ফগদাং পেইয়্যে 3:1 - Chakma Bible

¹ সার্দি শঅরর্ মন্ডলীর দূত্‌তো ইধু এ কধাগান লেগ- গোজেনর্ সাত্‌টো আত্মা আর সাত্‌টো তারা যিবে ধুরি আঘে তে এই কধাগান কর্: মুই তর্ কামর্ কধানি কোই পারং। জেদা আঘচ্ বিলিনে তর্ গম সুনাঙ্ আঘে, মাত্তর্ আজলে তুই মরা।

ফগদাং পেইয়্যে 3:1 Iomraidhean Croise

লূকে লেখ্যে গম্ হবর্ 15:24

কিয়া মর্ এ পুয়োবো মুরি যেয়্যে মাত্তর্ আরঅ জেদা ওইয়্যে; আঝি যেইনে পাহ্ যেইয়্যে। সে পরেদি তারা ফুত্তি গরা ধল্ল্যাক্।

লূকে লেখ্যে গম্ হবর্ 15:32

হুজি ওইনে আমার্ ফুত্তি গরানা উচিত, কিয়া তর্ এ ভেইবো‌ মুরি যেয়্যে আরঅ জেঈ উত্ত্যে; আঝি যেয়্যে আরঅ তারে পাহ্-যেয়্যে।’ ”

যোহন 1:16

আমি বেক্কুনে তার্ সেই পূরোণ অনাত্তুন্ দোইয়্যে উগুরে আরঅ দোয়্যে পেইয়্যেই।

যোহন 1:33

মুই তারে ন-চিনিদুং, মাত্তর্ যে মরে পানিত্ বাপ্তিষ্ম দিবাত্তে পাধেয়্যে তেয়ই মরে কোই দিয়্যে, ‘যা উগুরে পবিত্র আত্মারে লামি এইনে থাদে দেগিবে, তেয়ই সে মানুচ্চো যিবে পবিত্র আত্মালোই বাপ্তিষ্ম দিবো।’

যোহন 20:22

এ কধাগান্ কোইনে তে শিচ্চ্যগুনো উগুরে ফুন্ দিইনে কলঅ, “পবিত্র আত্মাগানরে গুজি লঅ।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

প্রেরিত্‌ 2:33

গোজেনর ডেনেদি বঝিবার বাঈনী তারে দান গরা ওইয়্যে আর এগেম্ গোজ্যে পবিত্র আত্মারে তেয়ই গোজেনত্তুন্ পেয়্যে; আর ইক্কিনে তুমি যিয়েন দেগর্ আর শুনোর্ সিয়েন যীশু নিজে দিয়্যে।

ইফিষীয় 2:1

অবাধ্যত্যে আর পাপত্যে তুমি মরা এলা।

ইফিষীয় 2:5

এই অবাধ্যগানত্যে যেক্কে আমি মরা অবস্থায় এলং সেক্কে খ্রীষ্ট সমারে তে আমারে জেদা গুরিলো।

কলসীয় 2:13

তুমি দঅ পাপর ফলে আর চুনু মাঢা-ন-কাবানার ফলে মরা এলা, মাত্তর্ গোজেনে তমারে খ্রীষ্টর্ লগে জেদা গোজ্জ্যে।

১ তীমথিয় 5:6

মাত্তর্ যে রানী মিলেবো যেবাবোত্যে গুরি হুজি জিংকানি কাদায় তে জেদা অবস্থায়য়ো মরা ধোক্ক্যেন।

যাকোব 2:26

পরাণান্ বাদে কিয়্যেগান যেধোক্ক্যেন মরা ঠিগ্ সেধোক্ক্যেন কাম বাদে বিশ্বেজ্‌চান মরা।

১ পিতর 1:11

তারা মনত্ খ্রীষ্টর আত্মাগানে আগেদি সাক্ষ্য দিইনে কোইয়্যেদে যে, খ্রীষ্টর দুঘ্ ভুগো পরিবো আর সে পরেদি তে মহিমা পেবঅ। ভাববাদীগুনে জানিবাত্যে চেইয়োন খ্রীষ্টর্ সেই আত্মাগানে কন্‌ সময়োত্ আর কন্‌ অবস্থার কধা তারারে জানার্।

