ফগদাং পেইয়্যে 2:14 - Chakma Bible

¹⁴ মাত্তর্ তো তঅ বিরুদ্ধে মর্ কিজু কবার আঘে। তইধু এমন্‌ মানুচ্চুন আঘন যিগুনে বিলিয়মর শিক্ষ্যে মজিম চলন্। বালাক রাজারে বিলিয়মে শিক্ষ্যে দিয়্যে যেনে তে মূত্তি মুজুঙোত্ উৎসর্ব গোজ্জ্যে হেবার হানা আর পর্‌পাগোল্যে অনালোই ইস্রায়েলীয়গুনোরে পাপ পধেদি নেযায়।

ফগদাং পেইয়্যে 2:14 Iomraidhean Croise

যিশাইয় 57:14

লগেপ্রভু কবঅ, “পথ্‌তান বানঅ, বানঅ, সিয়েন যুক্কোল্ গরঅ। মঅ মানুচ্চুনো মুজুঙোত্তুন্ বেক্ যাগুলুক্কানি সোরেই ফেলঅ‌‌‌‌‌।”

যিরমিয় 6:21

সেনত্তে লগেপ্রভু কোইয়্যেদে, “এ মানুচ্চুনো মুজুঙোত্ মুই নানান্ বাবোত্যে মানা গুরিম। বাবে-পুয়োই এক সমারে সিয়েনত্ উজোত্ হেবাক্; পাড়াল্যেগুনে আর সমাজ্যেগুনে ভস্ত ওই যেবাক্।”

যিহিষ্কেল 3:20

“আরঅ, যুনি কনঅ গম্ মানুচ্ তার ঠিগ্ পধত্তুন্ ফিরিনে ভান্ন্যেই কাম্ গরন আর মুই তা মুজুঙোত্ এক্কান দযা রাগাং, সালে তে মুরিবো। তুই তারে উজিয়ার ন-গরচ্ বিলি তে তার পাপত্তে মুরিবো। যেদক্কানি গম্ কাম তে গোজ্যে সিয়েনি আর ইদোত্ তুলো ন-অবঅ; মুই তরে তার্ মরণত্তে দায়ী গুরিম।

যিহিষ্কেল 44:12

মাত্তর্ তারা মূত্তিগুনো মুজুঙোত্ মানুচ্চুনোরে সেবা গোজ্যন্ আর ইস্রায়েল জাদরে পাপত্ ফেল্যন, সেনত্তে মুই প্রভু লগেপ্রভু শমক্ গোজ্যং, তারার্ পাপর্ ফল তারাত্তুন ভুগো পড়িবো।

গণাণা 24:14

মুই ইক্কিনে মর্‌ মানুচ্চুনো ইদু ফিরি যাঙর্‌, মাত্তর্‌ তা আগেন্দি মুই তরে উজিয়ার্‌ গুরি কোই দি যাঙর্‌ এই জাদ্‌তো আগামিদি তর্‌ জাদ্‌তো উগুরে কি গুরিবো।”

গণাণা 31:16

পিয়োর মুড়োবোর্‌ ঘটনাত্‌ ইগুনে দঅ বিলিয়মর্‌ সল্লামজিম ইস্রায়েলীয়গুনোরে লগেপ্রভুর ইত্তুন্‌ দূরোত্‌ সোরেই যানার্‌ কারণ ওইয়োন, যিয়েনর্‌ কারনে লগেপ্রভু মানুচ্চুনো ভিদিরে ভানা(বড়্‌পিড়ে) দেগা দিয়্যে।

গণাণা 31:8

অন্যগুনো লগে মিদিয়নীয়গুনোর্‌ পাঁচজন রাজারেয়ো তারা মারে ফেলেলাক্। তারার্‌ নাঙানি অলঅ ইবি, রেকম, সূর, হূর আর রেবা। ইস্রায়েলীয়গুনে বিয়োরর পূঅ বিলিয়মরেয়ো মারে ফেলেলাক্।

মথি লেখ্যে গম্ হবর্ 18:7

কদক্ দর্‌গরেপারা এই পিত্‌থিমীগান পাপ পধেদি নেযেবাত্তে তারার্ বিশ্বেজ্‌চানি আরেই ফেলাদন! অবুচ্চ্যই সিয়েনি দঅ ঘুদিবো; মাত্তর্ কত্তমান দর্‌গরেপারা যিবেলোই সিয়েনি ঘদে!

