ফগদাং পেইয়্যে 19:9 - Chakma Bible

⁹ সে পরেদি সেই স্বর্গদূত্‌তো মরে কলঅ, “এ কধাগান লেগ, ‘ভেড়া-ছবোর্ মেলাত্ যিগুনোরে বাত্যেনা ওইয়্যে তারা বর্‌পেইয়্যে।’ ” তে এ কধাগানঅ কলঅ, “ইয়েন গোজেনর্ কধা আর সিয়েন সত্য।”

ফগদাং পেইয়্যে 19:9 Iomraidhean Croise

যিশাইয় 8:1

লগেপ্রভু মরে কলঅ, “তুই এক্কান দাঙর্ আরুগ্ লোইনে সিয়েন উগুরে সাধারন মান্‌জ্যর্ আঢ লেগা ইজেবে এ কধাগান লেগ্, মহের-শালল-হাশ-বস (যিয়েনর ভেদ্‌তান্ ‘যাদিমাদি লুদোনা, যাদিমাদি গজক্ গুরি নেযানা’)।

হবক্‌‌‌‌কূক 2:2

সেক্কে জোবত্ লগেপ্রভু কলঅ, এ দর্শনানর কধাগান লেগ্ আর পাত্তর ফলগ উগুরে খুনিনেই গমেডালে গর্ যেনে সিয়েন সহজে পড়া যায়,‌

লূকে লেখ্যে গম্ হবর্ 22:16

মুই তমারে কঙর্, গোজেন রেজ্যত্ ইয়েনর্ উদ্দেচ্য পূরোণ্ ন-অনা সং মুই আর কনদিন্অ এই হানাগান্ ন-হেম্।”

১ তীমথিয় 1:15

এ কধাগান বিশ্বেজ্‌বলা আর পুরোপুরি গুরিনে মানি লবার্‌অ যগাজ্জ্যে যে, পাপত্তুন্ পাপীগুনোরে উদ্ধোর্ গুরিবাত্যে খ্রীষ্ট যীশু জগদত্ এচ্চ্যে।

১ তীমথিয় 4:9

এ কধাগান বিশ্বেজ্ গুরিবার আর পুরোপুরি গুরিনে মানি লবার্‌অ যগাজ্জ্যে।

২ তীমথিয় 2:11

এ কধাগান বিশ্বেজ্ গুরিবার যে, খ্রীষ্ট সমারে যুনি আমি মুরি থেই, সালে তা সমারে আমি জেদায়ো থেবং।

তীত 3:8

এ কধানি বিশ্বেজ্‌ গুরিবার। মুই চাং, তুই ইয়েনি পৌইদ্যেনে জোর্ দে, যেনে গোজেন উগুরে যিগুনে বিশ্বেজ্ গোজ্জ্যন তারা অন্যগুনোরে উপকার গুরিবার কামত্ নিজোরে লাগি থেবাত্যেই মনানি দুয়োন। মান্‌জ্যর্ পক্ষে ইয়েনি বেক্কানি গম আর উপকারী।

ফগদাং পেইয়্যে 1:1

এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।

ফগদাং পেইয়্যে 1:19

ইয়েনত্যে তুই যিয়েনি দেগিলে, যিয়েনি ইক্কিনে ঘদের্ আর ইয়েনির্ পরেদি যিয়েনি ঘুদিবো সিয়েনি লিগি থঅ।

ফগদাং পেইয়্যে 10:4

যেক্কে সাত্‌টো দেবা পেরাগ পড়েদে আবাজ্ অলঅ সেক্কে মুই লিগিবাত্যে যুক্কোল অলুং। মাত্তর্ স্বর্গত্তুন্ মরে এ কধাগান কুয়ো অলঅ, “সাত্‌টো দেবা পেরাগ্ যে কধাগান কলঅ সিয়েন গুমুরোত্ থঅ, ন-লিগিচ্।”

ফগদাং পেইয়্যে 14:13

সে পরেদি মুই একজনরে স্বর্গত্তুন্ কধে শুনিলুং, “এ কধাগান লেগ-ইক্কেত্তুন্ ধুরি যিগুনে প্রভু সমারে মিজেইনে মুরিবাক্ তারা বর্‌পেইয়্যে।” পবিত্র আত্মাগানে এ কধাগান কত্তে, “অয় তারা বর্‌পেইয়্যে। তারার্ কামত্তুন্ তারা জিরেন পেবাক্, কিয়া তারার্ কামর ফল তারা সমারে থেবঅ।”

ফগদাং পেইয়্যে 17:1

যে সাতজন স্বর্গদূতো আঢত্ সাত্‌টো কদরা এলাক্ তারাত্তুন্ একজনে এইনে মরে কলঅ, “বজমান পানি উগুরে যে দাঙর্ বেশ্যেবো বৈ আঘে, আয়, মুই তার সাজা তরে দেগাং।

