ফগদাং পেইয়্যে 22:16 - Chakma Bible

¹⁶ “মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”

ফগদাং পেইয়্যে 22:16 Iomraidhean Croise

যিশাইয় 11:1

যিশয়র গড়াত্তুন্ এক্কো নূয়ো চারা নিগিলিবো; তা শিঙোরর্ সেই চারাবোত্ গুলোগুলি ধুরিবাক্।

যিশাইয় 14:12

ও শুকতারা, বেন্যেমাদানর্ পুয়োবো, তুই দঅ স্বর্গত্তুন্ পোজ্যস্। তুই একদিন জাদ্‌তুনোরে ওদেই দুয়োচ্ আর তরে ইক্কিনে পিত্‌‌‌থিমীত ফেলেই দিয়্যে ওইয়্যে।

সখরিয় 6:12

তারে কঅ, বেগত্তুন্ খেমতাবলা লগেপ্রভু কত্তে, ইবে সেই মানুচ্চো, যিবের্ নাঙান্ চারাগাছ; তে নিজো জাগানত্তুন্ বাড়ি উদিবো আর লগেপ্রভুর ঘর বানেব।

গণাণা 24:17

‘ইক্কিনে ন-অলেয়ো মুই তারে দেগঙর্, যুনিয়ো তে কোয়-কুরে নয় তো তা উগুরে মর্‌ চোগ্‌ পোজ্যে। এক্কো তারা উদিবো যাকোবর্‌ বংশত্‌, এক্কো রাজদন্ড উদিবো ইস্রায়েলর মোধ্যেত্তুন। মোয়াবীয়গুনোর্‌ আর শেথর পুয়োগুনোর্‌ মাঢাগুন তে গুড়ি গুরি দিবো।

মথি লেখ্যে গম্ হবর্ 1:1

যীশু খ্রীষ্ট দায়ূদ বংশর আর দায়ূদে অব্রাহাম বংশর মানুচ্। যীশু খ্রীষ্টর বংশর্ নাঙানি:

মথি লেখ্যে গম্ হবর্ 2:2

“যিহূদীগুনোর যে রাজাবো জোর্মেয়্যে তে কুদু? পূগেদি আগাজত্ আমি তার্ তারাবো দেগিনে তারে জু জু জানেবাত্তে এচ্চ্যেই।”

মথি লেখ্যে গম্ হবর্ 22:42

“তুমি মশীহ পৌইদ্যেনে কি মনে গরঅ? তে কাহ্ বংশধর্?” তারা কলাক্, “তে দায়ূদ বংশধর্।”

মথি লেখ্যে গম্ হবর্ 22:45

সালে দায়ূদে যেক্কে মশীহরে প্রভু বিলি ডাক্যে সেক্কে মশীহ কেধোক্ক্যেন্ গুরি দায়ূদ বংশধর্ ওই পারে?”

লূকে লেখ্যে গম্ হবর্ 20:44

দায়ূদে দঅ মশীহরে প্রভু বিলি ডাক্ক্যে; সালে মশীহ কিবাবোত্যেগুরি দায়ূদো বংশধর্ ওই পারে?”

রোমীয় 15:12

আরঅ যিশাইয় কোইয়্যেদে, যিবে যিশয়র গড়াগান্ তে এবঅ, বেক্ জাদ্‌তুনোরে শাসন গুরিবাত্তে তে থিয়্যেব। তা উগুরে বেক্ জাদর্ মানুচ্চুনোরে আজা রাগেব।

রোমীয় 9:5

গোজেনর্ দাঙর্ ভক্তগুনে তারার্ পুরোণি মানুচ্ এলাক্ আর মানুচ্ ইজেবে মশীহ তারা গুট্টিত্ জোর্মেয়্যে। তেয়ই গোজেন, যিবে বেক্কুনো উগুরে; বেক্ বাঈনীগান্ তার্। আমেন।

২ পিতর 1:19

পবিত্র বোইবো ভিদিরে ভাববাদীগুনে যিয়েনি কোইয়োন সিয়েনি সত্য বিলিনে প্রমান ওইয়্যে। আন্ধারত্ যেধোক্ক্যেন তমা চোগ্‌কুন বাট্টিবো ইন্দি থায় ঠিগ্ সেধোক্ক্যেন গুরি, যেদক্কন সং বেন্যেমাদান পহ্‌র ন-অয় আর তমা রিবেঙত্ শুকতারাবো ন-উদে, সেদক্কন সং ভাববাদীগুনোর কধানি মনযোগ দিলে তুমি গম গুরিবা।

