ফগদাং পেইয়্যে 20:9 - Chakma Bible

⁹ সেক্কে মুই দেগিলুং, তারা উজেই যেইনে গোজেন মানুচ্চুনোর থেবার চাগালাগান আর তার্ সেই কোচ্‌পেইয়্যে শঅরান ঘিরিলাক্। মাত্তর্ স্বর্গত্তুন্ আগুনান্ লামি এইনে তারারে পুড়ি ফেলেল।

ফগদাং পেইয়্যে 20:9 Iomraidhean Croise

পত্থম 19:24

সে পরেদি লগেপ্রভু স্বর্গর লগেপ্রভুত্তুন্‌ সদোম্‌ আর ঘমোরা উগুরে গন্ধক আর আগুনো ঝড় আরাম্ভ গুরিলো।

২ রাজাবলী 6:15

তার্‌কেল্যে বেন্যেপোত্যে গোজেনর্‌ মানুচ্চোর্‌ চাগর্‌বো উদিনে যেক্কে বারেন্দি গেলঅ সেক্কে তে দেগিলোদে ঘোড়া আর রথ্‌তানি লোইনে একদল সৈন্য শঅরান্‌ ঘিরি ফেল্যন্‌। সে চাগর্‌বো সেক্কে কলঅ, “ও, হদা! ও মর্‌ গিরোজ্‌, আমি কি গুরিবোং?”

ইয়োব 38:18

পিত্‌থিমীগান কত্তমান দাঙর্ সিয়েন কি তুই আন্দাজ্ গুরি পাজ্যস্? যুনি তুই ইয়েনি হবর্ পাচ্ সালে কঅ।

গীতসংহিতা 106:18

তারা দল ভিদিরে আগুন জুলি উদিলো; আগুনো জিলানে পাজি মানুচ্চুনোরে পুড়ি ফেলেল।

গীতসংহিতা 87:2

যাকোব-বংশর অন্য বেক থেবার জাগানিত্তুন্ তে সিয়োনর গেট্টুন কোচ্‌পায়।

গীতসংহিতা 97:3

তা আগ্‌মলিম আগুনানে যার্; সেই আগুনানে তা চেরোকিত্যে বেক শত্রুগুনোরে পুড়ি ফেলেয়্যে।

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

যিশাইয় 37:36

সে পরেদি লগেপ্রভুর দূত্‌তো নিগিলিনে আসিরিয়গুনোর্ তাম্বুলোর্ এক লাখ্ পাচাশি আজার্ মান্‌‌‌জ্যরে মারে ফেলেল। তার্ কেল্যে বেন্যে অক্তত্ মানুচ্চুনে যেক্কে উদিলাক্ সেক্কে দেগা গেলদে বেক জাগানিত্ বানা মরা মানুচ্।‌‍‌

যিহিষ্কেল 38:16

দেজ্‌‌‌চান মেঘ ধোক্ক্যেন গুরি নাঢি ফেলেবাত্তে তুই মঅ মানুচ্ ইস্রায়েল বিরুদ্ধে উজেই এবে। ও গোগ, শেজ্ কালত্ মুই মঅ দেজ্‌‌‌‌‌চান বিরুদ্ধে তরে আনিম। সেক্কে মুই জাদ্‌‌‌‌‌তুনোর চোগো মুজুঙোত্ তঅ ভিদিরেদি নিজোরে সুদ্ধো-সাংগ বিলি দেগেম্ যেনে তারা মরে হবর্ পান।

যিহিষ্কেল 38:22

মুই ভানা আর লো ঝোরেইনে গোগরে সাজা দিম্; মুই অমকদ ঝড়, শিল্ আর জ্বোল্ জোল্যে গন্ধক তা উগুরে, তা সৈন্যগুনো উগুরে আর তা লগে বেক্ জাদ উগুরে ঢালি দিম।

যিহিষ্কেল 38:9

তুই আর তর্ বেক সৈন্যগুন আর তঅ সমারে ভালোক্কুন জাদে সেই দেজ্‌‌‌‌‌‌চান আক্রমন গুরিবাত্তে ঝড় ধোক্ক্যেন উজেই যেবাক্; তুমি মেঘ ধোক্ক্যেন গুরি দেজ্‌‌‌‌‌‌চানরে নাঢি ফেলেবা।

যিহিষ্কেল 39:6

মুই মাগোগ উগুরে আর যিগুনে দূর দেজ্‌‌‌চানিত্ গমেডালে বজত্তি গত্তন্ তারা উগুরে আগুন পাদেম্; সেক্কে তারা হবর্ পেবাক্, মুয়ই লগেপ্রভু।

