ফগদাং পেইয়্যে 3:12 - Chakma Bible

¹² যে জিদিবো তারে মুই মর্ গোজেন ঘরর্ এক্কো খুদো বানেম; তে আর কনদিন্‌অ বারেদি ন-যেবঅ। মুই তা উগুরে মর্ গোজেনর্ নাঙান্ আর মর্ গোজেনর্ শঅরানর্ নাঙান লিগিম। নুয়ো যিরূশালেমানই সেই শঅরান্। স্বর্গ ভিদিরেত্তুন্ মঅ গোজেন ইত্তুন এ শঅরান্ লামি এবঅ। যে জিদিবো মুই তা উগুরে মর্ নুয়ো নাঙান্অ লিগিম।

ফগদাং পেইয়্যে 3:12 Iomraidhean Croise

১ রাজাবলী 7:21

হীরামে সে দ্বিবে পিদলর্ থুনি তবনা-ঘরর্‌ আজ্‌চালাত্‌ বোজেই দিলো। দোগিণে যিবে রাগেল সিবের নাঙান্‌ দিয়্যে অলঅ যাখীন (যিয়েনর্ ভেদ্‌‌তান্ “যিবে থিদেবর্ গরে”) আর উত্তোরেন্দি যিবে রাগেল সিবের নাঙান্‌ দিয়্যে অলঅ বোয়স (যিয়েনর্ ভেদ্‌তান্ “তা ভিদিরে বল্”)।

গীতসংহিতা 46:4

এক্কান গাঙ্ আঘে যিয়েনর ভালোক্কানি ছড়া আঘে গোজেনর শঅরানরে হুজিয়ে রাজিয়ে রাগায়, হুজিয়ে রাগায় সেই সুদ্ধো-সাংগ জাগায়ান যিয়েনত্ দাঙর্ গোজেনে থায়।

গীতসংহিতা 48:8

বেগত্তুন খেমতাবলা গিরোজ্ লগেপ্রভু শঅরর্ ভিদিরে থেইনে, আমা গোজেনর শঅরর্ ভিদিরে থেইনে আমি যিয়েনি শুন্যেই চোগেন্দিয়ো সিয়েনি দেগিলোং; দেগিলোং তে শঅরান্ উমরত্তে থিদেবর্ গুরিবো।

গীতসংহিতা 87:3

ও গোজেনর শঅরান্, তঅ পৌইদ্যেনে বোউত্ বাঈনীর্ কধা কুয়ো ওইয়্যে।

যিশাইয় 62:2

ও যিরূশালেম, জাদ্‌‍‍তুনে তর্ সততাগান আর বেক্ রাজাগুনে তর্ মহিমাগান দেগিবাক্। তরে এক্কান নুয়ো নাঙে ডাগা অবঅ; লগেপ্রভু সেই নাঙান দিবো।

যিশাইয় 65:15

মর্ বেঈ লোইয়্যে মানুচ্চুনে কাররে নিন্দে গুরিবাত্তে তমা নাঙানি বেবহার গুরিবাক্। প্রভু লগেপ্রভু তমারে মারে ফেলেব, মাত্তর্ তা চাগরুনোরে তে আর এক্কান নাঙ্ দিবো।

যিরমিয় 1:18

এচ্চ্যে মুই তরে এক্কান দরমর শঅর ধোক্ক্যেন, এক্কান লুয়ো খুদো ধোক্ক্যেন আর এক্কান পিদল দেবাল ধোক্ক্যেন গুরিলুং যেনে তুই গোদা দেজ্‌‌‌‌ছানর বিরুদ্ধে, অত্তাৎ যিহূদার রাজাগুনোর, দাঙর্ পোজিশনত্ কামগুরিয়্যেগুনোর, ধর্মগুরুগুনোর আর দেজ মানুচ্চুনোর বিরুদ্ধে থিয়্যেই পারচ্।

