ফগদাং পেইয়্যে 21:27 - Chakma Bible

²⁷ অসিজি কনঅ কিজু বা জঘন্য কাম গরে বা মিজে কধা কয় এমন কনঅ মানুচ্ সিয়েনত্ সোমেই ন-পারিবাক্; যিগুনোর নাঙানি ভেড়া-ছবোর্ জিংকানি বোইবোত্ লেগা আঘে তারা বানা সিয়েনত্ সোমেই পারিবাক্।

ফগদাং পেইয়্যে 21:27 Iomraidhean Croise

গীতসংহিতা 101:8

পত্তি বেন্যে দেজ পাজি মানুচ্চুনোরে মুই শেজ্ গুরিম, যেনে লগেপ্রভুর শঅরত্তুন্ পত্তি অন্যেয়গুরিয়্যেরে পিত্‌থিমীত্তুন্ তুলি দিয়্যে অয়।

যাত্রা 32:32

মাত্তর্‌ তুই ইক্কিনে দোয়্যে গুরিনে তারার্‌ পাপ্পানি ক্ষেমা গুরি দে, আর যুনি সিয়েন ন-গরচ্‌ সালে তর্‌ লেখ্যে বোইবোত্তুন্‌ মর্‌ নাঙান্‌অ বাদ দি দে।

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিহিষ্কেল 44:9

যে বিদেশীগুনোর মনানি আর কিয়্যেনি সুন্নত গরা ন-অয় তারা মঅ ঘরত্ সোমেই ন-পারিবাক্; এন্ কি, ইস্রায়েলীয়গুনো ভিদিরে বজত্তি গোজ্যে বিদেশীগুনেয়ো ন-পারিবাক্।

যোয়েল 3:17

লগেপ্রভু কত্তে, সেক্কে তুমি হবর্ পেবা যে, মুয়ই তমার্ গোজেন লগেপ্রভু; মুই সিয়োনত, মর্ সুদ্ধো-সাংগ মুড়োবোত্ বজত্তি গরং। যিরূশালেমান সুদ্ধো-সাংগ অবঅ; বিদেশীগুন আর কনদিন্‌অ সিদু ন-যেবাক্।

লেবীয় 13:46

তার্‌ কিয়্যেত্‌ যেদকদিন সেই মান্‌জ্য ইদু সাজুরেদে রোগ্‌কান্‌ থেবঅ সেদকদিন তে ফিবলা থেবঅ। তাত্তুন ঘরর্ বারেদি গায় গায় থাহ্ পড়িবো।

সখরিয় 14:21

যিরূশালেম আর যিহূদার পত্তি রানেদে পিলেগুন বেগত্তুন্ খেমতাবলা লগেপ্রভুর নাঙে সুদ্ধো-সাংগ অবাক্ আর যিগুনে য়েমান-উৎসর্বর অনুষ্ঠান পালেবাত্তে এবাক্ তারা সেই পিলেগুনোত্তুন কয়েক্কো নিইনে সিগুনোত্ রানিবাক্। সেদিন্যে বেগত্তুন্ খেমতাবলা লগেপ্রভুর ঘরত্ কনজনে বেবসা ন-গুরিবাক্।

গণাণা 12:15

সেনত্তেই মরিয়মরে সাত দিন সং তাম্বুলো বারেন্দি বানি রাগা অলঅ। তারে ফিরি ন-আনানা সং মানুচ্চুনে আদা ন-মারিলাক্।

গণাণা 5:3

তে মিলেমানুচ্‌ ওক্‌ বা মরদ্‌পূঅ ওক্‌ তারে সোরেই দিয়া পুরিবো। এবাবোত্যে মানুচ্চুনে যেনে তাম্বুলান ফি-বলা ন-গরন্‌ সেনত্তেই তাম্বুলোত্তুন্‌ তারারে বারেন্দি সোরেই দিয়া পুরিবো, কিত্যে সিয়েনত্‌ মুই ইস্রায়েলীয়গুনো ভিদিরে বজত্তি গরং।

মথি লেখ্যে গম্ হবর্ 13:41

যিগুনে অন্যগুনোরে পাপ গরান্ আর যিগুনে নিজে পাপ গরন্ তারারে বেক্কুনোরে সেই স্বর্গদূত্‌তুনে মান্‌জ্যপুয়োবোর্ রেজ্যত্তুন্ একলগে এগত্তর্ গুরিবাক্ আর জ্বোল্‌জোল্যে আগুনো ভিদিরে ফেলে দিবাক্।

মার্ক 7:2

তারা দেগিলাক্, যীশুর শিচ্চ্যগুনোত্তুন্ কয়েকজনে আঢ্ ন-ধোইনে অসিজিগুরি হেবাত্তে বোচ্চ্যন্।

লূকে লেখ্যে গম্ হবর্ 10:20

মাত্তর্ ভান্ন্যেই আত্মাগুনে তমা কধা শুনোন্ বিলি হুজি ন-ওইয়ো বরং স্বর্গত্ তমা নাঙান্ লেগা ওইয়্যে বিলি হুজি ওইয়ো।”

ইফিষীয় 5:5

তুমি খামাক্কায় কোই পারঅ, যিগুনে সিনেলী গরন্, যিগুনে অসিজি আর যিগুনে লুভী, অত্তাৎ যিগুনোরে এক বাবোত্যে মূত্তি পুজো গুরিয়্যে কুয়ো যায় খ্রীষ্টর আর গোজেন রেজ্যত্ তারার কনঅ অধিকার নেই।

ফিলিপীয় 4:3

আর মর্ আজল্ সমাজ্জ্যে, মুই তরেয়ো কোজোলি গরঙর্-তুই এই মিলেগুনোরে সাহায্য গর্। তারা খ্রীষ্টর্ পৌইদ্যেনে গম হবরত্যে মঅ লগে আর ক্লীমেন্ত আর মর্ অন্য সমাজ্জ্যেগুনো সমারে দুঘ্ গোজ্জ্যন্। ইগুনোর্ নাঙানি জিংকানি-বোইবোত্ লেগা আঘে।

১ তীমথিয় 1:10

যিগুনে সিনেলী গরন, যিগুনে সমকামী, যিগুনে চাগর বেবসা গরন্, যিগুনে মিজে কধা কন্ আর মিজে সাক্ষি দুয়োন, আর যিগুনে সত্য শিক্ষ্যের বিরুদ্ধে অন্য কনঅ কাম্ গরন।

ইব্রীয় 12:14

বেক্‌ মানুচ্চুনো সমারে সুগে-শান্দিয়্যে থাগদে আর পবিত্র অবাত্যে আয়োজি অ।

২ পিতর 3:13

মাত্তর্ আমি গোজেনর্ এগেম্ মজিম নুয়ো আগাজ্ আর নুয়ো পিত্‌থিমীগানত্যে বাজ্জ্যেই আঘি। সিয়েনত্ বেক্কানি গোজেনর্ আওজ্ মজিম অবঅ।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 3:5

যে জিদিবো তে এবাবোত্যে ধুব্ পোজাক্ পিনিবো। জিংকানি-বোইবোত্তুন্ তা নাঙান্ মুই কনদিনঅ পুঝি ন-ফেলেম, বরং মঅ বাব্‌পো আর তা দুত্‌তুনো মুজুঙোত্ মুই তারে স্বীগের্ গুরি নিম।