ফগদাং পেইয়্যে 21:4 - Chakma Bible

⁴ তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”

ফগদাং পেইয়্যে 21:4 Iomraidhean Croise

গীতসংহিতা 144:4

মানুচ্ দঅ বানা নিজেস্; তা দিনুন্ সুরি যেইয়্যে ছাবা ধোক্ক্যেন্।

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

যিশাইয় 30:19

ও সিয়োনর মানুচ্চুন্, তুমি যিগুনে যিরূশালেমত্ বজত্তি গরঅ, তমাত্তুন্ আর কানা ন-পুরিবো। সাহায্যত্তে কানিলে তে হামাক্কায় তমারে দোয়্যে গুরিবো। তে শুনোনার্ লগে লগে জোব্ দিবো।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিশাইয় 60:20

তঅ বেলানে আর কনদিন্অ ন-ঢুবিবো, তঅ চানানেয়ো আর চিগোন ওই ন-যেবঅ। লগেপ্রভু অবঅ তর্ জিংকানিবরর্ পহ্‌র;‌‌‌‌‌‌‍‍ তর্ আবিলেচর দিনুন্ থুম্ অবঅ।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

যিরমিয় 31:13

গাবুজ্যে মিলেগুনে নাজিবাক্ আর ফুত্তি গুরিবাক্, গাবুজ্যে আর বুড়ো মানুচ্চুনেয়ো বাদ ন-যেবাক্। মুই তারার মনত্ দুঘ্‌কান হুজি ইজেবে বুদুলি দিম‍; দুঘোর্ বদলে মুই তারারে দিম মনসুখ্ আর হুজি।

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

১ করিন্হীয় 15:26

শেষ শত্রুবো যে মরণান্, তারেয়ো ভস্ত গরা অবঅ।

১ করিন্হীয় 7:31

যিগুনে জগদ পৌইদ্যেনে জোড়েইয়্যে তারা যেন পুরোপুরি জোড়েইয়্যে নয়; কিয়া জগদর্ চেঙেরাগান্ বুদুলি যার্।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”

ইব্রীয় 12:27

“আর একবার,” এ রঅ দ্বিবেত্তুন্ বুঝো যাত্তে, যে জিনিচ্চানি লাড়া যায়, অত্তাৎ যিয়েন সৃট্টি গরা ওইয়্যে সিয়েন বাদ্ দিয়্যে অবঅ, যেন যে জিনিচ্চানি লাড়া ন-যায় সিয়েনি থির্ থায়।

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

১ যোহন 2:17

জগদ্ আর জগদর্ কামনা-বাসনা থুম্ ওই যার্, মাত্তর্ গোজেনর্ আওজ্‌চান যে পালায় তে উমরত্যে থেবঅ।

ফগদাং পেইয়্যে 20:13

যিদুক্কুন মরা মানুচ্ সাগরত্ এলাক্, সাগরানে তারারে তুলি দিলো। ইয়েন বাদে মরণ আর চিদাখলাত্ যিদুক্কুন মরা মানুচ্ এলাক্, মরণ আর চিদাখলাগানিয়ে তারারে ফিরেই দিলো। পত্তিজনরে তার্ কাম মজিম বিচের্ গরা অলঅ।

ফগদাং পেইয়্যে 20:14

যেরেদি মরণ আর চিদাখলাগানরে আগুনো পুয়োরত্ ফেলেই দিয়্যে অলঅ। এই আগুনো পুয়োরত্ পড়ানা অলঅ দ্বি পল্লা মরানা। যিগুনোর নাঙান্ সেই জিংকানি-বোইবোত্ পাহ্ ন-গেলঅ, তারারেয়ো আগুনো পুয়োরত্ ফেলেই দিয়্যে অলঅ।

ফগদাং পেইয়্যে 21:1

সে পরেদি মুই এক্কান নুয়ো স্বর্গ আর এক্কান নুয়ো পিত্‌থিমী দেগিলুং। পত্তম স্বর্গগান আর পত্তম পিত্‌থিমীগান থুম্ ওই যেয়্যে আর সাগরান্‌অ আর দেগা ন-গেলঅ।

ফগদাং পেইয়্যে 22:3

গোজেনর্ আর ভেড়া-ছবোর্ সিংহাসন সেই শঅরত্ থেবঅ আর তার্ চাগরুনে তারে সেবা গুরিবাক্।

ফগদাং পেইয়্যে 7:17

কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”