ফগদাং পেইয়্যে 17:17

ইয়েনর্ কারণান্ অলঅ, গোজেনে তারার্ মন ভিদিরে এমন্‌ আওজ্ দিয়্যে যেনে তার্ কধানি ফলে। সিয়েনর্ কারনে তারা একমন ওইনে সেই য়েমান্নো ইধু তারার্ বেক খেমতাগানি দান গুরিবাক্, যেনে গোজেনর্ কধানি পূরোণ ন-অনা সং তে রাজাগিরি গুরি পারে।

ফগদাং পেইয়্যে 2:1

ইফিষ শঅরর্ মন্ডলী দূত্‌তো ইধু এ কধাগান লেগ- যিবে তার ডেন্ আঢেদি সাত্‌টো তারা ধুরিনে সনার সাত্‌টো চেরাগ সংমধ্যে ঘুরি বেড়ায় তে এ কধাগান কর্:

ফগদাং পেইয়্যে 2:12

পর্গাম শঅরর্ মন্ডলী দূত্‌তো ইধু এ কধাগান লেগ- যে ধারেয়্যে ছুরিগানর্ দ্বিয়ো কিত্ত্যেদি ধার্ আঘে সিয়েনর অধিকারী এ কধাগান কত্তে:

ফগদাং পেইয়্যে 2:18

থুয়াতীরা শঅরর্ মন্ডলী দূত্‌তো ইধু এ কধাগান লেগ- গোজেনর্ পুয়ো, যিবের্ চোগ্‌‌কুন আগুনো জিলো ধোক্ক্যেন আর টেঙানি ভারী চক্‌চোক্ক্যে পিদোল ধোক্ক্যেন তে এ কধাগান কর্:

ফগদাং পেইয়্যে 2:8

স্মুর্ণা শঅরর্ মন্ডলীর দূত্‌তো ইধু এ কধাগান লেগ- যিবে পত্তম আর থুম্, যিবে মোজ্জ্যে আর জেদা ওইয়্যে, তে এ কধাগান কত্তে:

ফগদাং পেইয়্যে 21:5

যিবে সেই সিংহাসনত্ বৈ এলঅ, তে কলঅ, “চঅ, মুই বেক্কানি নুয়ো গুরি বানাঙর্।” যেরেদি তে আরঅ কলঅ, “এ কধাগান লেগ, কিয়া এ কধানি বিশ্বেজ্ গুরিবার আর সত্য।”

ফগদাং পেইয়্যে 22:6

যেরেদি সেই স্বর্গদুত্‌তো মরে কলঅ, এই বেক্‌ কধানি বিশ্বেজ্‌গুরিবার আর সত্য। প্রভু গোজেন, যিবে ভাববাদীগুনোরে দিইনে কধা কোইয়্যে তে তার্ দূত্‌তোরে পাধেই দিয়্যে, যেন কয়েক দিনো ভিদিরে যিয়েন খামাক্কায় ঘুদিবাত্যে যার্ সিয়েন সেই স্বর্গদূত্‌‌তো তা চাগরুনোরে দেগেই পারে।

ফগদাং পেইয়্যে 3:1

সার্দি শঅরর্ মন্ডলীর দূত্‌তো ইধু এ কধাগান লেগ- গোজেনর্ সাত্‌টো আত্মা আর সাত্‌টো তারা যিবে ধুরি আঘে তে এই কধাগান কর্: মুই তর্ কামর্ কধানি কোই পারং। জেদা আঘচ্ বিলিনে তর্ গম সুনাঙ্ আঘে, মাত্তর্ আজলে তুই মরা।

ফগদাং পেইয়্যে 3:14

লায়দিকেয়া শঅরর্ মন্ডলী দূত্‌তো ইধু এ কধাগান লেগ- যিবে আমেন, যে বিশ্বেজি আর সত্য সাক্ষী, যিবে গোজেনর্ সৃট্টির গড়াগান, তে এ কধাগান কর্: মুই তর্ কামর কধানি কোই পারং।

ফগদাং পেইয়্যে 3:20

চঅ, মুই দুয়োরান ইধু থিয়্যেইনে বাজ্জাঙর্। কেঅ যুনি মর্ মুয়ো রবুয়ো শুনিনে দুয়োরান খুলি দে সালে মুই ভিদিরে তাইধু যেইম্ আর তা সমারে হানা-দানা গুরিম, আর তেয়ো মঅ সমারে হানা-দানা গুরিবো।

ফগদাং পেইয়্যে 3:7

ফিলাদিল্‌ফিয়া শঅরর্ মন্ডলী দূত্‌তো ইধু এ কধাগান লেগ- যিবে পবিত্র আর সত্য, যাইধু দায়ূদোর চাবি আঘে, যিবে খুলিলে কেঅ বানি ন-পারে আর বানিলে কেঅ খুলি ন-পারে,