ফগদাং পেইয়্যে 1:1

এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।

ফগদাং পেইয়্যে 1:11

তে মরে কলঅ, “যিয়েন দেগিবে সিয়েন এক্কো বোইয়োত্ লেখ্, আর সিয়েন ইফিষ, স্মুর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আর লায়দিকেয়া-এ সাত্‌টো শঅরর্ সাত্‌টো মন্ডলী ইধু পাধেই দে।”

ফগদাং পেইয়্যে 1:4

মুই যোহন এশিয়া রেজ্যর্ সাত্‌টো মন্ডলী ইধু লেগঙর্। যিবে আঘে, যিবে এলঅ আর যিবে এজের্ তে আর তা সিংহাসনান মুজুঙোত্ যে সাত্‌টো আত্মা থায় সিগুনে আর যীশু খ্রীষ্ট তমারে দোয়্যে গোরোক্ আর শান্তি দান গোরোক্। যীশুই বিশ্বেজি-সাক্ষী আর মরণত্তুন্ তেয়ই পত্তমে জেদা ওই উঠ্যে, আর তেয়ই পিত্‌থিমীর রাজাগুনোর শাসনগুরিয়্যে। তে আমারে কোচ্‌পায় আর নিজোর্ লো-গান্দোই পাপত্তুন্ আমারে উদ্ধোর্ গোজ্জ্যে।

ফগদাং পেইয়্যে 2:11

যিবের শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো দ্বি'পল্লা মরণ অলেয়ো কনবাবদে তার ক্ষতি ন-গুরিবো।

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।

ফগদাং পেইয়্যে 2:7

যিবের্ শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই গোজেনর্ পরমদেজর্ জিংকানি-গাজর্ ফল হেবাত্যে দিম।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।

ফগদাং পেইয়্যে 22:11

যে জঘন্য, তে ইয়েনর্ পরেদিয়ো জঘন্য থোক্। গম্ মানুচ্ ইয়েনর্ পরেদিয়ো গম্ কাম গরানাত্ থোক্ আর যে মানুচ্চো পবিত্র, তে ইয়েনর্ পরেদিয়ো পবিত্র থোক্।”

ফগদাং পেইয়্যে 22:20

যিবে ইয়েনি পৌইদ্যেনে সাক্ষ্য দের্ তে কত্তে, “ঘেচ্চেকগুরি মুই যাদিমাদি এজঙর্।” আমেন। প্রভু যীশু, আয়।

ফগদাং পেইয়্যে 22:6

যেরেদি সেই স্বর্গদুত্‌তো মরে কলঅ, এই বেক্‌ কধানি বিশ্বেজ্‌গুরিবার আর সত্য। প্রভু গোজেন, যিবে ভাববাদীগুনোরে দিইনে কধা কোইয়্যে তে তার্ দূত্‌তোরে পাধেই দিয়্যে, যেন কয়েক দিনো ভিদিরে যিয়েন খামাক্কায় ঘুদিবাত্যে যার্ সিয়েন সেই স্বর্গদূত্‌‌তো তা চাগরুনোরে দেগেই পারে।

ফগদাং পেইয়্যে 3:13

যিবের শুনিবার কান আঘে তে শুনোক্, পবিত্র আত্মা মন্ডলীগুনোরে কি কর্।

ফগদাং পেইয়্যে 3:22

যিবের শুনিবার কান্ আঘে তে শুনোক্, পবিত্র আত্মা মন্ডলীগুনোরে কি কর্।”

ফগদাং পেইয়্যে 3:6

যিবের শুনিবার কান আঘে তে শুনোক্, পবিত্র আত্মা মন্ডলীগুনোরে কি কর্।

ফগদাং পেইয়্যে 5:5

যেরেদি নেতাগুনোত্তুন্ একজনে মরে কলঅ, “ন-কানিচ্। যিহূদা গুট্টির সিংহ, যিবে দায়ূদো গুট্টি, তে জিত্যে। তেয়ই সেই সাত্‌টো সীলমহ্‌র ভাঙিনে বোইবো মেলি পারে।”