যিহূদা 1:12

এ মানুচ্চুনে যেক্কে দুঘ্ সাহচ্‌‌সোই তমার কোচ্‌পানার-হানাত মিলোন্ সেক্কে তমার সেই হানা ভিদিরে তারা কাজর ধোক্ক্যেন অন্। ইগুনে বানা নিজো পৌইদ্যেনে চিন্তে গরন্। ইগুনে বৈয়্যেরত্ ভাজেই নেযেইয়্যে পানি-নেইয়্যে মেঘ ধোক্ক্যেন। গুলোগুলি পাড়িবার অক্তত্ গুলোগুলি নেই বিলিনে শিঙোর্ সুদ্ধো উগুরেই ফেল্ল্যে গাজ ধোক্ক্যেন ইগুনে দ্বি'কিত্যেদি মরা।

ফগদাং পেইয়্যে 1:11

তে মরে কলঅ, “যিয়েন দেগিবে সিয়েন এক্কো বোইয়োত্ লেখ্, আর সিয়েন ইফিষ, স্মুর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আর লায়দিকেয়া-এ সাত্‌টো শঅরর্ সাত্‌টো মন্ডলী ইধু পাধেই দে।”

ফগদাং পেইয়্যে 1:16

তে তার্ ডেন্ আঢেদি সাত্‌টো তারা ধুরি থোইয়্যে আর তা মুয়োত্তুন্ এক্কান ধার্ ছুরি নিগিলি এজের্ যিয়েনর্ দ্বিয়ো কিত্ত্যেদি ধার্ এলঅ। ভারী তেজে জ্বোল্‌জোল্ল্যে বেলান ধোক্ক্যেন তা মুয়ো চেঙারাগান এলঅ।

ফগদাং পেইয়্যে 1:20

যে সাত্‌টো সনার চেরাগ টগ্ আর মঅ ডেন্ আঢেদি যে সাত্‌টো তারা তুই দেগিলে সিয়েনর্ গুমুরো অত্তগান ইয়েন-সেই সাত্‌টো তারা অলঅ সেই সাত্‌টো মন্ডলীর সাতজন দূত আর সাত্‌টো চেরাগ টগ্ অলঅ সেই সাত্‌টো মন্ডলী।

ফগদাং পেইয়্যে 1:4

মুই যোহন এশিয়া রেজ্যর্ সাত্‌টো মন্ডলী ইধু লেগঙর্। যিবে আঘে, যিবে এলঅ আর যিবে এজের্ তে আর তা সিংহাসনান মুজুঙোত্ যে সাত্‌টো আত্মা থায় সিগুনে আর যীশু খ্রীষ্ট তমারে দোয়্যে গোরোক্ আর শান্তি দান গোরোক্। যীশুই বিশ্বেজি-সাক্ষী আর মরণত্তুন্ তেয়ই পত্তমে জেদা ওই উঠ্যে, আর তেয়ই পিত্‌থিমীর রাজাগুনোর শাসনগুরিয়্যে। তে আমারে কোচ্‌পায় আর নিজোর্ লো-গান্দোই পাপত্তুন্ আমারে উদ্ধোর্ গোজ্জ্যে।

ফগদাং পেইয়্যে 2:13

তুই কুধু বজত্তি গরর্ সিয়েন মুই হবর্ পাং; সিয়েনত্ শদানর্ সিংহাসনান্ আঘে। তো তুই মঅ উগুরে বিশ্বেজি আঘচ্ আর মঅ উগুরে তর্ বিশ্বেজ্‌চানরে অস্বীগের্ ন-গরচ্। এন্‌ কি, যিয়েনত্ শদানে বজত্তি গরে সিয়েনত্ যেক্কে মর্ বিশ্বেজি সাক্ষী আন্তিপাসে তমা মুজুঙোত্ খুন ওইয়্যে সেক্কেয়ো তুই তঅ বিশ্বেজ্‌চানরে অস্বিগের্ ন-গরচ্।

