ফগদাং পেইয়্যে 2:3 - Chakma Bible

³ তর্ ধৈজ্জ্য আঘে আর তুই মত্যে বোউত্ দুঘ্ গোজ্জ্যস্, অরান্ ন-অচ্।

ফগদাং পেইয়্যে 2:3 Iomraidhean Croise

গীতসংহিতা 37:7

লগেপ্রভুর মুজুঙোত্ শান্ত অ; ধৈর্য্য ধুরিনে তাত্তেই বাজ্জেই থাগঅ। নিজোর্ কামানি ফোলেবাত্তে যে মানুচ্চো তার্ পাজি সল্লাগান কামত্ লাগায়, সিয়েনত্তে তুই মনান্ যাগুলুগ্ ন-গুরিচ্।

গীতসংহিতা 69:7

মুই তত্তেই অগমান সোজ্য গোজ্যং, অসর্মানে মর্ মুয়োন ঢাগা যেইয়্যে।

মীখা 7:9

ইক্কিনে আমি লগেপ্রভুর রাগ্‌কান বুওর্, কিত্যেই আমি তা বিরুদ্ধে পাপ গোজ্যেই, মাত্তর্ যেরেদি তে আমা তপ্পে কধা কোইনে আমা অধিকারানি থিদেবর্ গুরিবো। তে আমারে পহ্‌রত্ নিগিলেই আনিবো আর আমি তার্ ন্যায়বিচের্ দেগিবোং।

মার্ক 15:21

নিগিলিনে যেবার্ পধত্ তারা শিমোন নাঙে শঅরর্ এক্কো মান্‌‌জ্যর্ লগে দেগা অলঅ, যিবে দেজর্ শঅরত্তুন্ এজের্ আর সৈন্যগুনে তারে যীশুর ক্রুশ্‌‌চান বুয়োই নেযেবাত্তে বাধ্য গুরিলাক্। শিমোনে অলঅ কূরীণী শঅরর্ মানুচ্ আর আলেক্‌‌সান্দর আহ্ রূফোর বাপ্।

লূকে লেখ্যে গম্ হবর্ 14:27

যে মানুচ্চো নিজোর্ ক্রুশ্‌‌চান্ বুয়োইনে মঅ পিজেদি ন-এজে তে মর্ শিচ্চ্য ওই ন-পারে।

লূকে লেখ্যে গম্ হবর্ 18:1

শিচ্চ্যগুনে যেনে নিত্য তবনা গরন্ আর আজা ন-আড়ান্ সেই শিক্ষ্যেগান্ দিবাত্যে যীশু তারারে এ উদাহরনান্ দিলো: “কনঅ এক শঅরত্ এক্কো বিচেরক্ এলঅ। তে গোজেনরে ন-দোরেদ আর মান্‌জ্যরেয়ো গ্রাজ্য ন-গুরিদো।

লূকে লেখ্যে গম্ হবর্ 21:19

তুমি থির্ থেলে, তুমি নিজোরে উদ্ধোর্ গুরি পারিবা।

লূকে লেখ্যে গম্ হবর্ 5:5

শিমোনে কলঅ, “গুরু, সারা রেত্তো অমকদ কাম্ গুরিনেয়ো কিচ্চু গুরি ন-পারিই; তুয়ো তঅ কধাত্তে মুই জালান্ ফেলেম্।”

লূকে লেখ্যে গম্ হবর্ 8:15

গম্ ভূইয়োত্ পোজ্যে বীজ্‌‌চুনো মাধ্যমে তারা পৌইদ্যেনে কুয়ো ওইয়্যেদে যিগুনে গম্ আর সরল্ মনে সেই কধানি শুনিনে দরমর গুরি ধুরি রাগান্ আর থির্ থেইনে জিংকানিত্ পাগানা ফল দেগান্।

যোহন 15:21

তারা মত্যে তমা উগুরে ইয়েনি বেক্কানি গুরিবাক্, কিয়া যে মরে দিপাধেয়্যে তারা তারে ন-চিনোন্।

রোমীয় 12:12

তমা মুজুঙোত্ যে আজাগান্ আঘে সিয়েনত্যে ফুত্তি গরঅ। দুঘ্-কষ্টত্ ধৈজ্জ্য ধরঅ। নিত্য তবনা গরঅ।

রোমীয় 16:12

ত্রুফেণা আর ত্রুফোষারে ভালেদি জানেয়ো। এ মিলেগুনে প্রভুত্যে কাম্ গরন্। পরাণর্ পর্ষিসরেয়ো ভালেদি জানেয়ো। এ মিলেবোয়ো প্রভুত্যে বোউত্ কাম্ গোজ্জ্যে।

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

রোমীয় 8:25

মাত্তর্ যিয়েন পাহ্ ন-অয় সিয়েনত্যে যুনি আমার্ আজা থায় সালে সিয়েনত্যে আমি ধৈয্য ধুরিনে বাজ্জেই থেই।

১ করিন্হীয় 13:7

কোচ্‌পানাগানে বেক্কানি সোজ্জ্য গরে, বেক্কুনোরে বিশ্বেজ্ গত্তে আয়োজি, বেক্কানিত্ আজা রাগায় আর বেক্ অবস্থাত্ থির্ থায়।

