ফগদাং পেইয়্যে 22:4 - Chakma Bible

⁴ তারা তা মুয়োন দেগিবাক্ আর তা নাঙান্ তারার্ কবালত্ লেগা থেবঅ।

ফগদাং পেইয়্যে 22:4 Iomraidhean Croise

ইয়োব 33:26

তে গোজেন ইদু তবনা গুরিবো আহ্ তে তারে দোয়ে গুরিবো; তে গোজেন মুয়োন দেগিনে হুজিয়ে রঅ ছারি উদিবো; গোজেনে তারে তার নিদ্দুযি অবস্থাত্ ফিরি আনিবো।

গীতসংহিতা 17:15

মাত্তর্ মুই যেন নিদ্দুজি ওইনে তঅ মুজুঙোত্ থেই পারং, যেন মরণত্তুন্ জাগি উদিনে তরে দেগিনে মুই হুজি অং।

গীতসংহিতা 4:6

ভালোক্জনে কন্, “কন্না আমারে ভালেদি গুরি পারে?” ও লগেপ্রভু, তর্ দোয়্যের্ চোগেদি রিনি চানাগান পহ্‌র ধোক্ক্যেন্ গুরি আমা উগুরে পোড়োক্।

গীতসংহিতা 42:2

গোজেনত্তে, জেদা গোজেনত্তেই মর্ পরাণানত্ তিরেচ্ লাগের্; কক্কেনে মুই যেইনে তা মুজুঙোত্ থিয়্যেই পারিম্?

যিশাইয় 33:17

তঅ চোগ্‌কুনে রাজারে তার সয়সাগর ভিদিরে দেগিবাক্, আর দেগিবাক্ এমন্ এক্কান দেজ্ যিয়েনর দুযি বোউত্ দাঙর্।‌‌‌

যিশাইয় 40:5

সেক্কে লগেপ্রভুর্ বাঈনী ফগদাং গরা অবঅ, আর বেক মানুচ্চুনে সিয়েনি এক সমারে দেগিবাক্; লগেপ্রভু এ কধানি কোইয়্যে।”

যিহিষ্কেল 33:23

পরেদি লগেপ্রভুর এ কধাগান মইধু ফগদাং অলঅ,

মথি লেখ্যে গম্ হবর্ 5:8

যিগুনোর্ মনানি দোল্ তারা বর্‍‍‍পেইয়্যে, কিয়া তারা গোজেনরে দেগিবাক্।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

১ করিন্হীয় 13:12

আমি ইক্কিনে যেন আনাত্ গমেডালে ন-দেগির্, মাত্তর্ সেক্কেনে মুজুঙো-মুজুঙি দেগিবোং। মুই ইক্কিনে যিয়েন হবর্ পাং সিয়েন পুরো নয়, মাত্তর্ গোজেনে মরে যেবাবোত্যেগুরি হবর্ পায় সেক্কে মুই সেবাবোত্যেগুরি পুরোপুরি গুরি হবর্ পেইম্।

ইব্রীয় 12:14

বেক্‌ মানুচ্চুনো সমারে সুগে-শান্দিয়্যে থাগদে আর পবিত্র অবাত্যে আয়োজি অ।

ফগদাং পেইয়্যে 14:1

সে পরেদি মুই রিনি চেলুং, সেই ভেড়া-ছবো সিয়োন মূড়োবো উগুরে থিয়্যেই আঘে। তা সমারে আঘন্ একশ চৌচল্লিচ আজার মানুচ্‌। তারার্ কবালত্ ভেড়া-ছবো আর তা বাব নাঙান্ লেগা আঘে।

ফগদাং পেইয়্যে 3:12

যে জিদিবো তারে মুই মর্ গোজেন ঘরর্ এক্কো খুদো বানেম; তে আর কনদিন্‌অ বারেদি ন-যেবঅ। মুই তা উগুরে মর্ গোজেনর্ নাঙান্ আর মর্ গোজেনর্ শঅরানর্ নাঙান লিগিম। নুয়ো যিরূশালেমানই সেই শঅরান্। স্বর্গ ভিদিরেত্তুন্ মঅ গোজেন ইত্তুন এ শঅরান্ লামি এবঅ। যে জিদিবো মুই তা উগুরে মর্ নুয়ো নাঙান্অ লিগিম।

ফগদাং পেইয়্যে 7:3

“আমা গোজেন চাগরুনোর্ কবালত্ সীলমহ্‌র ন-দেনা সং পিত্‌থিমী, সাগর বা গাজ্-পালার ক্ষোতি ন-গোজ্জ্য।”