ফগদাং পেইয়্যে 20:2 - Chakma Bible

^2-3 তে সেই দানপ্পোরে, অত্তাৎ সেই পুরোণি সাপ্‌পোরে যিবেরে দিয়াবল আর শদান্ কুয়ো অয় তারে ধুরিনে এক আজার বজরত্যে বানিলো আর সেই সুরুঙো গাঢ্‌তোদ্ ফেলেই দিলো। পরেদি তে সিয়েনত্ তালা দিইনে তা উগুরে সীলমহ্‌র্ গুরিলো, যেনে এই এক আজার বজর্ থুম ন-অনা সং পিত্‌থিমীর জাদ্‌তুনোরে আর সেই ভুল পধেদি নেযেই ন-পারে; সে পরেদি কিজু দিনোত্যে তারে অবুচ্চ্যই ইরি দিয়্যে অবঅ।

ফগদাং পেইয়্যে 20:2 Iomraidhean Croise

পত্থম 3:1

লগেপ্রভু গোজেনর বানেয়্যে মাদি উগুরে ঝার্‌বো পরাণবলাগুনো ভিদিরে সাপ্পো এলদে বেক্কুনোত্তুন্ চালাক্‌। এ সাপ্পো একদিন্যে সে মিলেবোরে কলঅ, “গোজেনে কি হামাক্কায় তমারে কোইয়্যে, বাগানর বেক্‌ গাজ গুলোগুন তুমি হেই ন-পারিবা?”

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

ইয়োব 1:7

সেক্কে লগেপ্রভু শদানরে কলঅ, “তুই কুত্তুন্‌ এচ্ছোস্‌?” জোবত্‌ শদান্নো লগেপ্রভুরে কলঅ, “পিত্‌‌থিমীর্‌ ভিদিরেদি ইন্দি-উন্দি গুরিনে এলুঙ্‌।”

যিশাইয় 24:22

জেলখানা গাদত্ যেধোক্ক্যেন গুরি বন্দিগুনোরে একসমারে রাগা অয় সেধোক্ক্যেন গুরি তারারে একসমারে রাগা অবঅ। তারারে বানি রাগা অবঅ জেলখানাত্ আর ভালোক্ দিন পরে তারারে সাজা দিয়্যে অবঅ।

যিশাইয় 27:1

সেদিন্যে লগেপ্রভু তার দর্‌গরেপারা, দাঙর্ আর খেমতাবলা তলোয়ার্‌লোই সেই বেঙা-কঙা গুরি ধেই যেইয়্যে সাপ্‌পো লিবিয়াথনরে সাজা দিবো। তে সাগরর্ সে দেবেদাবোরে কাবি ফেলেব।‍‍

যিহিষ্কেল 47:5

সে পরেদি তে আর এক আজার্ আত্ মাবিলো, মাত্তর্ পানি সেক্কে গাঙ্ ওই যানায় মুই পার্ ওই ন-পারিলুং, কিত্যে পানি বাড়ি যেইয়্যে আর সাজুরেদে ধোক্ক্যেন গভীন্ ওইয়্যে। সিয়েন্ এবাবোত্যে গাঙ্ ওইয়্যে যিয়েন্ কনজনে আঢিনে পার্ ওই ন-পারন্।

মথি লেখ্যে গম্ হবর্ 19:29

আর যে কেঅ মত্তে ঘর-বাড়ি, ভেই-বোন, মা-বাপ, পুয়ো-ঝি বা জাগা-জোবিন্ ছাড়ি দুয়োন্, তে সিয়েনির একশতগুন্ বেশ্ পেবঅ আর উমর জিংকানিয়ো দিয়্যে অবঅ।

মথি লেখ্যে গম্ হবর্ 8:29

তারা এমন্ দর্‍‍গরেপারা এলাক্ যে, কনজনে সে পধেদি যেই ন-পারিদাক্। তারা রঅ ছাড়িনে কলাক্, “ও গোজেনর পুয়োবো, আমা লগে তর্ কি দরকার? সময় ন অদে কি তুই আমারে যন্ত্রণা দিবাত্তে ইধু এচ্চ্যচ্?”

মার্ক 4:15

পধ কুরে পোজ্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনোন্, মাত্তর্ শদানে সেক্কে এইনে তারা মনত্ যে কধানি জমা ওইয়্যে সিয়েনি নেযায়।

যোহন 12:31

এ জগদ মানুচ্চুনোর্ বিচের সময় এবেরা এচ্চ্যে, আর জগদর্ গিরোজ আঢত্তুন্ ইক্কিনে রাজাগিরি কাড়ি নেযা অবঅ।