মীখা 2:13

বন্দীদজাত্তুন্ ফিরি এবাত্তে যিবে পথ খুলি দিবো তে তারার্ আগে আগে যেবঅ; তারা গেইট্ ভাঙিনে নিগিলি এবাক্। লগেপ্রভু, যিবে তারার্ রাজা, তে তারার্ আগে আগে যেবঅ।

হবক্‌‌‌‌কূক 1:6

মুই বাবিলীয়গুনোরে যুক্কোল্ গরঙর্; তারা সেই চিৎনপুজ্যে জাদ্, যিগুনে অন্যগুনোর দেজ্‌‌চানি গজক্ গুরিবাত্তে পুরো পিত্‌‌থিমীর বেক্ জাগায়ানি ইধু যান।

গণাণা 11:1

ইস্রায়েলীয়গুনোর যেদক্কানি দুখ্‌-কট্ট অর্‌ সিয়েনিলোই তারা লগেপ্রভুর মুজুঙোত্ কিজিক্-মিজিক্ গরা ধোজ্যন্‌। সিয়েনি শুনিনে লগেপ্রভু অমহদ বেজার্‌ অলঅ। তার পাধেয়্যে আগুনান্‌ তারা ভিদিরে জ্বলা ধুরিলো আর তাম্বুলোর কাজা কুরেন্দি কিজু মান্‌জ্যরে পুড়িনে মারে ফেলেল।

গণাণা 16:35

ইন্দি যে দিশঅ পঞ্চাশজন মান্‌জ্যে পৌইরেগ্ উৎসর্ব গোজ্যন্‌ লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল।

লূকে লেখ্যে গম্ হবর্ 17:29

মাত্তর্ যেদিন্ন্যে লোটে সদোম ছাড়িনে এলঅ সেদিন্ন্যে স্বর্গত্তুন্ আগুন আর গন্ধকর্ ঝড়্ পুরিনে বেক্‌ মানুচ্চুনোরে ভস্ত গুরিলো।

লূকে লেখ্যে গম্ হবর্ 19:43

এমন্ সময় এবঅ যেক্কে শত্রুগুনে তঅ বিরুদ্ধে চেরোকিত্তে দেবাল্ তুলিবাক্ আর তরে ঘিরি রাগেবাক্ আহ্ চেরোকিত্ত্যেত্তুন্ তরে চাপি ধুরিবাক্।

লূকে লেখ্যে গম্ হবর্ 21:20

তুমি যেক্কে দেগিবা যিরূশালেমানরে সৈন্যগুনে ঘিরি ফেল্ল্যন্ সেক্কে বুঝিবা, যিরূশালেমর্ ভস্ত অবার্ সময় এচ্চ্যে।

লূকে লেখ্যে গম্ হবর্ 9:54

সিয়েন্ দেগিনে তা শিচ্চ্য যাকোব আর যোহনে কলাক্, “প্রভু, তুই কি চাজ্ যে, এলিয় ধোক্ক্যেন্ আমি ইগুনোরে ভস্ত গুরিবাত্তে স্বর্গত্তুন্ আগুন লামি এবাত্তে কবং?”

দ্বি’লম্বর বিররণ 23:14

তমারে রোক্ষে গুরিবাত্তে আর তমা শত্রুগুনোরে তমা আদত্‌ তুলি দিবাত্তে তমার গোজেন লগেপ্রভু তমার তাম্বুলো ভিদিরে ঘুরি বেড়ায়। সেনত্যে তমার তাম্বুলান পবিত্র অবস্থায় রাগা পুরিবো যেনে তমা ভিদিরে জঘন্য কিজু দেগিনে তে তমা ইন্দিত্তুন্‌ মুয়োন্‌ ফিরেইনে ন-নেযায়।

ইব্রীয় 13:13

সেনত্যে এজঅ, তার অসর্মানান্ নিজে লোইনে আমি শঅরর্ বারেদি তা ইধু যেই,

ফগদাং পেইয়্যে 11:5

কেঅ যুনি তারারে ক্ষোতি গুরিবাত্যে চায় সালে তারার্ মুয়োত্তুন্ আগুন নিগিলিনে সেই শত্রুগুনোরে পুড়ি ফেলেবাক্। যে কেঅ তারারে ক্ষোতি গুরিবাত্যে চেবাক্ তারাত্তুন্ এবাবোত্যেগুরি মরা পড়িবো।

ফগদাং পেইয়্যে 13:13

তে দাঙর্ দাঙর্ আমক্ কাম গরা ধুরিলো, এন্ কি, মানুচ্চুনোর চোগো মুজুঙোত্ আগাজত্তুন্ পিত্‌থিমীত্ আগুনান্ লামেই আনিলো।