ফগদাং পেইয়্যে 2:25 - Chakma Bible

²⁵ বানা যিয়েনি তমার আঘে, মুই ন-এজানা সং সিয়েনি দরমর গুরি ধুরি রাগঅ।

ফগদাং পেইয়্যে 2:25 Iomraidhean Croise

যোহন 14:3

মুই যেইনে তমাত্যে জাগা থিক্ গুরিনে আরঅ ফিরি এইম্ আর মঅ ইধু তমারে নেযেম্, যেন মুই যিধু থাং তুমিয়ো সিধু থেই পারঅ।

প্রেরিত্‌ 11:28

তারাত্তুন্ আগাব নাঙে একজনে থিয়্যেইনে পবিত্র আত্মার পরিচালনাই কলঅ, গোদা রোম রেজ্যত্ এক্কো অমকদ ভাদ রাত্ অবঅ। (সম্রাট ক্লৌদিয়র রাজাগিরির্ সময়োত্ সে কধাগান পুরেল।)

রোমীয় 12:9

কোচ্‌পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।

১ করিন্হীয় 11:26

সেনত্তে তে ন-এজানা সং যেদকবার্ তুমি এ রুটিগান হেবা আর এ গলচ্চোত্তুন্ হেবা সেদকবার যীশুর্ মরণর্ কধাগান ফগদাং গুরিবা।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

১ থিষলনীকীয় 5:21

যিয়েন গম সিয়েন ধুরি রাগেয়ো,

ইব্রীয় 10:23

বিশ্বেজি ইজেবে আমার যে আজা আঘে, এজঅ, আমি থির্ ওইনে তা কধানি স্বিগের্ গুরি থেই, কিয়া যিবে এগেম্ গোজ্জ্যে তে বিশ্বেজ্‌বলা।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

ইব্রীয় 4:14

সেনত্যে এজঅ, আমি খুলোমেলা গুরি গোজেনর্ পুয়ো যীশু খ্রীষ্ট উগুরে আমা বিশ্বেজ্‌‌চান স্বীগের্ গুরি যেই, কিয়া তেয়ই আমার দাঙর্ ধর্মগুরু যিবে স্বর্গত যেইনে ইক্কিনে গোজেন মুজুঙোত্ আঘে।

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।

ফগদাং পেইয়্যে 22:20

যিবে ইয়েনি পৌইদ্যেনে সাক্ষ্য দের্ তে কত্তে, “ঘেচ্চেকগুরি মুই যাদিমাদি এজঙর্।” আমেন। প্রভু যীশু, আয়।

ফগদাং পেইয়্যে 22:7

যীশু কত্তে, “চঅ, মুই যাদিমাদি এজঙর্। এ বোইবোর বেক্ কধানি, অত্তাৎ গোজেনর্ কধানি যে পালায় তে বর্‌পেইয়্যে।”

ফগদাং পেইয়্যে 3:11

মুই সবরে এজঙর্। তর্ যিয়েনি আঘে সিয়েনি দরমর গুরি ধুরি থঅ, যেন কেঅ তর্ জিদেনার্ বক্‌শিজ্‌চান কাড়ি ন-লয়।

ফগদাং পেইয়্যে 3:3

ইয়েনত্যে যিয়েন তুই পেইয়োচ্ আর শুন্ন্যচ্ সিয়েন ইদোত্ তুল্ আর পালন গর্, আর এ অবস্থাত্তুন্ মনান ফিরা। যুনি তুই জাগি ন-উদোচ্ সালে মুই চুরো ধোক্ক্যেন এইম্, আর মুই কন্‌ অক্‌তদ্ তইধু এইম্ সিয়েন তুই হবর্‌অ ন-পেবে।