১ করিন্হীয় 16:16

সেনত্যে এবাবোত্যে মানুচ্চুনোর্ অধীনতা স্বীগের্ গুরিবাত্যে মুই তমারে কোজোলী গরঙর্। আর অন্য যিগুনে এ কামত্ মিজেইনে দরমর গুরি কাম্ গরন তারার্‌অ অধীনতা স্বীগের্ গরঅ।

২ করিন্হীয় 10:15

সিয়েনবাদে অন্যগুনোর্ কামানিলোইয়ো আমি দেমাগ্ ন-গুরির্-যুনি গুরিদোং সালে সিয়েন দুযির্ বারেদি যেদঅ। আমি এ আজাগান্ গুরির্ যে, তমার্ বিশ্বেজ্ বাড়ানার্ লগে লগে আমি তমা ভিদিরে আরঅ বোউত্ কাম্ গুরি পারিবোং।

২ করিন্হীয় 11:23

তারা কি খ্রীষ্টর্ সেবাগুরিয়্যে? মুই আরঅ বেচ্‌ গুরি সেধোক্ক্যেন। মনত্ রাগেয়ো, মুই মাঢা-খারাব মান্‌জ্য ধোক্ক্যেন কধা কঙর্। খ্রীষ্টর্ সেবা গুরিবাত্যে যেইনে মুই তারাত্তুন্ বোউত্ বেশ্ কাম গোজ্জ্যং, আরঅ ভালোক্ বার জেল্ কাট্ট্যং, আরঅ ভালোক্ বার পিদে খেইয়োং, ভালোক্ বার মরণ মুয়োত্ পোজ্জ্যং।

২ করিন্হীয় 4:1

এই বেবস্থাগানর্ কধা জানিবার ভারান্ গোজেনে দোয়্যে গুরিনে আমারে দিয়্যে বিলিনে আমি আজা ন-আরেই।

২ করিন্হীয় 4:16

ইয়েনত্যে আমি আজা ন-আরেই। যুনিয়ো আমা বারেদি কিয়্যেগান ক্ষয় ওই যার্ তো আমা ভিদিরে মানুচ্চো দিনে দিনে নুয়ো ওই উদের্।

২ করিন্হীয় 5:9

সেনত্যে আমি কিয়্যেগানর্ ঘরানত্ বজত্তি গুরিই বা ন-গুরিই, আমার্ উদ্দেচ্য অত্তে প্রভুরে হুজী গরানা।

২ করিন্হীয় 6:5

কদক্ আমারে পিদে ওইয়্যে, কদক্ জেলোত্ দিয়্যে ওইয়্যে, কদক্ দাংগা-হাংগামা আমা উগুরেদি যেয়্যে, কদক্ কাম গোজ্জ্যেই, কদক্ রেত্ আমি ঘুম্ ন-যেইনে কাদেয়্যেই আর কদক্‌‌বার্ ন-হেইনে থেইয়্যেই।

গালাতীয় 6:2

তুমি একজন আরেকজনর্ ভারান্ ভুগি লোইয়ো। এবাবোত্যেগুরি তুমি খ্রীষ্টর্ সুদোমানি পালেই পারিবা।

গালাতীয় 6:9

আমি যেন গম কাম গত্তে গত্তে অরান্ ন-ওই, কিয়া সিয়েন ইরি ন-দিইনে গরানাত্ থেলে আমি ঠিগ্ সময়োত্ সিয়েনর্ ফসল পেবং।

ফিলিপীয় 4:3

আর মর্ আজল্ সমাজ্জ্যে, মুই তরেয়ো কোজোলি গরঙর্-তুই এই মিলেগুনোরে সাহায্য গর্। তারা খ্রীষ্টর্ পৌইদ্যেনে গম হবরত্যে মঅ লগে আর ক্লীমেন্ত আর মর্ অন্য সমাজ্জ্যেগুনো সমারে দুঘ্ গোজ্জ্যন্। ইগুনোর্ নাঙানি জিংকানি-বোইবোত্ লেগা আঘে।

কলসীয় 1:11

ইয়েন সম্ভব, কিয়া গোজেনে তার্ দাঙর্ খেমতা মজিম বেক্ খেমতাগান্দোই তমারে খেমতাবলা গোজ্জ্যে যেনে তুমি নিত্য হুজিয়ে ধৈজ্জ্য ধুরিনে বেক্কানি সোজ্জ্য গরঅ আর বাবা গোজেনরে ভালেদি জানঅ। পহ্‌র রেজ্যত্ গোজেন মানুচ্চুনে যে অধিকারান পেবাক্ সিয়েনর্ ভাগী অবাত্যে তে তমারে যগাজ্জ্যে গুরি তুল্ল্যে,

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

১ থিষলনীকীয় 2:9

ভেইলগ্, আমার কামানি আর দুঘোর্ কধানি খামাক্কায় তমার্ ইদোত আঘে। তমা ইধু গোজেনর্ গম হবরান্ ফগদাং গুরিবার সময় আমি দিন-রেত্ কাম গোজ্জ্যেই, যেনে আমি তমার কারঅ উগুরে কাঙেলেত্যে ন-ওই।