যিহিষ্কেল 40:49

বারান্দাগান এলদে কুড়ি আত্ লাম্বা আর এগার আত্ পাদাজ্যে। সিয়েনত্ উদিবার এক্কান সিড়ি এলঅ আর সেই দ্বিবে বাজুর মুজুঙোত্ এলঅ এক্কো গুরি খুদো।

যিহিষ্কেল 48:35

শঅর চেরোকিত্তে দেবাল মাব্‌‌পান অবঅ আদার আজার্ মাবেদে কাদি। সে অক্তত্তুন্ ধুরি শঅরানর্ নাঙ্ অবঅ, ‘লগেপ্রভু ইয়েনত্ আঘে।’ ”

মার্ক 12:16

তারা এক্কো দীনার্ আনিলে পরেদি যীশু তারারে পুযোর্ গুরিলো, “ইবে উগুরে এ ফটুবো আর নাঙান্ কার্?” তারা কলাক্, “রোম-সম্রাটর।”

গালাতীয় 2:9

সেই গণ্যমান্য মানুচ্চুনে, অত্তাৎ যাকোব, পিতর আর যোহনে ইয়েনি দেগিনে বুঝি পাজ্জ্যন্দে, মুই গোজেনত্তুন্ বিশেষ দোয়্যে পেইয়োং। তারার্ আর আমা ভিদিরে যে উদো-লোলি আঘে সিয়েন দেগেবাত্যে তারা মর্ আর বার্ণবার্ লগে ডেন্ আঢ্‌তানি মিলেলাক্। তারা রাজী অলাক্কে যে, আমি অযিহূদীগুনো ইধু যেবং আর তারা নিজেই যিহূদীগুনো ইধু যেবাক্।

ইব্রীয় 12:22

তুমি দঅ সিয়োন মূড়োবো আর জেদা গোজেনর্ শঅর কায় কুরে এচ্চ্য। সেই শঅরান্ অলঅ স্বর্গর্ যিরূশালেম। তুমি আজার্ আজার্ স্বর্গদূতোর্ হুজির্ পরব ইধু এচ্চ্য;

ইব্রীয় 13:14

কিয়া ইয়েনত্ আমার কনঅ থিদেবর্ গোজ্জ্যে শঅর্ নেই; মাত্তর্ যে শঅরান্ এবঅ সিয়েনত্যে আমি বাজ্জ্যেই আঘিই।

১ যোহন 4:4

মাত্তর্ পুয়ো-ছা লগ্, তুমি গোজেনর্। তুমি সেই ভন্ডগুনো উগুরে জিত্য, তাত্তুন্ যিবে তমা মনভিদিরে আঘে তে মহান।

ফগদাং পেইয়্যে 14:1

সে পরেদি মুই রিনি চেলুং, সেই ভেড়া-ছবো সিয়োন মূড়োবো উগুরে থিয়্যেই আঘে। তা সমারে আঘন্ একশ চৌচল্লিচ আজার মানুচ্‌। তারার্ কবালত্ ভেড়া-ছবো আর তা বাব নাঙান্ লেগা আঘে।

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”

ফগদাং পেইয়্যে 2:11

যিবের শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো দ্বি'পল্লা মরণ অলেয়ো কনবাবদে তার ক্ষতি ন-গুরিবো।

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।

ফগদাং পেইয়্যে 2:7

যিবের্ শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই গোজেনর্ পরমদেজর্ জিংকানি-গাজর্ ফল হেবাত্যে দিম।

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।

ফগদাং পেইয়্যে 22:4

তারা তা মুয়োন দেগিবাক্ আর তা নাঙান্ তারার্ কবালত্ লেগা থেবঅ।

ফগদাং পেইয়্যে 3:5

যে জিদিবো তে এবাবোত্যে ধুব্ পোজাক্ পিনিবো। জিংকানি-বোইবোত্তুন্ তা নাঙান্ মুই কনদিনঅ পুঝি ন-ফেলেম, বরং মঅ বাব্‌পো আর তা দুত্‌তুনো মুজুঙোত্ মুই তারে স্বীগের্ গুরি নিম।