ফগদাং পেইয়্যে 19:5 - Chakma Bible

⁵ সেক্কে সিংহাসনত্তুন্ একজনে কলঅ, “গোজেনর্ চাগরুন আর তুমি যিগুনে গোজেনরে ভোক্তি গুরিনে দরঅ, তুমি চিগোন-দাঙর্ বেক্কুনে আমা গোজেনর্ বাঈনী গরঅ।”

ফগদাং পেইয়্যে 19:5 Iomraidhean Croise

গীতসংহিতা 115:13

তে তার্ চিগোন-দাঙর্ বেক ভক্তগুনোরে বর্ দিবো।

গীতসংহিতা 134:1

ও লগেপ্রভুর সেবাগুরিয়েগুন্, যিগুনে লগেপ্রভুর ঘরত্ রেদোত্ সেবা-কাম গরঅ, তুমি বেক্কুনে লগেপ্রভুরে বাঈনী গরঅ।

গীতসংহিতা 135:1

লগেপ্রভুরে নাঙ্ গিনে ওক্। তুমি লগেপ্রভুরে বাঈনী গরঅ; ও লগেপ্রভুর সেবাগুরিয়্যেগুন, যিগুনে লগেপ্রভুর ঘরত্ সেবা-কামানি গরঅ; যিগুনে আমা গোজেন ঘর উদোনত্ সেবা-কামানি গরঅ, তুমি লগেপ্রভুরে বাঈনী গরঅ।

গীতসংহিতা 150:6

নিজেস্ ফেলেয়্যে বেক্ প্রাণিগুন লগেপ্রভুরে নাঙ্ গিনোদোক্। লগেপ্রভুরে নাঙ্ গিনো।

গীতসংহিতা 22:23

তুমি যিগুনে লগেপ্রভুরে ভোক্তি গরঅ, তুমি তার্ বাঈনী গরঅ। যাকোবর বেক্ বংশধরুন, তুমি তারে সর্মান দেগঅ। ইস্রায়েলর বেক্ বংশধরুন, তুমি তারে শ্রদ্ধা জানঅ।

ফগদাং পেইয়্যে 13:16

তে চিগোন-দাঙর্, থাগোইয়্যে-নাঢা, গিরোজ্ আর চাগর্, বেক্কুনোরে ডেন্ আঢত্ বা কবাল উগুরে এক্কান চিহ্নো মানি লবাত্যে বাধ্য গুরিলো।

ফগদাং পেইয়্যে 16:17

যেরেদি সাত-লম্বর দূত্‌তো তা কদরাবো বৈয়্যেরত্ উবোত্ গুরিলো। সেক্কে উবোসনা-ঘরর সিংহাসনানত্তুন্ জোরে এ কধানি কুয়ো অলঅ, “যিয়েন অবার সিয়েন ওই যেয়্যে।”

ফগদাং পেইয়্যে 19:18

যেন তুমি রাজা, সেনাপতি, বোলী মানুচ্‌, ঘোড়া আর সেই ঘোড়াত্ চোজ্জ্যে মানুচ্চুনোরে, গিরোজ্ আর চাগরুনোর আর চিগোন-দাঙর বেক্‌ মানুচ্চুনোর য়েরানি হেই পারঅ।”

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।

ফগদাং পেইয়্যে 7:15

সেনত্যে ইগুনে গোজেনর্ সিংহাসন মুজুঙোত্ আঘন আর স্বর্গর্ উবোসনা-ঘরত্ ইগুনে দিন-রেত্ তারে সেবা গত্তন্। যিবে সিংহাসন উগুরে বুয়োই আঘে তেয়ই ইগুনো উগুরে তা তাম্বুলান খাদেব।