প্রেরিত্‌ 15:29

সেই দরকারী বেপারানি অলঅ-তুমি মূর্ত্তি ইধু উৎসর্ব গোজ্যে হানা ন-হেবা, লো ন-হেবা, তদা চিবিনে মাজ্যে য়েমান য়েরা ন-হেবা আর কনঅ বাবোত্যে সিনেলী ন-গুরিবা। ইয়েনি গরানাত্তুন্ দূরোত্ থেলে তুমি গম্ গুরিবা। বিদায়।”

প্রেরিত্‌ 21:25

মাত্তর্ যে অযিহূদীগুনে বিশ্বেজি ওইয়োন্ তারাত্তে আমি যিয়েন ঠিগ্ গোজ্জ্যেই সে পৌইদ্যেনে তারা ইধু এ কধাগান লিগিনে জানেয়োং, মূত্তি মুজুঙোত্ উৎসর্ব গোজ্যে হানা তারা ন-হেবাক্, লো ন-হেবাক্, তদা চিবিনে মাজ্জ্যে কনঅ এ্যামানর্ য়েরা ন-হেবা আর কনঅ বাবোত্যে বেভিচের্ ন-গুরিবা।”

রোমীয় 11:9

রাজা দায়ূদেয়ো কোইয়্যেদে, তারার্ হানার্ পরব্‌‌পুন্ ফাল্ আর জাল ধোক্ক্যেন্ ওক্‌, সিয়েনি যেন তারার্ উজোত্ হেবার্ কারন অয়, আর তারার্ যিয়েন পাওনা সিয়েন যেন তারা পান্।

রোমীয় 14:13

ইয়েনত্তে আমি যেন একজন আরেক্ জনরে দুষ্ ন-ধুরিই, বরং এমন্‌ কনঅ কাম্ ন-গুরিবোং বিলিনে ঠিগ্ গুরিই, যিয়েন দেগিনে কনঅ ভেই মনত্ যাগুলুক্ পায় বা পাপত্ পড়িই পারে।

রোমীয় 14:21

য়েরা হানা, আঙ্গুর রচ্‌ হানা বা এমন্‌ কিজু গরানা উজিত্ নয় যেনে তর্ কনঅ ভেই মনত্ সিয়োংচমা ন-অয়।

রোমীয় 9:32

কিত্ত্যেই ন-পারন্? কিয়া তারা বিশ্বেজ্ উগুরে নির্ভর ন-গুরিনে কাম উগুরে নির্ভর গোজ্জ্যন্। যে শিল্লোত্ মান্‌জ্যে উজোট্ খান্ এ সিবেত্ তারা উজোট্ খেইয়োন্।

১ করিন্হীয় 1:23

মাত্তর্ আমি সেই ক্রুশোত্ দিয়্যে খ্রীষ্টর্ কধা প্রচার গুরিই। সেই কধাগান যিহূদীগুনো ইধু এক্কান মানা আর অযিহূদীগুনো ইধু মূর্খতা,

১ করিন্হীয় 7:2

মাত্তর্ চেরোকিত্তে বোউত্ বেভিচের্ অর্, সেনত্তে পত্তি মরদর্ নিজোর্ মোক্ থোক্ আর পত্তি মিলের্ নিজোর্ নেক্ থোক্।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।

যিহোশূয় 24:9

পরেন্দি সিপ্পোরর পূঅ মোয়াবর রাজা বালাকে ইস্রায়েলীয়গুনো লগে যুদ্ধো গুরিবাত্তে যুক্কোল্‌ অলঅ‌ আর তমারে অভিশাব্ দিবাত্তেই বিয়োরর পূঅ বিলিয়মরে ডাগি আনিলো।

১ পিতর 2:8

আরঅ বোইবোর্ এ কধাগান্অ খাদে, সিবে এমন্‌ পাত্তর্ যিবেত্ মান্‌জ্যে উজোত্ হান্, আর যিবেত্ মান্‌জ্যর্ উজোত্ হেবার কারন অবঅ। মান্‌জ্যে গোজেনর্ কধানি অমান্য গরন্ বিলিনে উজোত্ হান্ আর ইয়েনত্যে তারা ঠিগ্ ওইনে আঘন্।

২ পিতর 2:15

তারা বিয়োরর্ পুয়ো বিলিয়মর্ পধ্‌থান ধোজ্জ্যন্। বিলিয়মে ভান্ন্যেই কামর্ বকশিজ্ পেবাত্যে চেইয়্যে,

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।

ফগদাং পেইয়্যে 2:20

তো তঅ বিরুদ্ধে মর্ এ কধাগান কবার্ আঘেদে, তুই ইষেবল নাঙে সেই মিলেবোর্ অন্যেয় সোজ্জ্য গরর্। এই ইষেবলে নিজোরে ভাববাদী কয়। তা শিক্ষ্যেলোই তে মর্ চাগরুনোরে ভুলোয় যেন তারা বেগেয়্যে গরন্ আর মূত্তি ইধু উৎসর্ব গোজ্জ্যে হানা হান্।

ফগদাং পেইয়্যে 2:4

তো তঅ বিরুদ্ধে মর্ এ কধাগান কবার্ আঘে, মঅ উগুরে পত্তমে তর্ যেবাবোত্যে কোচ্‌পানাগান এলঅ সিয়েন তুই আযেই ফেলেয়োচ্।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।