলে আবিলেচ্ গরের্; তে আর তমা তপ্পে ন-থিয়্যেব।

নহূম 3:5

বেগত্তুন্ খেমতাবলা লগেপ্রভু কত্তে, “ও নীনবী, মুই তঅ বিরুদ্ধে; মুই মুয়োন সং তঅ কাবড়ান্ তুলিম। তর্ লাংটাগান মুই জাদ্‌তুনোরে দেগেম আর রেজ্যগানিরে দেগেম তর্ লাজানা।‌

মালাখি 3:3

যে মানুচ্চো রূবো গোলেইনে খাটি গরে তে তা ধোক্ক্যেন ওইনে বুঝিবো। তে লেবীয়গুনোরে সিজি গুরিবো আর সোনা আহ্ রূবো ধোক্ক্যেন গুরি তারারে খাটি গুরিবো। সে পরেদি তারা গম্ মনোভাব্‌পোই লগেপ্রভুর নাঙে উৎসর্বর অনুষ্ঠান গুরিবাক্।

মথি লেখ্যে গম্ হবর্ 13:44

স্বর্গ-রেজ্যগান্ ভূইয়ো ভিদিরে লুগেই রাগেয়্যে ধন ধোক্ক্যেন্। এক্কো মান্‌জ্যে সিয়েন্ তোগেই পেইনে আরঅ লুগেই রাগেল। সে পরেদি তে হুজি মনে গেলঅ আর তার যেদক্কানি এলঅ বেক্কানি বিজিনে সে ভূইয়ান কিনিলো।

মথি লেখ্যে গম্ হবর্ 25:9

সেক্কে সেই বুদ্ধিবলা মিলেগুনে জোবত্ কলাক্, না, তেল্ যিয়েন্ আঘে সিয়েন্দোই অয়ত আমার্ আর তমার্ ন-কুলেব। তুমি বরং দোগান ইধু যেইনে নিজোত্তে তেল্ কিনি নেযঅ।

লূকে লেখ্যে গম্ হবর্ 12:21

যেরেদি যীশু কলঅ, “যে মানুচ্চো নিজোত্যে ধন-সোম্বোত্তি থুবোয় অদচ গোজেন চোগেদি তাগোয়্যে নয়, তা অবস্থা সেবাবোত্যে অয়।”

২ করিন্হীয় 5:3

কিয়া এ কধাগান সত্য যে, সেই কিয়্যেগান্ পানার্ পরেদি দেগা যেবদে যে, আমি লাংদা নয়।

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

১ তীমথিয় 6:18

থাগোইয়্যেগুনোরে উগুম দে যেন তারা অন্যগুনোরে উপকার্ গরন, সৎ কামত থান্, খুলো আঢে দান গরন্ আর তারার্ ধন-সোম্বোত্তির্ ভাগ অন্যগুনোরেয়ো দুয়োন।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

ফগদাং পেইয়্যে 16:15

যীশু কত্তে, “চঅ, মুই চুরো ধোক্ক্যেন এইম্। বর্‌পেইয়্যে সেই মানুচ্চো, যে জাক্ক্যে থায় আর নিজোর্ পোজাগ্‌কানি পিনি থায়, যেন তাত্তুন্ লাংদা ওইনে ঘুরো ন-পরে আর মান্‌জ্যে তার লাজানাগান ন-দেগন্।”

ফগদাং পেইয়্যে 19:8

চোক্‌‌চোক্যে, সাব্ আর নিগুজ্ কুজি কাবড় তারে পিনিবাত্যে দিয়্যে ওইয়্যে। সেই কাবড়ান অলঅ গোজেন মানুচ্চুনোর ধর্ম লক্কণ।”

ফগদাং পেইয়্যে 2:9

তর্ দুঘ্ আর রাদ কালর্ কধা মুই কোই পারং, মাত্তর্ তো তুই থাগোইয়্যে। নিজোরে যিহূদী কলেয়ো যিগুনে যিহূদী নয় বরং শদানর্ দলর মানুচ্‌, তারা তঅ বিরুদ্ধে যিয়েনি কন্ সিয়েনি মুই হবর্ পাং।

ফগদাং পেইয়্যে 3:17

তুই কত্তে, মুই থাগোইয়্যে; মুই দাঙর্ মানুচ্‌ ওইয়োং, সেনত্যে মর্ কনঅ কিজুর্ অভাব নেই। ভারী গম, মাত্তর্ তুই দঅ হবর্ ন-পাজ্, তুই দুখ্যে, দোয়্যের্ মানুচ্, নাঢা, কানা আর লাংদা।

ফগদাং পেইয়্যে 4:4

সেই সিংহাসনানর চেরোকিত্যেদি আরঅ চব্বিচ্চান সিংহাসন এলঅ, আর সেই সিংহাসনানিত্ চব্বিচ্‌জন নেতা বৈ এলাক্। তারার পোজাগ্‌কানি এলঅ ধুব্ আর তারার মাঢাত্ সনার মুকুট এলঅ।

ফগদাং পেইয়্যে 7:13

সেক্কে এক্কো নেতা মরে কলঅ, “ধুব্ কাবড় উজ্জ্যে এ মানুচ্চুন কন্না? আর কুত্তুনই বা ইগুনে এচ্চ্যন্?”