ফগদাং পেইয়্যে 21:14 - Chakma Bible

¹⁴ সেই শঅরর্ দেবালানির্ বারবো খুদো গাড়েয়্যে এলঅ আর সিগুনো উগুরে ভেড়া-ছবোর্ বারজন দূতোর্ বারগান নাঙ্ লেগা এলঅ।

ফগদাং পেইয়্যে 21:14 Iomraidhean Croise

যিশাইয় 54:11

লগেপ্রভু কত্তে, ও ঝড়ে আঘাত্ পেইয়্যে, সান্তনা ন-পেইয়্যে অত্যেচার ওইয়্যে শঅরান্, মুই তরে জোল্‌‍‌‌জোল্যে পাত্তর্‌লোই বানেবাত্তে যাঙর্ আর তর্ গড়াগান নীলকান্ত মণিলোই গাড়েম্।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

প্রেরিত্‌ 1:26

তারা ভাগ্য পোরোক্ষ্যে গরানার্ পরেদি মত্তথিয় নাঙান্ উদিলো। ইয়েনত্যে মত্তথিয় সেই এগারজন দিপাধেয়্যেগুনো সামরে মিজেল।

গালাতীয় 2:9

সেই গণ্যমান্য মানুচ্চুনে, অত্তাৎ যাকোব, পিতর আর যোহনে ইয়েনি দেগিনে বুঝি পাজ্জ্যন্দে, মুই গোজেনত্তুন্ বিশেষ দোয়্যে পেইয়োং। তারার্ আর আমা ভিদিরে যে উদো-লোলি আঘে সিয়েন দেগেবাত্যে তারা মর্ আর বার্ণবার্ লগে ডেন্ আঢ্‌তানি মিলেলাক্। তারা রাজী অলাক্কে যে, আমি অযিহূদীগুনো ইধু যেবং আর তারা নিজেই যিহূদীগুনো ইধু যেবাক্।

ইফিষীয় 2:20

প্রচারক আর ভাববাদীগুনে অলাক্ গড়াগান্ আর সেই গড়াগানর্ আজল্ পাত্তর্‌বো খ্রীষ্ট যীশু নিজে। সেই গড়াগান উগুরে তমারে তুল ওইয়্যে।

ইফিষীয় 3:5

সেই গুমুরো উদ্দেচ্চ্যগান পবিত্র আত্মালোই ইক্কিনে যেবাবোত্যেগুরি তার্ পবিত্র প্রচারক আর ভাববাদীগুনো ইধু ফগদাং ওইয়্যে, আগদি বেক্‌ যুগোর্ মানুচ্চুনো ইধু সেবাবোত্যেগুরি ফগদাং ন-অয়।

ইফিষীয় 4:11

তে কুদুক্কুন মান্‌জ্যরে দূত, কুদুক্কুন মান্‌জ্যরে ভাববাদী, কুদুক্কুন মান্‌জ্যরে গম হবর্ প্রচার গুরিয়্যে আর কুদুক্কুন মান্‌জ্যরে পালক আর মাষ্টর ইজেবে নেযেল।

ইব্রীয় 11:10

কিয়া যে শঅ্‌রান্ উমরত্যে দরমর তে সেই শঅরানরে বাজ্জ্যেই রোইয়্যে। সেই শঅ্‌রানর্ নক্‌শা বানানা আর গাধেই তুলিবার কামান্ গোজেনে গোজ্জ্যে।

যিহূদা 1:17

মাত্তর্ কোচ্‌পেইয়্যে ভেইয়ুন, যেদক্কানি কধা আমা প্রভু যীশু খ্রীষ্টর্ দূত্‌তুনে আগেদি কোইয়োন সিয়েনি তুমি ইদোত্ গুরি চঅ।

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 21:13

গেট্‌তুনো ভিদিরে তিন্নো এলঅ পূগেদি, তিন্নো উত্তোরেদি, তিন্নো দোগিণেদি আর তিন্নো পোজিমেদি এলঅ।