ফগদাং পেইয়্যে 2:19

মুই তর্ কামানি, তর্ কোচ্‌পানা, তর্ বিশ্বেজ্, তর্ সেবা আর তর্ ধৈজ্জ্যর্ কধা কোই পারং। আর তুই পত্তমে যেদক্কানি কাম গোজ্জ্যস্ সিয়েনিত্তুন্ বেশ্ ইক্কিনে যে আরঅ বেশ্ কাম গরর্ সে কধাগানঅ মুই কোই পারং।

ফগদাং পেইয়্যে 2:2

মুই তর্ কাম, গাম ঝরানা আর ধৈজ্জ্যর্ কধানি জানং। মুই কোই পারং তুই ভান্ন্যেই মানুচ্চুনোরে সোজ্জ্য গুরি ন-পারচ, আর যিগুনে দূত্ ন-ওইনেয়ো নিজোরে দূত্ বিলিনে দাবি গরন্ তারারে যগা চেইয়োচ্ আর তারা যে মিজে মাঢিয়্যে সিয়েনর্ প্রমানঅ পেইয়োচ্।

ফগদাং পেইয়্যে 2:9

তর্ দুঘ্ আর রাদ কালর্ কধা মুই কোই পারং, মাত্তর্ তো তুই থাগোইয়্যে। নিজোরে যিহূদী কলেয়ো যিগুনে যিহূদী নয় বরং শদানর্ দলর মানুচ্‌, তারা তঅ বিরুদ্ধে যিয়েনি কন্ সিয়েনি মুই হবর্ পাং।

ফগদাং পেইয়্যে 3:15

তুই জুরোয়ো নয়, গরম্‌অ নয়। তুই অয় জুরো ন-অয় গরম অলে গম অদঅ।

ফগদাং পেইয়্যে 3:2

তুই জাগি উঠ্ আর বাদবাগী যিয়েনি মরেদে ধোক্ক্যেন ওইয়্যে সিয়েনি দরমর গুরি তুল্, কিত্যেই মঅ গোজেন মুজুঙোত্ তর্ কনঅ কাম মুই থুম অদে ন-দেগং।

ফগদাং পেইয়্যে 3:8

তে এ কধাগান কত্তে: মুই তর্ কামর কধানি কোই পারং। চা, মুই তঅ মুজুঙোত্ এক্কান খুল্ল্যে দুয়োর্ থোলুং যিয়েন বানিবার খেমতা কারঅ নেই। মুই কোই পারং তর্ বল্ ভারী কম, মাত্তর্ তো তুই মঅ কধানি পালেয়োচ্ আর মরে অস্বীগের্ ন-গরচ্।

ফগদাং পেইয়্যে 4:5

সেই সিংহাসনানত্তুন্ ঝিমিলেনি, দর্‌গরেপারা রঅ আর দেবাপেরাগর্ আবাজ্ নিগিলের্। সিংহাসনান মুজুঙোত্ সাত্‌টো বাট্টি জ্বলের্। সেই বাট্টিগুন গোজেনর্ সাত্‌টো আত্মা।

ফগদাং পেইয়্যে 5:6

চের্‌বো জেদা প্রাণী আর নেতাগুনো সংমধ্যে যে সিংহাসনান্ এলঅ সিয়েন উগুরে এক্কো ভেড়া-ছরে মুই থিয়্যেই থাগদে দেগিলুং। মর্ মনে অত্তে যেন সেই ভেড়া-ছবোরে মারে ফেলা ওইয়্যে। সেই ভেড়া-ছবোর্ সাত্‌টো শিং আর সাত্‌টো চোগ্ এলাক্। গোজেনর্ যে সাত্‌টান আত্মারে পিত্‌থিমীর বেক্‌ জাগানিত্ দিপাধা অয় এই চোগ্‌কুন এলাক্ সেই সাত্‌টান আত্মা।