ফগদাং পেইয়্যে 22:18 - Chakma Bible

¹⁸ যে মানুচ্চো এ বোইবোর্ বেক্ কধানি, অত্তাৎ গোজেনর্ কধা শুনিনে মুই তা ইধু এ সাক্ষ্যগান দোঙত্তে, কেঅ যুনি ইয়েন সমারে কিজু মিজেয় সালে গোজেনেয়ো এ বোইবোত্ লেখ্যে বেক্ আঘাত্‌‌তানি তা জিংকানিত্ যোগ গুরিবো।

ফগদাং পেইয়্যে 22:18 Iomraidhean Croise

গম্ উপদেজ্ 30:6

তা কধানি সমারে অন্য কনঅ কধা ন-মিজেবা; মিজেলে তে তঅ দুষ্‌‌ছান দেগেই দিবো, আর তুই মিজে কধা কোইয়্যে বিলিনে প্রমান্ অবঅ।

লেবীয় 26:18

এদক্কানির্‌ পরেদিয়ো যুনি তুমি মর্‌ কধানি ন-শুনো সালে মুই তমার্‌ পাপর্‌ সাতগুণ সাজা দিম।

লেবীয় 26:28

সালে মুইয়ো অমকদ বেজার্ ওইনে তমা বিপক্ষে চলিম আর তমার পাপর্‌ সাতগুন্‌ সাজা দিম।

লেবীয় 26:37

কনজনে তারার্‌ পিজেন্দি ন-লোড়েলেয়ো যুদ্ধোর্‌ আদত্তুন্‌ বাঁচিবাত্তে আদি যেইয়্যে মান্‌জ্য ধোক্ক্যেন গুরি দাবা দিবাত্তে যেইনে তারা এক্কো আর এক্কো উগুরে পড়িবাক্। শত্রুগুনোর মুজুঙোত্ তুমি থিয়্যেই ন-পারিবা।

মথি লেখ্যে গম্ হবর্ 15:13

জোবত্ তে কলঅ, “যে চারাবো মর্ স্বর্গর্ বাপ্পো ন-লাগায় সিগুন বেক্কুন্ উগুরে ফেলা অবঅ। তারা কধা বাদ্ দুয়ো।

ইফিষীয় 4:17

ইয়েনত্যে মুই কঙর্, আর প্রভুর্ ওইনে বিশেষ জোর্ দিইনে কঙর্-অযিহূদীগুনে যেবাবোত্যেগুরি বাজে চিন্তেলোই তারার্ জিংকানি কাদান্ তুমি আর্ সেবাবোত্যেগুরি জিংকানি ন-কাদেয়ো।

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 4:2

মুই তমারে যে উগুমানি দুয়োঙর্‌ তা সমারে কিজু ন মিজেয়ো আর সিয়োত্তুন্‌ কিজু বাদঅ ন দুয়ো। তমা গোজেন লগেপ্রভুর যেদক্কানি উগুম মুই তমারে দুয়োঙর্‌ সিয়েনি তুমি মানি চলিবা।

১ থিষলনীকীয় 4:6

এ পৌইদ্যেনে অন্যেয় গুরিনে কেঅ যেন কনঅ ভেইয়োরে ন-থগান্। আমি আগে তমারে কোইয়্যেই আর উজিয়ার্ গুরি দিয়্যেই, এ বেক্‌ অন্যেয়ানিত্যে প্রভুই সাজা দিবো,

ফগদাং পেইয়্যে 1:3

গোজেনর্ কধানি যিয়েনি ইয়েনত্ লেগা ওইয়্যে, যিবে সিয়েনি পড়ে তে বর্‌পেইয়্যে আর যিগুনে সিয়েনি শুনোন্ আর পালন গরন সিগুনেয়ো বর্‌পেইয়্যে, কিয়া সময়ান কায়কুরে লুম্মেগি।

ফগদাং পেইয়্যে 15:1

যেরেদি মুই স্বর্গত্ আর এক্কান দাঙর্ আর আমক্ অবার্ চিহ্নো দেগিলুং। দেগিলুং, সাতজন স্বর্গদূত আর তারার্ আঢত্ শেজর্ সাত্‌তান আঘাত। ইয়েনিরে শেজর্ আঘাত কুয়ো অর্ কিয়া ইয়েনিলোই গোজেনর্ রাগর্‌অ থুম্ অবঅ।

ফগদাং পেইয়্যে 15:6

সেক্কে সেই সাতজন স্বর্গদূত্ সাত্‌তান আঘাত লোইনে উবোসনা-ঘরত্তুন্ নিগিলি এলাক্। তারার্ কিয়্যেনিত এলঅ সাব্ চোক্‌চোক্যে কাবড় আর বুগোত্ বান্যে এলঅ সনার পট্টি।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।

ফগদাং পেইয়্যে 22:10

সে পরেদি তে মরে কলঅ, “এ বোইবোর্ বেক্ কধানি, অত্তাৎ গোজেনর্ কধানি তুই গুমুরোত্ ন-থোচ্, কিয়া সময়ান লুম্মেগি। যে অন্যেয় গুরিয়্যেবো, তে ইয়েনর্ পরেদিয়ো অন্যেয় গোরোক্;

ফগদাং পেইয়্যে 22:16

“মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”

ফগদাং পেইয়্যে 22:7

যীশু কত্তে, “চঅ, মুই যাদিমাদি এজঙর্। এ বোইবোর বেক্ কধানি, অত্তাৎ গোজেনর্ কধানি যে পালায় তে বর্‌পেইয়্যে।”

ফগদাং পেইয়্যে 22:9

মাত্তর্ তে মরে কলঅ, “থামা মুই তর্ আর তঅ বিশ্বেজি ভেইয়ুনোর, অত্তাৎ ভাববাদীগুনোর্ আর যিগুনে এ বোইবোর্ বেক কধানি পালান্ তারার্ চাগর সমাজ্যে। গোজেনরে সালাম গর্।”

ফগদাং পেইয়্যে 3:14

লায়দিকেয়া শঅরর্ মন্ডলী দূত্‌তো ইধু এ কধাগান লেগ- যিবে আমেন, যে বিশ্বেজি আর সত্য সাক্ষী, যিবে গোজেনর্ সৃট্টির গড়াগান, তে এ কধাগান কর্: মুই তর্ কামর কধানি কোই পারং।