যোহন 16:11

বিচের পৌইদ্যেনে চেতনা দিবো, কিয়া জগদ গিরোজর্ বিচের্ ওই যেইয়্যে।

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।

ইব্রীয় 2:14

সেই পুয়োগুনে অলাক্ লো-য়েরাবলা মানুচ্‌। সেনত্যে যীশু নিজেয়ো লো-য়েরাবলা মানুচ্‌ অলঅ, যেনে মরণর খেমতাগান যিবে আঢত্ আঘে সেই শদানরে তে নিজোর মরণানরে দিইনে বল্‌‌পোজ্যে গরে,

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।

২ পিতর 2:4

স্বর্গদূত্‌তুনে যেক্কে পাপ গোজ্জ্যন সেক্কে গোজেনে তারারে ইরি নঅ-দে বরং নরগর্ আন্ধার গাঢত্ ফেলে দিইনে বিচারত্যে থোই দিয়্যে।

যিহূদা 1:6

ইয়েনবাদে যে স্বর্গদূত্‌তুনে নিজোর্ অধিকারান রোক্ষ্যে ন-গুরিনে নিজোর্ জাগায়ানি ফেলেই যেইয়োন তারার কধানি ইদোত্ তুলো। সেই দাঙর্ দিন্নোর্ বিচেরর্ আজায় গোজেনে তারারে উমরত্যে আন্ধারত্ বানি থোয়্যে।

ফগদাং পেইয়্যে 12:13

সেই দানপ্পো যেক্কে দেগিলো, তারে পিত্‌থিমীত ফেলেই দিয়্যে ওইয়্যে সেক্কে যে মিলেবোর পুয়ো ওইয়্যে দানপ্পো তা পিজেদি লাগিলো।

ফগদাং পেইয়্যে 12:15

সেক্কে সেই সাপ্পো সেই মিলেবোর্ পিজেন্দিত্তুন্ তারে গঙারত্ ভাজেই নেযেবাত্যে তা মুয়োত্তুন্ পানি নিগিলেনেই এক্কান্ গাঙ্ সৃট্টি গুরি ফেলেল,

ফগদাং পেইয়্যে 12:17

সেক্কে সেই দানপ্পো সেই মিলেবো উগুরে অমকদ রাগ গুরিলো; আর সেই মিলেবো গুট্টির বাদ্‌বাগী মানুচ্চুন্, অত্তাৎ যিগুনে গোজেনর্ উগুম পালান্ আর যীশুর শিক্ষ্যেনি ধুরি রাগান্ তারা বিরুদ্ধে তে যুদ্ধো গুরিবাত্যে গেলঅ আর দোজ্জ্যে সাগর পারত্ থিয়্যেই রলঅ।

ফগদাং পেইয়্যে 12:3

সে পরেদি স্বর্গত্ আর এক্কান চিহ্নো দেগা গেলঅ-আগুনো ধোক্ক্যেন রাঙা এক্কো দাঙর্ দানব্। তার্ সাত্‌টো মাঢা আর দশ্‌চো শিং, আর মাঢাগুনোত্ সাত্‌টো মুকুট এলাক্।

ফগদাং পেইয়্যে 12:4

তা লেজ্‌চান্দোই তে আগাজর্ তিন ভাগর্ এক ভাগ তারা টানি আনিনে পিত্‌থিমীত্ লুঙি মারি দিলো। যে মিলেবোর পুয়ো অদ যার্ দানপ্পো তা মুজুঙোত্ থিয়্যেই এলঅ যেন পুয়োবোর জর্ম অলে তে হেই ফেলেই পারে।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 13:2

সেই য়েমান্নো দেগদে হোক্ক্যেবাঘ ধোক্ক্যেন, আর তার্ টেঙানি এলদে ভালুগো টেঙ ধোক্ক্যেন আর মুয়োন এলদে সিংহ মুয়ো ধোক্ক্যেন। সেই দানপ্পো তার বল্, সিংহাসন আর খেমতা সেই য়েমান্নোরে দিলো।

ফগদাং পেইয়্যে 13:4

দানপ্পো সেই য়েমান্নোরে খেমতা দিয়্যে বিলিনে মানুচ্চুনে সেই দানপ্পোরে গোজেনর্ সর্মান দিইনে সালাম গুরিলাক্, আর য়েমান্নোরেয়ো সেই এক্কুই ধগে সালাম গুরিনে কলাক্, “এই য়েমান্নো ধোক্ক্যেন কন্না আঘে? আর কন্না বা তা সমারে যুদ্ধো গুরি পারে?”

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।

ফগদাং পেইয়্যে 20:7

সেই আজার বজর্ থুম্ ওই গেলে পরেদি শদানরে তার্ জেলখানাত্তুন্ ইরি দিয়্যে অবঅ।

ফগদাং পেইয়্যে 9:11

গভীন গাঢ্ দুনোবো এলদে এই পুগ্-যুগ্‌কুনোর্ রাজা। ইব্রীয় কধাদি সেই দূত্‌তোর নাঙান এলঅ আবদ্দোন আর গ্রীক কধাদি আপল্লুয়োন, অত্তাৎ ভস্ত গুরিয়্যে।