ফগদাং পেইয়্যে 3:11 - Chakma Bible

¹¹ মুই সবরে এজঙর্। তর্ যিয়েনি আঘে সিয়েনি দরমর গুরি ধুরি থঅ, যেন কেঅ তর্ জিদেনার্ বক্‌শিজ্‌চান কাড়ি ন-লয়।

ফগদাং পেইয়্যে 3:11 Iomraidhean Croise

সফনিয় 1:14

লগেপ্রভুর সেই দাঙর্ দিন্নো কায়কুরে লুম্মেগি আর যাদিমাদি এজের্। উইয়ো শুনো, লগেপ্রভুর দিনুনোর রবো! সেক্কে যোদ্ধাগুনে পীড়েই রঅ ছাড়িবাক্।

১ করিন্হীয় 9:25

যিগুনে ধাবা দেনাত্ মিজেন্ সিগুনে বেক্কুনে আগেত্তুন্ ধুরি দর-মর গুরিনে চলন্। যে জিদিবার্ মালাবো বর্‌বাদ ওই যায় সেই মালাবো পেবাত্যে তারা সিয়েন গরন্, মাত্তর্ আমি সিয়েন গুরিই সেই বক্‌শিজ্‌চানত্তে যিয়েন কনদিন্অ বর্‌বাদ ন-অবঅ।

ফিলিপীয় 4:5

তমার নরম খাচ্চ্যদ্‌তানি যেন বেক্কুনে দেগন্। প্রভু যাদিমাদি এজের্।

২ তীমথিয় 2:5

সেবাবোত্যে গুরি জিদেজিত্যে খারাত্ মিজেইনে কেঅ যুনি সুদোম মজিম ন-খেলে সালে তে জিদেনার্ মালাবো ন-পায়।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

যাকোব 5:9

ভেইলগ্, গোজেনে যেন তমারে দুষ্ ন-ধরে ইয়েনত্যে তুমি একজন আরেকজনরে দুষ ন-দুয়ো। চঅ, বিচের গুরিয়্যেবো দোরান কায়কুরে লুম্মেগি।

ফগদাং পেইয়্যে 1:3

গোজেনর্ কধানি যিয়েনি ইয়েনত্ লেগা ওইয়্যে, যিবে সিয়েনি পড়ে তে বর্‌পেইয়্যে আর যিগুনে সিয়েনি শুনোন্ আর পালন গরন সিগুনেয়ো বর্‌পেইয়্যে, কিয়া সময়ান কায়কুরে লুম্মেগি।

ফগদাং পেইয়্যে 16:15

যীশু কত্তে, “চঅ, মুই চুরো ধোক্ক্যেন এইম্। বর্‌পেইয়্যে সেই মানুচ্চো, যে জাক্ক্যে থায় আর নিজোর্ পোজাগ্‌কানি পিনি থায়, যেন তাত্তুন্ লাংদা ওইনে ঘুরো ন-পরে আর মান্‌জ্যে তার লাজানাগান ন-দেগন্।”

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

ফগদাং পেইয়্যে 2:13

তুই কুধু বজত্তি গরর্ সিয়েন মুই হবর্ পাং; সিয়েনত্ শদানর্ সিংহাসনান্ আঘে। তো তুই মঅ উগুরে বিশ্বেজি আঘচ্ আর মঅ উগুরে তর্ বিশ্বেজ্‌চানরে অস্বীগের্ ন-গরচ্। এন্‌ কি, যিয়েনত্ শদানে বজত্তি গরে সিয়েনত্ যেক্কে মর্ বিশ্বেজি সাক্ষী আন্তিপাসে তমা মুজুঙোত্ খুন ওইয়্যে সেক্কেয়ো তুই তঅ বিশ্বেজ্‌চানরে অস্বিগের্ ন-গরচ্।

ফগদাং পেইয়্যে 2:25

বানা যিয়েনি তমার আঘে, মুই ন-এজানা সং সিয়েনি দরমর গুরি ধুরি রাগঅ।

ফগদাং পেইয়্যে 22:12

যীশু কত্তে, চঅ, মুই যাদিমাদি এজঙর্ আর পত্তিজনরে তার্ কাম মজিম দিবার বক্‌শিজ মঅ সমারে আঘে।

ফগদাং পেইয়্যে 22:20

যিবে ইয়েনি পৌইদ্যেনে সাক্ষ্য দের্ তে কত্তে, “ঘেচ্চেকগুরি মুই যাদিমাদি এজঙর্।” আমেন। প্রভু যীশু, আয়।

ফগদাং পেইয়্যে 22:7

যীশু কত্তে, “চঅ, মুই যাদিমাদি এজঙর্। এ বোইবোর বেক্ কধানি, অত্তাৎ গোজেনর্ কধানি যে পালায় তে বর্‌পেইয়্যে।”

ফগদাং পেইয়্যে 3:3

ইয়েনত্যে যিয়েন তুই পেইয়োচ্ আর শুন্ন্যচ্ সিয়েন ইদোত্ তুল্ আর পালন গর্, আর এ অবস্থাত্তুন্ মনান ফিরা। যুনি তুই জাগি ন-উদোচ্ সালে মুই চুরো ধোক্ক্যেন এইম্, আর মুই কন্‌ অক্‌তদ্ তইধু এইম্ সিয়েন তুই হবর্‌অ ন-পেবে।

ফগদাং পেইয়্যে 4:10

সেক্কে সেই চব্বিচ্‌জন নেতা সিংহাসনর অধিকারী, অত্তাৎ যিবে উমরত্যে জেদা আঘে তারে মাঢা নিগুরিনে সালাম গরন্। এই নেতাগুনে সেক্কে সেই সিংহাসনান মুজুঙোত্ তারার মুকুট্‌তুন খুলি থোইনে কদন্দে,

ফগদাং পেইয়্যে 4:4

সেই সিংহাসনানর চেরোকিত্যেদি আরঅ চব্বিচ্চান সিংহাসন এলঅ, আর সেই সিংহাসনানিত্ চব্বিচ্‌জন নেতা বৈ এলাক্। তারার পোজাগ্‌কানি এলঅ ধুব্ আর তারার মাঢাত্ সনার মুকুট এলঅ।