ফগদাং পেইয়্যে 19:8 - Chakma Bible

⁸ চোক্‌‌চোক্যে, সাব্ আর নিগুজ্ কুজি কাবড় তারে পিনিবাত্যে দিয়্যে ওইয়্যে। সেই কাবড়ান অলঅ গোজেন মানুচ্চুনোর ধর্ম লক্কণ।”

ফগদাং পেইয়্যে 19:8 Iomraidhean Croise

গীতসংহিতা 132:9

তঅ ধর্মগুরুগুনে ন্যায়র পোজাক্ উরোদোক্, আর তঅ ভক্তগুনে রঙ্গ-ফুত্তিয়ে গীদ্ গাদোক্।

গম্ উপদেজ্ 31:22

বিচ্চোনত্তে তে চাদর্ বানায়; তে নিজেয়ো মসীনার কাবড় আর মংগা বিগুনো রঙর্ কাবড় উরে।

যিশাইয় 3:23

আনা, মসীনা ভিদিরে কাবড়ান্, পাগড়ি আর ওড়নাগানি কাড়ি নিবো।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিহিষ্কেল 16:10

মুই তর্ কিয়্যেনত্ নক্‌শা গোজ্যে কাবড় দিলুং আর টেঙত্ শুগর চামর্ দোল্ জদা পিনেলুং। মুই তঅ মাঢাবোত্ পাদল্ মসীনা কাবড় উরেই দিলুং আর রেশম কাবড়লোই তরে ঢাগি দিলুং।

যিহিষ্কেল 44:17

মসীনার পোজাক্ পিনিনে তারা ভিদিরে উদোনর্ গেট্টুনো ইন্দি সোমেবাক্; ভিদিরে উদোন গেট্টুনো ইধু বা উবোসনা-ঘর ভিদিরে সেবা-কামর্ অক্তত্ তারা কনঅ উলোর্ পোজাক্ পিনি ন-পারিবাক্।

মথি লেখ্যে গম্ হবর্ 17:2

তারা দেগিলাক্ যীশুর চেয়ারাগান্ বুদুলি গেলঅ। তা মুয়োন্ বেলান ধোক্ক্যেন্ জ্বোল্‌জোল্যে আর তা কাবড়ান্ অমকদ ধুব্ ওই গেলঅ। সে পরেদি তারা তিনজন শিচ্চ্যই মোশি আর এলিয় যীশু লগে কধা কধে দেগিলাক্।‍

মথি লেখ্যে গম্ হবর্ 22:12

এক্কো মানুচ্ মেলা কাবড়্ ন-পিনিনে সিধু এচ্চ্যে। রাজা তারে পুযোর্ গুরিলো, ‘সমাজ্যেবো, মেলা কাবড়্ ন-পিনিনে কেধোক্ক্যেন্ গুরি ইধু সুমিলে?’ তে ইয়েনর্ কনঅ জোব্ দি ন-পারিলো।

মার্ক 9:3

তা কাবড়-চুগোড়ানি এমন্ চোগ্ ফিরেই ন-বাজ্জ্যে ধুব্ অলঅ যে, পিথ্‌‌তিমীর কনঅ কাবড় কাজেয়্যের্ পক্ষে সেবাবোত্যেগুরি কাবড় খাজানা সম্ভব নয়।

লূকে লেখ্যে গম্ হবর্ 24:4

যেক্কে তারা আমক্ ওইনে সে পৌইদ্যেনে ভাবদন্ সেক্কে দেবা ঝিমিলেনি ধোক্ক্যেন্ জ্বোল্‌‌জোল্ল্যে কাবড় উজ্যে দ্বিজন্ মানুচ্‌ তারা কায় কুরে এইনে থিয়্যেলাক্।

প্রেরিত্‌ 1:10

যীশু যেক্কে উগুরেদি উদি যার্ সেক্কে শিচ্চ্যগুনে চোগো পাদা ন-ফেল্ল্যে গুরি আগাজন্দি রিনি চেই এলাক্। থিক্ সেক্কে ধূব্ কাবর্ উজ্জ্যে দ্বিজন মানুচ্‌ শিচ্চ্যগুনো কায়কুরে থিয়্যেইনে কলাক্,

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

রোমীয় 3:22

যিগুনে যীশু খ্রীষ্ট উগুরে বিশ্বেজ্ গরন্ তারার্ সেই বিশ্বেজর্ মাধ্যমে গোজেনে তারারে নিদ্দুজি বিলি মানি লবঅ। যিহূদী আর অযিহূদী বেক্কুনে সং সং,

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”

ফগদাং পেইয়্যে 15:6

সেক্কে সেই সাতজন স্বর্গদূত্ সাত্‌তান আঘাত লোইনে উবোসনা-ঘরত্তুন্ নিগিলি এলাক্। তারার্ কিয়্যেনিত এলঅ সাব্ চোক্‌চোক্যে কাবড় আর বুগোত্ বান্যে এলঅ সনার পট্টি।

ফগদাং পেইয়্যে 19:14

স্বর্গর্ সৈন্যদলুনে ধুব্ সাব্ মসীনার্ কাবড় পিনিনে ধুব্ ঘোড়াত্ চড়িনে তা পিজে পিজে যাদন্।

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।