ফগদাং পেইয়্যে 22:12 - Chakma Bible

¹² যীশু কত্তে, চঅ, মুই যাদিমাদি এজঙর্ আর পত্তিজনরে তার্ কাম মজিম দিবার বক্‌শিজ মঅ সমারে আঘে।

ফগদাং পেইয়্যে 22:12 Iomraidhean Croise

ইয়োব 34:11

তে মান্‌জ্যরে তা কামর্ ফল দে; তা আচার-বেবহার অনুসারে তে তার পাওনা দে।

গীতসংহিতা 28:4

তারার্ কামর্ ফল, তারার্ ভান্ন্যেই কামর্ ফল, তুই তারারে দিচ্; তারার্ আঢ্‌তানিয়ে যে কামানি গরের্ সিয়েনর ফলুন্ তারারে দে; তারার্ যিয়েনি পাওনা সিয়েনি তারারে দে।

যিশাইয় 40:10

চঅ, প্রভু লগেপ্রভুর খেমতালোই এজের্, তার খেমতাবলা আঢ্‌তান তার ওইনে রাজাগিরি গরের্।‌ চঅ, বক্‌শিজ্‌‌‌চান তা সমারে আঘে, তার পাওনাগান তাইদু আঘে।

যিশাইয় 62:11

লগেপ্রভু পিত্‌থিমীর শেজ্ দুযি সং ফগদাং গোজ্যে, “সিয়োন-মিলেবোরে কঅ, ‘চাহ্, তঅ উদ্ধোর্ গুরিয়্যেবো এজের্। চাহ্, তে যে বক্‌‌শিজ্‌‌চান পেইয়্যে সিয়েন তা সমারে আঘে; তার পাওনাগান তা ইদু আঘে।’ ”

যিরমিয় 17:10

মুই লগেপ্রভু মনান তোগেইনে চাং আর মনরে জগা চাং; মুই মান্‌‍‌জ্যর আদাউদো আর তার্ কামর্ পাওনা মজিম ফল্ দুয়োং।‍‍

সফনিয় 1:14

লগেপ্রভুর সেই দাঙর্ দিন্নো কায়কুরে লুম্মেগি আর যাদিমাদি এজের্। উইয়ো শুনো, লগেপ্রভুর দিনুনোর রবো! সেক্কে যোদ্ধাগুনে পীড়েই রঅ ছাড়িবাক্।

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

রোমীয় 14:12

সালে দেগা যাত্তে, আমা বেক্কুনোর্ নিজো পৌইদ্যেনে গোজেন ইধু ইজেব্ দিয়্যে পড়িবো।

১ করিন্হীয় 3:14

যে যিয়েন তুল্ল্যে সিয়েন যুনি ঠিগি থায় সালে তে বক্‌শিজ্ পেবঅ;

১ করিন্হীয় 3:8

যে বীজি লাগায় আর যে পানি দে তারার উদ্দেচ্চ্য এক্কুই, মাত্তর্ পত্তিজনে যার্ যার্ কাম মজিম বক্‌শিজ্ পেবাক্,

ফগদাং পেইয়্যে 11:18

বেক্‌ জাদ্‌তুনে রাগ গোজ্জ্যন্, আর তর্ রাগ ফগদাং গুরিবার সময় ওইয়্যে। মরাগুনোরে বিচের্ গুরিবার সময় এচ্চ্যে, আর তর্ চাগরুনোর্, অত্তাৎ ভাববাদীগুনোর আর তঅ মানুচ্চুনোর আর চিগোন-দাঙর্ যিগুনে তরে ভোক্তি গরন্ তারারে বক্‌শিজ্ দিবার সময় এচ্চ্যে। ইয়েনিবাদে যিগুনে পিত্‌থিমীর ক্ষোতি গোজ্জ্যন্, সিগুনোরে ভস্ত গুরিবার সময় এচ্চ্যে।”

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।

ফগদাং পেইয়্যে 22:20

যিবে ইয়েনি পৌইদ্যেনে সাক্ষ্য দের্ তে কত্তে, “ঘেচ্চেকগুরি মুই যাদিমাদি এজঙর্।” আমেন। প্রভু যীশু, আয়।

ফগদাং পেইয়্যে 22:7

যীশু কত্তে, “চঅ, মুই যাদিমাদি এজঙর্। এ বোইবোর বেক্ কধানি, অত্তাৎ গোজেনর্ কধানি যে পালায় তে বর্‌পেইয়্যে।”

ফগদাং পেইয়্যে 3:11

মুই সবরে এজঙর্। তর্ যিয়েনি আঘে সিয়েনি দরমর গুরি ধুরি থঅ, যেন কেঅ তর্ জিদেনার্ বক্‌শিজ্‌চান কাড়ি ন-লয়।