১ থিষলনীকীয় 5:12

ভেইলগ্, আমি তমারে কোজোলি গুরির্, যিগুনে তমা ভিদিরে কাম্ গরন, প্রভুর ওইনে তমারে পরিচালনা গরন আর তমারে উপদেচ্‌ দি থান্, তারারে সর্মান গরঅ।

২ থিষলনীকীয় 3:13

ভেই-বোনলগ্, গম কামত্ অরান্ ন-ওয়ো।

২ থিষলনীকীয় 3:5

প্রভু যেন তমার মনানি গোজেনর্ কোচ্‌পানার পধেদি আর খ্রীষ্টর্ ধৈজ্জ্যর্ পধেদি চালেই নেযায়।

২ থিষলনীকীয় 3:8

দাম ন-দিইনে কারঅ হানা ন-হেই। আমি দিন-রেত্ কাম আর কষ্ট গোজ্জ্যেই যেনে আমি তমার কারঅ কাঙেলেত্যে ন-ওই।

১ তীমথিয় 4:10

ইয়েনত্যে আমি মনে পরাণে কাম্ গুরির্ আর আওজ্ গুরিনে কাম্ গুরির্, কিয়া জেদা গোজেন উগুরে আমি আজা রাগেয়্যেই। তেয়ই বেক্‌ মানুচ্চুনোর্ উদ্ধোর্ গুরিয়্যে, বিশেষ গুরিনে তারারে যিগুনে তারে বিশ্বেজ্ গরন্।

১ তীমথিয় 5:17

মন্ডলীর যে আজল্ নেতাগুনে গমেডালে মন্ডলীর পরিচালনা গরন্, বিশেষ গুরি যিগুনে গোজেনর্ কধা প্রচার আর শিক্ষ্যে দান গুরিবাত্যে কাম গরন্, তারার্ পাওনা দ্বিগুন অনা উচিত।

ইব্রীয় 10:36

তমাত্তুন্ থির্ থানা দরকার, যাতে গোজেনর্ আওজ্ মজিম কাম গরানার্ পরেদি গোজেনে যিয়েন দিবাত্যে এগেম্ গোজ্জ্যে সিয়েন তুমি পঅ;

ইব্রীয় 12:1

সালে দেগা যাত্তে, গোজেন উগুরে বিশ্বেজর্ সাক্ষী ইজেবে বোউত্ মানুচ্‌ আমা চেরোকিত্যেদি ঝাগ্ গুরি আঘন্। ইয়েনত্যে এজঅ, আমি পত্তি ঝাগুলুগ্ জিনিস আর যে পাপ্পানিয়ে সহজে আমারে বেড়েকোরে ধুরিনে সিয়েনিরে দূরোত্ ঠেলি দিইনে মুজুঙেদি জিদেজিত্যে ধাবাদেনাত্ ধৈয্য ধুরিনে ধাবা দিই।

ইব্রীয় 13:13

সেনত্যে এজঅ, তার অসর্মানান্ নিজে লোইনে আমি শঅরর্ বারেদি তা ইধু যেই,

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।

ইব্রীয় 6:12

আমি ন-চেই তুমি আল্‌সি অ; আমি চেই, যিগুনে বিশ্বেজ্ আর অমকদ ধৈজ্জ্যলোই গোজেনর্ এগেম্ গোজ্জ্যে আশিদ্‌বাদর্ অধিকারী অন্ তুমি তারা ধোক্ক্যেন অ।

ইব্রীয় 6:15

ইয়েনত্যে অব্রাহামে যেক্কে জদবদে গুরি ধৈজ্জ্য ধুরিলো সেক্কে গোজেনে যিয়েন দিবাত্যে এগেম্ গোজ্জ্যে সিয়েন তে পেলঅ।

২ পিতর 1:6

জ্ঞান সমারে নিজোরে দঙানা আর নিজোরে দঙানা সমারে ধৈজ্জ্য, ধৈজ্জ্যর্ সমারে গোজেন উগুরে ভোক্তি,

ফগদাং পেইয়্যে 1:9

মুই তমার ভেই যোহন; যীশু লগে মিজেইনে মুই তমা লগে একই দুঘ্, একই রেজ্য আর একই ধৈজ্জ্যর্ ভাগী ওইয়োং। গোজেনর্ কধানি আর যীশুর সাক্ষ্যগানি ফগদাং গোজ্জ্যং বিলিনে মরে পাট্‌ম দ্বীবোত্ নেযেইনে থুয়ো ওইয়্যে।

ফগদাং পেইয়্যে 3:10

ধৈয্য ধুরিবার যে উগুমান যে মুই দুয়োং সিয়েন তুই পালেয়োচ্; সেনত্যে এ পিত্‌থিমীগান উগুরে যে দুঘোর্ সময় এজের্ সেই সময়ত্তুন্ ধুরি মুই তরে রোক্ষ্যে গুরিম। যিগুনে এ পিত্‌থিমীর তারারে যগা চেবাত্যে এ দুঘোর্ সময়ান এবঅ।